YEREMIA 26:2 - PIPÏLIA

² Kilenchanïn, “Ghyongenö ato ryomo pich ompö Kö pö Tororöt* aimwochï pipö kanastina Yuda cho pkonöy kïsoghöy, ngölyon anka tïkwïl nyo komwowunyi lö imwochï chane. Metuk ngölyon ompö akonga.

YEREMIA 26:2 ပူးပေါင်းရင်းမြစ်များ

YEREMIA 1:17

Wölo nyi ye Yeremia, napa kegh lasiny. Wïyö mwochinö chane ngalechï löwïr omwowunyi ye. Amewagh chane, tömawirenin potana ompö tawungwa.

YEREMIA 1:7

Wölo kïlenchanïn, “Melentöy tochï monïng. Iwetenyi kor anka tïkwïl wölo koyoktinyi wïyö. Aiwetenyi imwoghöy ngölyon anka tïkwïl nyo komwowunyi mwatïtena.

YEREMIA 19:14

Atolapay oweghan Topet owö wölo kikakïyontanïn ECHOTYON amwatïta ngölyontenyi. Kyowan oghyongö pighu Kö pö Tororöt,* amwochï pich löwïr lö,

YEREMIA 23:28

Nya kïmwa werkoyonta kirwotïtoghtanyi nyo kirwotïtö, kïmwa ngölyontenyan lenyini kamwaghan nyo kalïm ngölyontenyan. Ayo, karkegh so morïr nko pagh?

YEREMIA 25:2

Kïlenyona olenchan pipö Yuda nko Yerusalem löwïr,

YEREMIA 28:5

Atolapay ongölonchan Anania ompö tawu tïsï nko pich löwïr cho kighyongöy ompö Kö pö Tororöt. Kyolenchan,

YEREMIA 36:10

Kisomönchï Paruk pich kitapunay mi ngalechay löwïr kyamwaghan kekir. Kisomönchï chane ompö opis pö Kemaria wero Syapan nyo le kikirin ompö Kukat nyo Rel ompö Kö pö Tororöt.

YEREMIA 42:4

Olenchan chane, “Owöy kalïman, awetan osoghöy ECHOTYON Tororötïnkwa lenyoni kosomanïkwa. Akwotomwowï nyinte ngölyon, ongwïnan omwowokwa, mowïngenekwanye kïgh nyonikïny.”

YEREMIA 7:27

“Kïlenyona Yeremia, imwochinenyi chane ngalechete löwïr wölo melö terunyi. Ikurenyi chane, wölo melö ngitönunyi.

ESEKEL 3:10

Kïlenchanïn ngat, “Wero chi, tera lasiny ngalechan löwïr chï omwowunyi aikomönchï mïkulöwungu.

ESEKEL 33:7

“Kïlenyona nyu o wero, kyayaran ripin nyo pö pipö Israel nyi nyoni, otini kelïmanyi ngölyon ompö kutinyan, iwö imwochï chane kitewunöt nyo omwowunyi.

ESEKEL 40:4

Kïlenchanïn chichay, “Wero chi rosena konyiku aitera yitiku ainama möt kïgh anka tïkwïl nyo oporunyi, ompöwölo kopunyi yi atö oporunyi ngal. Imwochï ngalechï löwïr isïwïyenyi pipö Israel.”

MATAYO 28:20

anet chane kïrïp ngal tïkwïl cho kochikwokwa, ankïtï lö omitan nko akwa osis löwïr ntökuwonyö ngwïnya.”

LUKA 19:47

Ompö osiswechoni, kinetisyeghö Yeso Kö pö Tororöt osis löwïr. Kïmach tïsï cho echön nko koneti kirurut kïpar nyinte kimach tïkwïl lenyoni pich cho echön ompö korononi.

YOANA 18:20

Kuyokyï Yeso nyinte lö, “Kyongölonchan pich löwïr kïlöpo kïteno osis ato kyonetisïyan ompö kori sowut nko ompö Kö pö Tororöt kituyegho pipö Yaudi kïmïkul akïtomönye amwaghan ngölyon nyonikïny ompö wïngat.

YOANA 8:2

Otini kuwas ato le asïyech, kïmïla ngat kutang Kö pö Tororöt.* Kïghömïtyï kegh wöloni kimi nyinte söpïchoni kïmïkul, akumpur ngwïny, kunet Yeso chane.

IGHISYEWUT 20:20

onkïtökwa lö möminye ngölyon anka tïkwïl nyo kimuköy kungörokokwa nyo kyachïchukan momwowokwa, wölo kyanetakwa, ompö tawu pich nko ompö kestonikwo tïkwïl.

IGHISYEWUT 20:27

Ompöwölo kyomwowokwa ngal lapay cho mököy Tororöt.

IGHISYEWUT 5:25

Atolapay kungwïn chi kïmwochï chane lö, “Mi pïchay kotorchikwa chela kughyongo Kö pö Tororöt, akunetöy pich.”

IGHISYEWUT 5:42

Akimösisyöcha chane asis anka tïkwïl kunetisyö ompö Kö pö Tororöt nko kori pich, kwamta Lökoy cho Karamach lö, “Yeso kï Kristo.”*

KINONO KIRURUT 12:32

“Orip nyu kïgh anka tïkwïl nyo omwowokwa asete arïp, matas kïgh anta achïchuk.

KINONO KIRURUT 12:5

Opetekwa wölo porwokwa ECHOTYON Tororötïngwo ompö ortïnekwa ompöwölo lïku atoni möngenyi, wölo opkonekwa osogho nyinte.

KINONO KIRURUT 4:2

Matas ngölyon nyonikïny ngalechï omwowokwa anta achïchuk ngale walaka, atamuka arïpa kirurut pö ECHOTYON Tororötïngwo.

YOSWÖ 8:35

Melö mi ngölyon ompö ngal löwïr cho kimwa Musa nyo melö kisomön Yoswö ompö tawu tuyot kïmïkul, kïmi korï nko monïng nko pïnot cho kimang kwenungwa.

NGONGUT 22:19

Kïlenyoni tïkwïl, ato chïchuk chi ngölyonto werkoynön nyo mi kitapunï, kïsöro Tororöt nyinte karerantanyi nyo pö ket pö söpon nko karerantanyi nyo pö Kanasyantanay tïlil kakïmwowunö kitapunete.