YAKOPO 3:7 - PIPÏLIA

⁷ Kikumï ptangengmöt kïpa tïpö wudïn cho lata, törit nko moroyut nko tïku walaka cho möngöy pögh ori.

YAKOPO 3:7 ပူးပေါင်းရင်းမြစ်များ

MARKO 5:4

Kikïrötoy pinken nko sïrïmtin kïnyïl cho chang, wölo kinyighöy pinkeni akïngötiy sïrïmtine kïlïkwï mïnchïran. Kikörom nyoman nyo kimöminye chi nyo kimuköy ntökïmir.

IGHISYEWUT 10:12

Kimito orinyi tyonkïn lapay cho pö kelyön angwan nko tïkwïn, cho chuto kegh ngwïny nko törit.

YAKOPO 3:6

Karkegh nyu ngalyap nko ma. Ngichay akonga nyoni ompö porwöyicha nyo kinyïghï ghöyityö lakas, ntökïtenö kusïmnyon porwöyicha ompö ghöyityö. Muköy kuna ma nyini ngwïno mapa kokay ompö möngencha.

YAKOPO 3:8

Wölo möminye chi nyo muköy kïpayta ngalyapunyi. Tïngeto ngalyap ghöyityö nyo mösisönye akï nyo kinyïghï ködöwï nyo tïghöy pich.