YAKOPO 4:9 - PIPÏLIA

⁹ Osönönchenö, alokyö. Nya kïwaghaka rorötengwo kïlïkwï lok akïwaghaka ngörekyengwo kïlïkwï nyarïl nyo wow.

YAKOPO 4:9 ပူးပေါင်းရင်းမြစ်များ

NEEMIA 8:9

Otini kisöwï pich wölo lata kirurut kusyonchï kegh akïriryö, kïlenchï Neemia pröyönto pöytoghin nko Esra tïsin akï kikirin nko pïchay pö Lawi le koneti kirurut pïchay löwïr, “Tïlil asisï ompö ECHOTYON Tororötïnkwa, mosönönöy amolokyö.

AYUPU 30:31

Kötum pïkantinyan tumwöyi meghat, kïchögh pkurerunyan chöghöto lok.”

TUMWÖY 119:136

Yinu lok konyichan le konyi pöghon, ompöwölo katagh pich kïrip kirurutköku.

TUMWÖY 119:67

Kyochan low kïtomö onyorwan sitöt, wölo orïpan ye nyu ngölyontengu.

TUMWÖY 119:71

Karam kyonyorwan sitöt, atö anetan kegh kikirutköku.

NGÖTÏNYÖ 14:13

Roröy chi kïrkegh kïnïkis mïkulöwunyi, ngörekyö nyarïl.

OMTOGHIN 2:2

Onkïtwan lö roröt kï chepoynön akï möminye kïgh nyo karam nyo iwu ngörekyö.

YEREMIA 31:13

Pkonöy monekwa cho le tipïn akïnyal ompö ngörekyö akwigh mïrön nko poy kïturonchö. Osoghsoghan chane, awaghach sönönötengwa kïlïkwï ngörekyö, owöghökan nyörilwokökwa kïlïkwï turönö.

YEREMIA 31:9

Mïlisyot piköchan kïlokyonu, omïtunan osoghsoghonu chane, kuweranï lalwatïn cho mi pögh. Pegho or nyo tapulul nyo puryö kïgh nyo kwötöy chane, ompöwölo ochan papoto Israel, akï poretyenyan Epraim.

LOK 5:15

Mökïminye ngörekyö orincha, kawaghaka turönencha kïlïkwï rira.

ESEKEL 16:63

Olöstewunyi lelutköku löwïr cho kighanyi, wölo otini kenananyi, nöminyi kïgh kut ompö arasï.” Mwoghöy Echotyon TORORÖT.

ESEKEL 7:16

“Ryöghchini pich cho köchïwïtyö kutïngkot le cheptuken cho kakyotyeghö ompö mpöghoghöy, akïsönön anka tïkwïl ompö ngokichi.

MATAYO 21:41

Kuyokyï lö, “Pöröy chi pö par pïchini ghach ompö parat nyo gha akumönokyï paranoni pö sapipun pikö walaka cho töni nyinte kareranto akweko parenyi otini ketïta asispa ilö.”

MATAYO 5:4

Soyönote pich cho sönöniot, ompöwölo syonchini Tororöt chane!

LUKA 16:25

Wölo kiwöghökyï Apraam lö, ‘Nane ya montanyu lö, kirotyinyi tïkwïn cho karamach atanya kimitenyi ngwïny, kirotyï Lasaro cho ghach. Wölo kïsoghsogho ye nyinte yi imitenyi ngwonïn.

LUKA 6:21

Ochikwa soyönote cho amatak kömöy ye, ompöwölo kipïghyongokwa. Ochikwa soyönote cho oloksot ye, Ompöwölo onyorunekwa ngörekyö.

LUKA 6:25

Ochech akwa cho ochï pïghyongote ye, ompöwölo pkonöy osiswö cho omokwa kömöy. Ochech akwa cho ororsot ye, ompöwölo oriryokwa alokyö!