WUWÖT 8:26 - PIPÏLIA

²⁶ Wölo kïlö Musa, “Melö karam keghacha lenyoni, ompöwölo kitönicha ECHOTYON Tororötïncha amöros nyo möchömöcha pipö Misri. Ato kitötecha amöros nyo melö chömöy chane, kïwirenecha koghïn.

WUWÖT 8:26 ပူးပေါင်းရင်းမြစ်များ

TOWUNÖT 43:32

Ketö omisyo Yosep woptanyi onkït, ketö nyo pö werkökwa woptöngwa. Kikigh lenyoni tïkwïl nyo kipö pipö Misri cho kyomisïyi nko nyinte, kikitö pipö Misri omisyengwa woptöngwa ompöwölo melö kikïchömchini pipö Misri kwomisïyi nko pipö Eprania.

TOWUNÖT 46:34

Olenchï, “Pipö tïch mötworiku, kïngeta otini kichicha mïnkech nko ye, acha lapay nko papotïnecha, atamuka amanga koro Kosyen.” Ompöwölo kitaghate chi anka tïkwïl nyo yokuyöy kyak ompö Misri.

2 PÖYTOGHÏ 23:13

Kusïmnyon Yosia wölo kïsogho körkeyïntin cho kitek pöytoghintö Solomon kongasispa Yerusalem, okumpö ewu tagh nyo pö kutïng pö Arol nyo kitekyï Solomon pöytoghinto Israel, Astoret, tororöt nyo le korka nyo pö Sidon nko Kemos tororöt pö Moap nko Molek, tororöt pö pipö Amon.

ESRA 9:1

Nyini kewanta kegh tïkuchï löwïr, kipkonchanïn kintöghoghï akïlö, “Melö kamala kegh pipö Israel nko tïsï nko pipö Lawi pipö punton ompö sïmnyontönengwa. Choni kï pipö Kanan nko Ititi nko Peris nko Yepusi nko Amon nko Moap nko Misri nko Amori.

WUWÖT 3:18

“Teröy chane kutingu, iwetenyi nko poyi Israel wölo mi pöytoghinto Misri alenchï, ‘Keporwecha kegh ECHOTYON Tororöt nyo pö Eprania, kïlenyona kïsomechanyi pïstecha kepe rutogh nyo pö osis sömök wölnö le surkwen, atöketönöcha ECHOTYON Tororötïncha amöros.’

WUWÖT 8:8

Kïkur Parao Musa nko Aron akïlenchï, “Asagha ECHOTYON kïchengenanïn nko piköchan mnyakawayichï. Atö opïstan pïchï kïpa kutö ECHOTYON amöros.”

ISAYA 44:19

Mötïngnye sïkunöt chi nyo ighöy körkeyïn nyo muköy kunkïtu lö, “Kanaghan kwente kareran, agha omisyenyu, apela panyechu, atolapay aman. Atolapay aghan kwente nyinö körkeyïn nyo kïsoghöy. Anyï ye omitan okïtïnchini ketï kikipat!”