YEREMIA 2:8 - PIPÏLIA

⁸ Matepnye kegh tïsï lö, ‘Mi onö ECHOTYON nya?’ Melö kitökunkïtwanïn koneti kirurut, kïlïkwï pöytoghi penyï, kïngor werkoyi ngal ompö kayna Paal* akïsagh tororötino putintön cho melö tïng tösunöt.

YEREMIA 2:8 ပူးပေါင်းရင်းမြစ်များ

1 PÖYTOGHÏ 18:22

Atolapay kïlö Eliya, “Ani onkït nyo le werkoyonto ECHOTYON nyo köngötï, wölo mi werkoyi Paal cho le 450.

1 PÖYTOGHÏ 18:29

Kïlenyona kulet tagh werkoyichay kuteghyö akuteghyö le pich cho kikwip oy, ntökïmala asis. Wölo melö kimi kut nyonikïny nyo kiwöghökwï.

1 PÖYTOGHÏ 18:40

Kïlenchï Eliya pïchay, “Anama werkoyi Paal amopïstö nyo le ompö akonga kïchïwït!” Kenam chane löwïr, atolapay kumït Eliya kutang lalwa Kisyon akïpara chane wöloni.

AYUPU 35:10

Wölo möminye chi nyo lentöy, ‘Mi onö Tororöt Ighintenyan, nyo konu tumwöy oghö

ISAYA 28:7

Kitömesyö tïkwïl pikö cho köle werkoy nko tïsï ntömelö tökumuköy kïpestotoy. Kighegh dipay* nko kumïn cho chang tya ntökïwöngisyö. Kitömesyö werkoykö tya ntökupöl kïsïkï ngongut cho kiporchini Tororöt chane. Kïtömesyö tïsï tïkwïl ntökupöl kïmut ngal cho kikipchini chane.

ISAYA 29:10

Keghakwa ECHOTYON onukyenö atoruyenö rïwön nyo nïkis. Werkoy cho kötö lïku konyi pich, wölo kelum Tororöt konyikwa.

ISAYA 30:5

kitökughyongchini kegh pipö Yuda ompö kïgh nyo kigh chane kughan pïchoni mökumuköy ntökeghan, pich cho kipïsyï chane arawet kwen kïpuryö kingarakat.”

YEREMIA 10:21

Amwaghan ante Yeremia lö, “Wechï kalïkwï kintöghoghicha sölwöy! Mötepönye ECHOTYON atökeporchï or. Nka nyoni nyu kïgh nyo kichunta chane, aketoytoyö pikökwa löwïr.

YEREMIA 12:10

Kewur pöytoghi punton cho chang parenyan nyo pö sapipun katyakatyak kunyar parenyan nyo pïchigh, ntökwanyï ye kalïkwï surkwen.

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

YEREMIA 18:18

Atolapay kïlö pïchay, “Apkana kechama wölo kïtïghtoy Yeremia! Mömicha so tïsï cho netecha anta pich cho ngöghomöch cho muköy kururecha anta werkoy cho mwowecha ngölyonto Tororöt? Keyara ngal cho kirwokyinegho Yeremia amaketera ngat ngalechi cho mwoghöy.”

YEREMIA 2:11

Ekïmi pipö koros cho kikïwaghach tororötinekwa nko melö kö pö man tagh nya wey? Kïlö ne nyu piköchan tökïpïstanïn nyo ochï ororyengwa akïsagh tororötin cho puryö tösunöt?

YEREMIA 2:6

Mötepönye kegh chane ompö lö, ‘Mi onö ECHOTYON nyo kisörunenecha koro Misri, akuntöghoghwecha ompö surkwen, ompö koro pekat nko ngötutöy nko tuwïn nyo wow, kor wölo mewerönye pich amöminye chi nyo möngöy?’

YEREMIA 4:22

Lentöy ECHOTYON, “Sölwöy piköchan amenkïtanïcha. Monïng chane cho le sölwöy, möpköchinicha kïgh nyonikïny. Wölo köromöch nyoman kwigh kïyï gha, amenkïtcha kwigh kïgh nyo karam.”

