YEREMIA 1:3 - PIPÏLIA

³ akungwïnchanïn tïkwïl ato ki pöytoghinto Yuda Yeoyakim wero Yosia. Kingwïnchanïn ngölyonto ECHOTYON lenyoni ntökïtenö könyi taman nko akonga nyo pö paytaghpa Sedekia wero Yosia pöytoghinto Yuda. Kikïrang pipö Yerusalem arawa mut nyo pö könyinoni kïpa pïnotön.

YEREMIA 1:3 ပူးပေါင်းရင်းမြစ်များ

2 PÖYTOGHÏ 23:34

Kwigh nyu pöytoghintö Neko Elyakim wero Yosia kïlïkwï pöytoghinto pipö Yuda kuker kwanta akïwaghach kaynenyi kïkuro Yeoyakim. Kumït Neko Yoaas kutang Misri, kïtöpö wöloni ntökïrapas.

2 PÖYTOGHÏ 24:17

Atolapay kwigh Nepukadnesa Mataniya werto ompö Yeoyakin kïlïkwï pöytoghinto Yuda akïwaghach kaynenyi kïlïkwï Sedekia.

1 OTÖPTINO OSIS 3:15

Werpö Yosia kï: Yoanan nyo le poretye nko Yeoyakim nko Sedekia nko Yoaas.

YEREMIA 1:4

Kingwïnchanïn ngölyonto ECHOTYON kilenchanïn,

YEREMIA 34:1

Kingölonwanïn ECHOTYON ato kimi Nepukadnesa pöytoghinto Papilon nko lïkenyi nko lïkos pö koros cho kipöytoy nyinte kïporyegho Yerusalem nko kanastine walaka cho lekïtinö.

YEREMIA 35:1

Kilenchanïn ECHOTYON ato ki pöytoghinto Yuda Yeoyakim wero Yosia,

YEREMIA 36:2

“Chenga kitapï tekirchinö ngalechï löwïr komwowunyi paraku pipö Israel nko Yuda nko koros löwïr. Kira ngal cho komwowunyi kïngata osiswo paytaghpa Yosia nko ye.

YEREMIA 39:2

Ato mi asispa mut nko angwan arawa angwan nyo pö könyi taman nko akonga nyo pö paytaghpa Sedekia, kewir kïrul nayatu kanasyanta Yerusalem.

SAKARIA 7:5

“Lentöy ECHOTYON Kimuktoghin, mwochinö pich löwïr cho mi kor nko tïsï lö, ‘Kyosönönekwa, akïrur ompö arawa mut nko arawa mut nko odeny ompö könyiswechaye kewer le 70 wölo melö kyaghakwa lenyoni ompöwölo kyokonyïtanïkwa.

SAKARIA 8:19

“Lentöy ECHOTYON Kimuktoghin, lïku kïrurata nyo pö arawa angwan nko nyo pö arawa taman osiswo ngörekyö nko turönöt akï osiswo ichontin ompö pipö Yuda. Kïlenyona achamena kegh man nko kalya.”