YEREMIA 2:3 - PIPÏLIA

³ Kichinyi atoni, we Israel nyo tïlil ompö tawunyan, kilatenyi paghechan cho tagh cho pö ilö. Kilel anka tïkwïl nyo kiswanginyi akïnyorï nyarïl nyo wow.” Mwoghöy ECHOTYON.

YEREMIA 2:3 ပူးပေါင်းရင်းမြစ်များ

WUWÖT 22:29

“Moropï okonï kitötogh pö paghekwa nko chongïn pö dipay* nko cho pö mwaghpa arol. “Okonanïkwa poretayikwo cho le wor.

WUWÖT 23:16

“Agh Ichon pö Ilö ompö poretay cho pö paghekwo cho kyakatkatakwa. “Agh Ichon pö Tunkun ompö sörömu köny, ato osupekwa paghekwo.

ISAYA 41:11

“Kïrïntoy kïnam arasï pich cho ghöchinokwa. Meghsot chane cho poryeghenokwa

ISAYA 47:6

Kyonörekyan pikachu, kyoghchan chane le atomelö kitökïpiköchan ngat. Nka nyoni kyotönön chane ewuneku amelö kisyonchinyi chane kïrkegh ompö chini le poy.

YEREMIA 12:14

Lentöy ECHOTYON, “Mi kïgh nyo omwoghan ompö pöröris pö Israel cho kinyar kor nyo kyotönön piköchan Israel. Okölöngenan chane korengwa atolapay osörwan Yuda ompö kwenungwa.

YEREMIA 2:4

Akwa monïngo Yakopo nko akwa pipö ortïna Israel, atera ngölyonto ECHOTYON!

YEREMIA 30:16

Wölo ye nyu, kinyörilöy kong anka tïkwïl nyo nyörilinyi kong kïrongöy punköku löwïr kïpa pönotnön Chona chopinyi kong, ochopan kong chane Chona mi kipsach kulepinyi olepan chane tïkwïl.

YEREMIA 50:7

Kipar piköchan chi anka tïkwïl nyo kinyorï chane. Kisïrpön pungkökwa lö mökïtïng lelut kïpöröy chane kïlentöy, ‘Ompöwölo kigh chane ngokï ompö tawu ECHOTYON nyo le komönintengwa nyo pö man akï nyo kikönöy papotïnekwa.’

YOEL 1:3

Omwochinö monekwo kïyete atökïmwochï moneko monekwa, cho mwochini ngat pïnwöy cho pkonöy.

AMOS 6:1

Heywey akwa cho kyakalyan ompö Sayon* nko pich lentöy kikïlalyan ompö kutïng pö Samaria. Akwa pipö Israel cho echön cho sorokwa pich.

APAKUK 1:11

Atolapay kïwïchtö kegh le yomat akulet tagh, akwigh owesyengwa kegh kïlïkwï tororöt!

SAKARIA 1:15

Ochan narekat nyoman ompö punton cho kimang kïkalyan, ompöwölo nko kimïnïng sitöt nyo kyotönön piköchan, wölo kipka puntonï kïtas kïyetï tya.

SAKARIA 2:8

Kiyoktanïn ECHOTYON Kimuktoghin ompö ororyenyi owö omwochï koros cho kirang pikachi kipa pïnotön lö, “Kor anka tïkwïl nyo swongöy piköchan kïlenye ato körïtanïn kong nyini tuw.

KIYITUT 18:12

Okonokwa tïkwïl mwada nyo karam nko dipay* cho karamach nko paghe cho potagh cho karamach cho ropchini pich ECHOTYON.

RUMI 11:16

Ato kiketö Tororöt pïtöno makatyan, kïlïku nyenyi makatyante kïmïkul. Akwato kïropchï Tororöt ighin pö ket, kïlïku chechi mori tïkwïl.

RUMI 16:5

Otokweswo tïkwïl kanisa nyo tuyegho kongwa. Otokwesan kongenyan Epayneto nyo kipö tagh kughan Kristo ompö okumpö Esya.

EPESO 1:4

Kïle Kristo wölo kikïltecha Tororöt ompö Kristo kelïkuna chechi otini kitomönye ketor kegh ngwïny, atöketïlilöchitunö akelïkwï pich cho puryö lelut ompö tawunyi, akwompö chomnyenyi.

KINONO KIRURUT 14:2

Ochikwa pich cho tïlilöch ompö ECHOTYON Tororötïngwo cho kikïngotokwa nyinte akakïlakwa ECHOTYON alïkuna pikachi kegh ompö kwenu puntoni walaka löwïr ompö ngwïny.

KINONO KIRURUT 26:19

Atökutoteghenokwa nyinte kïtïl puntoni walaka löwïr cho kigh nyinte ompö salat nko ororyö akïsïch konyït. Atalïkuna pich cho tïlilöch ompö ECHOTYON Tororötïngwo kïrïp kegh nko kiyomisötenyi.”

KINONO KIRURUT 7:6

Agha lenyoni ompöwölo ochikwa pich cho tïlilöch ompö ECHOTYON Tororötïngwo. Kakïngotokwa nyinte alïkuna pikachi kegh, ompö kwenu puntoni walaka löwïr ompö ngwïny.

YAKOPO 1:18

Kiyiyecha nyinte ompö machatenyi ompö ngölyontenyi nyo pö man atökelïkuna cho pö tagh ompö tïkwïn lapay cho kigh nyinte.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

NGONGUT 14:4

Pich chane cho kikïrö kegh sïmnyontöno cheporesnan, ompöwölo ki kïltïte chane. Mi chane kïrïpöy Wawa Kech wop anka tïkwïl nyo wetöy. Kikïsörunö chane kwenu ptangengmötine walaka, akï chane cho kïnyoghöy keropchini Tororöt nko Wawa Kech.