YAKOPO 1:3 - PIPÏLIA

³ Ompöwölo onkïtökwa lö ato alotakwa ompö kighanatenkwa, sörömunyi onyorunekwa mïkukönöt.

YAKOPO 1:3 ပူးပေါင်းရင်းမြစ်များ

LUKA 21:19

Achïchïm nyu lasiny tonyorunö söpon.

RUMI 15:4

Ompöwölo tïkwïn löwïr cho kikikir könyisyok, kï kikikir tökunetecha atömanyïl kesïch kikönöt ompö mïkukönöt nko kikilöto kegh nyo kïsïkonecha Kikirut.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

RUMI 8:25

Wölo ato kikönöcha kïgh nyo melö kïsïwïyecha, keköngisïyecha ompö mïkukönöt.

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

2 KORINTO 4:17

Kïnyorunecha kömpölelut ye atö ipkecha ororyö nyo tïlöy kinonutköcha löwïr, ororyö nyo mötïngnye söröm.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

2 TESALONIKE 1:4

Nka nyoni kïgh nyo keghecha kekwolenö kegh akwa ompö kaniseni Tororöt. Kïkwolecha kegh ompö or nyo omitekwa orïpöy ompö kighanatenkwa nyo melö wöghöko, kïrkegh nyörilwok nko kiwongunöt cho konyorukwa.

2 TESALONIKE 3:5

Nya kuntöghoghchï Echotyon mïkulöwekwa ompö chomnyo Tororöt nko ompö mïkukönöt nyo konecha Kristo.*

EPRANIA 10:36

Mïchini omïkukönökwa atamuka agha machata Tororöt, tonyorunö kini kikiyomisï.

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

EPRANIA 6:12

Malïkwï körsong, wölo okil kegh, arïp pich cho kighan akïmïkukön atomi söröm kïnyorï tïkwïn cho kiyomisyï Tororöt chane.

1 PETRO 1:7

Keröto työmutchoni kï tökïrumï lö pö man kighanatenkwa. Arose lö kïtyömo ma koltin cho kinkït lö wïryot. Kïlenyona nyu, kïtyömöy nyo mötïny kighanatenkwa nyo tïng olyot nyo wow tya kïtïl koltin tökïchïchïm, sörömunyi onyorunekwa salat nko ororyö nko konyït. Asisoni kïngongu Yeso Kristo.

2 PETRO 1:6

atasa ngöghomnyengwo ripöto kegh, atasa ripöto kegh mïkukönöt atasa mïkukönötengwo kiwaghata Tororöt,