YAKOPO 3:1 - PIPÏLIA

¹ Tupchenichu, makany kïchangit konetï ompö kwenunkwa, ompöwölo onkïtökwa lö kirwokyinecha tya cho kïchï konetï kïsir pikö walaka.

YAKOPO 3:1 ပူးပေါင်းရင်းမြစ်များ

LAWIN 10:3

Kïlenchï Musa Aron, “Kimwowï ECHOTYON ngalechï otini kilö, ‘Mïchini kïkonyït pich löwïr cho pöghisyeghwanïn tïlilyenyan aporchinan chane ororyenyan.’ ” Kïsï Aron lasay.

MALAKI 2:12

Nya kunategha ECHOTYON pich cho ighöy lenyoni ompö kwenu pipö Israel. Mömïchininye pich cho lata choni kepïsï kutötö söwintön akwipchï ECHOTYON Kimuktoghin amöros anka tïkwïl.

MATAYO 10:24

“Melö wow nyo kinetöy kïtïl konetintenyi, amöwownye mötworintö kitïl echotyontenyi.

MATAYO 23:13

“Heywey akwa koneti kirurut nko Parisaytin! Lïsï! Kakarekwa pich kuka Pöyunöto Yïm, amolïtekwanye akwane amopïsini ompö pikö walaka cho kömököy kïlïtöy. [

MATAYO 23:14

Heywey akwa, koneti kirurut nko Parisaytin! Lïsï! Kakarteghekwa kegh köromnyö lö tökesïkö pöroyïn nyo osöro kor cho le mïsïktin tïkukwa asoghekwa sowut cho koghöch ompö lïsat! Osïkekwa ompö otöptonkwa nyoni kirwok nyo wow tya.]

MATAYO 9:11

Otini kïsïwa Parisaytin,* kïlenchï kinetankachi, “Ompö ne tökwomisïyi konetintenkwa nko kwöghi surï nko mwokïyis?”

LUKA 16:2

Kïkur sïkönonay akïtep lö, ‘Ne nyi kalïman lö, keghanyi? Porune ya wölo kapkanta nko wölo kepöghisyeghtenyi ropïyenichan, ompöwölo metösenyinye tagh ghyongchine tïkuchan.’

LUKA 6:37

“Morwokyï pich atömö kirwokwok. Mogheghchï pich atömökigheghchok, olöstoghchinö atökelöstowok.

YOANA 3:10

Kuyokyï Yeso lö, “Kichö menkïtönyinye ngölyontonete so akwanyï ichinyi konetinto Israel?

IGHISYEWUT 13:1

Akimito kanisa nyo kimi Antiokia werkoy nko konetï chane kï Parnapa nko Simion (nyo kikuro Lotuw) nko Lukio (nyo kingwïno Kurene) nko Manaen (nyo kinar nko pöytoghin Erode) nko Saulö.

1 KORINTO 12:28

Ketö Tororöt pïchï kanisa: cho pö tagh kï cho kiyoktö Yeso, cho pö odeny kï werkoy, cho pö sömök kï konetï. Atolapay kutö cho ighöy töngönchin atolapay kutö cho sopöy kichirut nko kingörokï nko kintöghoghï nko cho ngölonöy kutïw cho sisinchö.

2 KORINTO 5:10

Ompöwölo kighyongocha löwïr tawu ngacharu Kristo* nyo pö kirwok nyo mötïny atökurwokwecha nyinte. Kirwokyini chi anka tïkwïl kïrïp kegh nko ighisyewutkachi cho kigh ato ki karamach anta ki ghach.

EPESO 4:11

Akï nyinte nyo kitö pich ropöw. Kigh nyinte pikö walaka kïlïkwï kiyoktoghï, kwigh walaka kïlïkwï werkoy, kwigh walaka kïlïkwï omtoghï, kwigh walaka kïlïkwï mösöw nko konetï.

1 TIMOTEO 1:7

Möchöy chane kïlïku koneti Kirurut pö Tororöt, wölo möpköchinicha tïkuchini mwoghöy anta ompö chini rötini kegh lö kinetöy.

1 TIMOTEO 2:7

Nka nyoni kigh Yeso kïkïlanïn alïkwan kiyoktoghin* nko omptoghin nyo pö pipö punton atomchï chane lökoyo kighanat nko man. Omwoghan ngala man, momïranye put.

2 TIMOTEO 1:11

Kikïlanïn Tororöt alïkwan kiyoktoghin alïkwï konetin nyo omtoy Lökoy cho Karamach,

EPRANIA 13:17

Oterchinö kintöghoghikwa arïp kiyomisutkökwa. Ripokwa chane kïnomnyö akï chane cho porchini asïyech Tororöt wölo kida chane ighisyengwa. Ighöy chane ighisyengwa ompö kwïskwïsyö ato oterchikwa chane anta mölenye nyoni kwigho nyarïl akï möminye kinyiwutyö nyo osïkonekwa ngalechoni.

YAKOPO 1:16

Makany kelïsak chamankachu cho kïtupchö!

YAKOPO 1:19

Anan ya ngölyontonï chamnkachu cho kïtupchö! Akanya kïkwïskwïsit chi anka tïkwïl ompö kïgh kïlïmöy nyo, wölo melö cho pulchini kïngalan anta narek lawel.

YAKOPO 3:10

Pkono ngala kisoyönöt nko cho pö chïpö kutinini le akonga. Tupchenichu, merokocha ngalechoni kïlïku choni.

1 PETRO 5:3

Mapayta ompö charut choni kikekonokwa ayakwïya, wölo alïkuna akwane körkeyïn nyo rïpöy kechiryechoni.