YEREMIA 38:2 - PIPÏLIA

² lentöy ECHOTYON, “Chi anka tïkwïl nyo ngötu kanasyantanï kïmeghöy ompö ngot anta kömöy anta sömew. Wölo chi anka tïkwïl nyo töni kegh mori lïko Papilonia, kïsöpöy. Chömto kegh chichoni kenam, wölo melö kïtïghöy.”

YEREMIA 38:2 ပူးပေါင်းရင်းမြစ်များ

YEREMIA 21:4

“We Sedekia! Owöghökyininyi kïparinyi kariko lïkengu chï kepöronyi pöytoghinto Papilon nko lïko Papilonia chï mi sanypa kanasyan kurikinyi. Osupchinan kariko lïk löwïr kanasyan kwen.

YEREMIA 24:8

“Wölo oyitan Sedekia, pöytoghinto Yuda nko yetïntinechi nko pich cho kingötï Yerusalem nko cho kiwuchï koro Misri lö, karkegh nko makanyechay ghach nyoman mötïng kyam.

YEREMIA 27:11

Wölo ato lut katïnyi chi pö kor anka tïkwïl möchokyo Nepukadnesa pöytoghinto Papilon akïpöghisyechï nyinte, opïsinan kïmöngisyö akïngor paren ompö korengwa.” Mwoghöy ECHOTYON.

YEREMIA 27:13

Ompö ne temegha nko piköku ompö ngot anta kömöy anta sömew? Nka chete tïkwïn cho kimwa ECHOTYON lö ighisyot ompö kor anka tïkwïl nyo möchomönye kïpöghisyechini pöytoghinto Papilon.

YEREMIA 29:16

Wölo atere kïgh nyo mwoghöy ECHOTYON paraku pöytoghintonete töpo ye ngacharu paytaghpa Daudi nko pich löwïr cho möngöy kanasyantanï nko pikökwa löwïr cho mapanye nko akwa koro pïnotnön.

YEREMIA 29:18

Opïrpïrenan chane ngot nko kömöy nko sömew nyo gha. Oghan chane kïlïkwï pich cho atosïwa pikö walaka kwotyö akïmïghyö. Kïmïnöy chane kwararit akepöghisyeghö kaynengwa ompö chïpö.

YEREMIA 34:17

Kïlenyona omwoghan ante ECHOTYON lö, ompöwölo mokonyïtökwanye ngölyontenyan nyo komökenokwa atyaka pikökwo cho le sekey. Kanya nyu atyakekwa tïkwïl, owonyenö nyu ompö ngot nko sömew nko kömöy. Oghokwa pich cho ato sïwa pipö koros löwïr kwotyö.

YEREMIA 39:18

Osörunyi nyo mötïny, puryö chi nyo pörinyi. Kechïwitanyi söpontongu ompöwölo kitönönyi kighanatengu wölo omitan. Kamwaghan ante ECHOTYON lenyoni.”

YEREMIA 42:17

Wonyot pich löwïr cho pïrchini kïpetöy kïmöngöy Misri ompö ngot nko kömöy nko sömew. Puryö ompö akonga nyo ngötu ompö kiwurat nyo opchinan chane.’

YEREMIA 42:22

Kïlenyona onkïtï lö opetekwa owonyechini koro Misri nyoni opïrchinekwa opetey. Wonyokwa ngot nko kömöy nko sömew.”

YEREMIA 44:13

Omungan pipö Israel cho möngöy Misri le wölo kyomungön pipö Yerusalem ompö ngot nko kömöy nko sömew.

YEREMIA 45:5

Ayo, iyörenyi so kewunyi nyo karam tya kïtïl pikö walaka? Ikïrö kegh ngölyontononi! Ompöwölo onyoran ngwïny kïmïkul. Wölo ropöwontengu kï akonga. Ichïwïtenyi amönyorunyinye ngot ompö wop anka tïkwïl nyo kewenyi.” Mwoghöy ECHOTYON.

ESEKEL 14:21

Kïlenyona lentöy Echotyon TORORÖT, “Tökïne anka ato kyotorchan Yerusalem tïkwïn angwan cho ngwonöch cho komungan kor, chok nko kömöy nko tïpö wudïn nko amal nyo wongöy pich nko kyakikwa tïkwïl.

ESEKEL 6:11

Lentöy Echotyon TORORÖT arapaka morikwo atyak ngwïny. Atolapay olö Heywey ngokï nko sïmnyontöno pipö Israel cho kigh chane kuwonyö ompö chok nko kikar nko amal.

ESEKEL 7:15

“Mi porsyö sany, kuwongöy amal pich nko kikar ompö kanasyan, meghot cho mi sany ompö chok, kitïng kikar nko amal pich cho mi kanasyan.