YEREMIA 3:2 - PIPÏLIA

² Syolö konyiku aitopön kutïngkot! Mi wölo tomönye ighenanyi cheporesnan nko chamanköku? Kikanganyi chane ompö or kamas, le wölo köngöy chi Marapyan ompö surkwen atökupulchï. Kesïmnyonönyi kor, ompö cheporesnanengu nyo kipölpolöy!

YEREMIA 3:2 ပူးပေါင်းရင်းမြစ်များ

TOWUNÖT 38:14

kïngwïs sïrokachi cho pö mïsïknan akuyenö kegh sïra nyo kilum tokochunyi tömenkïtï chi akïwö kïtöpö or nyo pörtoy okumpö Enaim, kanasyan nyo kimi or nyo kiwetöy kutöngöy Timna. Kigh lenyoni ompöwölo kökikunkïtï lö kökiyetï Syela wölo melö kikiyilchï nyinte.

1 PÖYTOGHÏ 11:3

Kwip Solomon kor 700 cho kile tipö pöytoghï, akïtas ngat chemïnïngwen* cho le 300. Koruchoni cho kigh Solomon kïpïstö Tororöt,

2 PÖYTOGHÏ 23:13

Kusïmnyon Yosia wölo kïsogho körkeyïntin cho kitek pöytoghintö Solomon kongasispa Yerusalem, okumpö ewu tagh nyo pö kutïng pö Arol nyo kitekyï Solomon pöytoghinto Israel, Astoret, tororöt nyo le korka nyo pö Sidon nko Kemos tororöt pö Moap nko Molek, tororöt pö pipö Amon.

TUMWÖY 106:38

Kïmïlta nyu kisön pö pich cho puryö lelut, kisönko monekwa cho le wor nko tipïn, kïpighchï körkeyïntino pipö Kanan akusïmnyonö kor kisön.

NGÖTÏNYÖ 23:28

Syepisïyi nyinte le mosin akïtas pich cho puryö kighanat ompö kwenu mïrön. Ngöghomnyö nyo pö taman nko mut nko sömök

NGÖTÏNYÖ 7:11

Ki syölin akï tighin ki yonsötoy kïgh amelö töpo ngwïny,

YEREMIA 12:12

Kepokï kiwurï kïghömï kutïngkot cho mi surkwen. Kopïswan ngot kungwïn kunyar kor kïmïkul, möminye chi nyo möngisïyi ompö kalya.

YEREMIA 2:20

“Kogh ato kirïnganyi mïchokineku aichoghchinyi sïrïmtine wölo low, ailenchaninyi, ‘Melö topöghisyewunyi.’ Kisaghanyi tororötine walaka ompö kutïng anka tïkwïl nyo kogh, aikïtïngchinyi ompö rurwo ket anka tïkwïl nyo nyaril le chi nyo le cheporesyan.

YEREMIA 2:23

Ayo, imukenyi lö ne mwagha lö, ‘Melö ochan sïmnyon amelö karïpan asagh Paal?’ Nane ngokï cho kighanyi ompö wölnö le mpöghoghöy, ne nyaye kighanyi ompö wölini nya? Kilatenyi mösöru tamas nyo ngöröy,

YEREMIA 2:7

Kyamïtakwa kor nyo akwagh tongörökyinö akwechi nko tïkuchi walaka cho karamach. Wölo nyini kyatakwa anyarakwa korenyan, asïmnyonökwa kore nyini kyoyomiswokwa.

YEREMIA 3:1

“Ato tyak chi korkenyi, akïwö kokanay kwip chitö anka, etökuyokyini kegh chichay kokononi nya? Ntötöp kwigh lenyoni, mesïmnyononye korö kwararitï? Kïkany nyi ye Israel, keghanyi cheporesnan nko chamanköku cho chang. Ekechamanyi ye mïleghchanïn ngatï? Mwoghöy ECHOTYON.

YEREMIA 3:13

Wölo chamanyi lö kyalel, akipörchinyi patagh ECHOTYON Tororötïngu, aicham lö, ompö ket anka tïkwïl nyo nyörilöch sökö, kitötenyi kegh icham tororötin walaka, aicham tïkwïl lö kimeterwanïnyinye. Mwoghöy ECHOTYON.

YEREMIA 3:21

Kakïlïma kiteghat kutïngkot parak. Mi pipö Israel kïriryot akïsönönsot, ompöwölo kikïtosonchö ompö ortïnekwa, akiwutyeghö ECHOTYON Tororötïngwa.

YEREMIA 3:9

Akwompöwölo kisïwa lö ki kïgh nyo mïnïng cheporesnan, kwipchï kor sïmnyontön nyo wow nyoman ompö cheporesnan otini kisoghöy koghïn nko ket.

YEREMIA 7:29

“ ‘Akwa pipö Yerusalem! Arwaka mötöw asönön! Oriryeghenö kutïngkot parak le ato kama chi, ompöwölo kataghakwa ECHOTYON, akwa pïnï kotyorï nörekyenyi!’

ESEKEL 16:16

Kipöghisyeghenyi sïroköku walaka aimina wölo isoghonyi körkeyïntin, aighanyi le chepores nyo töni kegh chi anka tïkwïl, kïgh nyo kitomönye kwigha amökwighonye.

ESEKEL 20:28

Ompöwölo nyini kyopön chane koronini kyowolwolchan lö otöninan chane, nyini kisiwa kutïng kipa kïropta amörostinekwa ompö wölini nko ompö ket cho tïnkusöch, kwighanïn anarekan nyoman ompö ropöwekwa cho kipelöy nko dipay* cho kïroptoy.

OSEA 2:5

Ompöwölo kegh yongwa cheporesnan, kökonï arasï yongwa nyo kimir chane. Ompöwölo kilenchï kegh, “Orïpotonan chamankachu cho pöghanïn akïkonanïn puto kech nko sïro pö katani nko mwagh nko dipay.”*

LUKA 16:23

Otini kimi sïkönonay kiwonguno ma nyo wow ompö ngwen, kïtopön yïm akïsïwa Apraam nko Lasaro cho kimi wölo low.

KINONO KIRURUT 12:2

Anyar nyu wop anka tïkwïl wölo köpöghisyegho puntonichoni opetekwa ochengöy korengwa kïsogho tororötinekwa. Ato kö ompö kutïngkot cho koghöch anta komos anta ket cho echön cho tïnkusöch.