YEREMIA 5:31

otï kangor werkoy ngala putintön, kïrïp tïsï lenyini kamwa werkoy, akurosyini kegh piköchan lö kiten nyoman ngalechoni! Oghekwa ne ato itïta sörömu ngalechoni?”

YEREMIA 7:8

“Wölo, atï nyu katwaytekwa kegh ngala putintön cho puryö tösunöt.

YEREMIA 9:14

wölo kilïkwï penyï atolapay kïrïp tighintöno mïkuliskökwa, akïsagh körkeyïntino Paal* le wölo kinet papotïnekwa.

ESEKEL 22:26

Kipeny tïsï kirurutköchan nko tïkucha cho tïlilöch amelö tökupesyot kïgh nyo tïlil nko nyo melö tïlil, tomöcha kunet sisityo tïkwïn cho tïlilöch nko cho le sïmnyon. Melö kitökïyang osiswechan pö Sapatotin kïlenyona kikuratanïn chane.

ESEKEL 34:2

Kïlenchanïn, “Wero chi, nya kïngor möt mösöw cho pö Israel lenchinö chane lentöy Echotyon TORORÖT. Heywey mösöwechï pö Israel, oyongekwa kegh opïn. Melö so kötöngöy mösöwö kyakikwa tya?

OSEA 4:6

Kikuwongwï piköchan ompöwölo menkïtcha kïgh, ompöwölo kataghakwa chïreryö, kïlenyona otöghokwa tïkwïl. Melö tochikwa tïsichan ngat, ompöwölo kowutyeghekwa kiyomisut pö Tororötïngwo, kïlenyona owutyeghonan tïkwïl monekwa.

APAKUK 2:18

Nyiwu ne körkeyïn nyo kipötöy anta nyo kitongöy otini kakiwany kegh? Menetönye kïgh ighintenyi kïpoto putintön. Nyiwu ne ompö nyinte tökïlentöy oghönöy? Kïgh nyo le tororöt pö putintön nyo memuköy ompö ntökïngalan!

MATAYO 16:26

Ompöwölo tïng chi kinyiwut ne ato nyorï ngwïny kïmïkul akupotö söpon? Möminye kïgh nyonikïny nyo muköy chi ntökwala söpontanyi.

LUKA 11:52

“Ochech akwa koneti kirurut! Kawïnyakwa yotöwon nyo kïyotoy ara ngöghomnyö. Sörömunyi molïtekwanye ori angetakwa ngat omir pich cho kötölïtu ori.”

YOANA 16:3

Ighwokwa chane ngalechoni, ompöwölo tomöcha kunkïtï Paponyan anta nkïtwanïn.

YOANA 8:55

Tomönye onkïtunökwa nyinte, wölo onkïtön nyinte. Ntökamwaghan lö monkïtönye nyinte, kötochan putin, le akwa. Wölo onkïtön nyinte arïpan ngölyontenyi.

2 KORINTO 4:2

Kakïpïstecha ngala arasï löwïr cho wïngote. Melö tökepöghisyeghocha lïs anta kïpöghisyeghö ngölyonto Tororöt ompö putintön. Kiportocha man otini kighecha man atöketönöcha sïkunöto chi anka tïkwïl kurwokyecha ompö tawu Tororöt.

KINONO KIRURUT 33:10

Netöy chane pipö Israel kirurutköku, akunet monekwa ngaleku. Koninyi tïkwïn cho ngutoy cho onyïn, akïpelunyi amörostin ompö ato kïpelo amöros.

1 SAMWEL 12:21

Amowöghökisyö atang wölo mi tororötino putintön cho mengörokokwanye anta sörwokwa, ompöwölo kwïle choni.

1 SAMWEL 2:12

Ki pich cho ghach werpö Eli, kimökonyïtöcha ECHOTYON