YEREMIA 17:3 - PIPÏLIA

³ nko tömköy. Opïsyinan pungkökwa kïcheng tïkukwa nko ropïyeni atökutökï ngokichay kyaghakwa ompö korenkwa kïmïkul.

YEREMIA 17:3 ပူးပေါင်းရင်းမြစ်များ

2 PÖYTOGHÏ 24:13

akïcheng kïgh anka tïkwïl nyo kimi kaplawachpa Kö pö Tororöt* nko cho kimi kö pö paytagh akwip kutang Papilon kïrïp kegh nko ngölyonto ECHOTYON nyo kimwa akïtörotör kari koltin cho kigh pöytoghintö Solomon atökepöghisyeghö ompö Kö pö Tororöt.

TUMWÖY 78:58

Kwigh nyinte kïnarek ompö tororötino punton akwigh nyinte kïlïkwï söstoghin ompö körkeyïntinekwa.

ISAYA 27:9

Wölo kïlöstoghchini pipö Israel ngokikwa otini kewany chane kïngagh koghi tïsöwo pipö punton kïkarkegh nko pïsya amelö tökïmi ngat koghïn cho ngötu cho kïpelo tïsöw anta körkeyïntin cho pö tororötnay le karka kïkuro Asyera.*

YEREMIA 12:12

Kepokï kiwurï kïghömï kutïngkot cho mi surkwen. Kopïswan ngot kungwïn kunyar kor kïmïkul, möminye chi nyo möngisïyi ompö kalya.

YEREMIA 15:13

Kïlenchanïn ECHOTYON, “Oyonunan pung cho pkonöy kïngötöröy tïkukwa nko ropïyenikwa. Lïku nyoni sitenyan ompö ngokï cho kyaghakwa ompö kore kïmïkul.

YEREMIA 20:5

Opïsinan tïkwïl pung choni kïchengchï kegh sïkönöto kanasyantanete nko tïku lödo cho pö olyot nyo wow cho mi orinyi nko ropïyeni pöytoghi Yuda, akwip Papilon.

YEREMIA 21:13

Konömchinyi lat we Yerusalem, oporyegheninyi! Nyi nyo imi ghat parak ompö ato syolote. Nyi nyo ilentöy, ‘Ekï ngo köny nyo muköy kungwïn akïlïtï möngencha nyo ripote, akï ngo nyo muköy kïporyeghenecha?’

YEREMIA 26:18

“Kimwochï pipö Yuda löwïr Mika chi pö Moresyet ato ki pöytoghin Esekia nyo pö Yuda lö, ‘Lentöy ECHOTYON Kimuktoghin, kïngoröy Sayon* le par, lïku Yerusalem kïratyan nyo kirulyö korïn kutïkumö akïlïkwï wuw Kö pö Tororöt.’

LOK 1:10

Kasara Yerusalem pungkachi mökosyengwa lömïs nyo kitigho kegh kitopön pipö punton kïlïtöy Kö pö Tororöt wölo kitagha ECHOTYON chane kïlïtöy.

ESEKEL 16:39

Otöninyi morikwa akurultoy chane wölay kighonyi cheporesnan, aisagha körkeyïntin. Chengöy chane sïroköku nko kariku cho karamach akïpïstinyi kïchïrut.

ESEKEL 23:46

Kïlenyona Lentöy Echotyon TORORÖT, “Opunö pich kupokyï chane akumugh akïsara tïku lömïs.

ESEKEL 6:3

Lenchinö kutïngkoti Israel atera ngölyonto Echotyon TORORÖT nyo lenchini kutïngkot nko komos nko korok nko tömköy opkokwa chok nyo nyoröy wölo osoghokwa körkeyïntin.

LAWIN 26:30

Onyornyoran ato osoghokwa körkeyïntin atörotörön ato opelokwa tïkwïn cho ngutoy cho onyïn, awirchan mïntïruchkökwa wölo köchïnchï körkeyïntinekwa akïwöchokwa mïkulöwunyan.

MIKA 3:12

Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.

SEPANIA 1:13

Kïsöro pïchoni tïkukwa lömïs akewur korikwa. Akïrkegh kïlö kïteköy korïn, mömöngöcha korichoni. Kïrkegh kïlö kïkötkötöy sapipun, mögheghöcha dipay* pö ketichoni.”