14 Kusupotö pipö Misri mnyakawayichay akutïkum. Kïngutö kore.
Kïkat werkoyichay kirïk nyo kakitö chane, akïtanatan akïsagh Paal kïngeta tökwoghö ntökughyö asis. Kimi chane kïnyolöy akuteghyot kïsoghöy tororötïngwa lö, “Heywey Paal, terwecha sowutköcho!” Wölo kimöminye kut nyonikïny nyo kiwöghökwï ngölyon.
Kïlenyona kulet tagh werkoyichay kuteghyö akuteghyö le pich cho kikwip oy, ntökïmala asis. Wölo melö kimi kut nyonikïny nyo kiwöghökwï.
Kïmeghö kaghagh cho mi ori akwararit lalwe ntömökumïcha pipö Misri kïgha pögho Nile. Kïlïkwï kisön koro Misri kïmïkul.
Kwigh ECHOTYON lenyini kitep Musa. Kïmeghö mnyakawayichay kimi korïn nko kiroröy nko wölnö le paren.
Wölo otini kisïwa Parao lö kimeghö mnyakaway, kwaghïghit mötïnyi amöterchïnye chane lenyini kimwa ECHOTYON. Rïmpö
Kwigh ECHOTYON lenyoni, kïpka sosogh cho chang kö pö Parao nko kori mötworichi nko koro Misri kïmïkul, kunyara kore ompö sosogh.
Akimemïcha chepsoköytinechay kughyongö tawu Musa, ompöwölo kyam tasusay chane nko pipö Misri löwïr.
Wechï sölwöy kintöghoghi kanasyanta Soan! Ruröy pich pipö Misri cho ngöghomöch ompö ngala sölwontön! Muköy chane lö ne kïlenchini pöytoghintengwa, chane cho tïpisot ngöcherwo pipö köny cho ngöghomöch cho kile pöytoghï?
Ompöwölo tïng ECHOTYON nörekyö nyo wow ompö pipö punton kïmïkul. Könörekyï nyinte pipö punton löwïr cho pö lïk ompö nörekyö nyo ngwan kerwokyï chane kiwurat lömïs.
“Otöninan asisoni Kok wölo kïtïpchini ompö koro Israel. Kïtïpchini mpöghoghyo rutoghot ompö nanampa Paryan okumpö kongasis. Pökeköy nyu rutoghot mökuwerocha, ompöwölo kïtïpchini Kok nko söpïchiskachi löwïr. Kikuro nyu tömko Amonkok.
Oyonan lïk nyo ngwïno okumpö löt kïlowit, ayonchan kor wölo le surkwen. Petöy cho mi tagh nanampa Paryan, kïpa cho mi löt nanampa Kwen. Nïniot porwöyikwa akïngutö nyo gha, ompöwölo keghunyi cho ghach nyoman.
