WUWÖT 7:3 - PIPÏLIA

³ Wölo oghan möt pö Parao kwaghïghit, kïrkegh atasan kiporut nko töngönchintin ompö koro Misri,

WUWÖT 7:3 ပူးပေါင်းရင်းမြစ်များ

NEEMIA 9:10

Kighchinyi kiporut cho chang nko tïpö töngönchintin Parao nko mötworichi nko piko korenyi löwïr, ompöwölo kisïwenyi wölo kichopta kong papotïnecha. Irïntenyi chane akwororit kaynengu nko ye.

TUMWÖY 135:9

Kigha kwenungu, kiporunöt nko töngönchin, we Misri atökuchop kong Parao nko mötworichi löwïr.

TUMWÖY 78:12

Kigh nyinte tïkwïn cho echön ompö tawu papotïnekwa ompö tömko Soan nyo mi koro Misri.

WUWÖT 11:10

Kwigh Musa nko Aron töngönchintinechï löwïr ompö tawu Parao, wölo kwigh ECHOTYON möt pö Parao kwaghïghit, amöchömchïnye pipö Israel kïwuwö korenyi.

WUWÖT 11:9

Kïlenchï ECHOTYON Musa, “Möterunyinye Parao, atökïtösisyö töngönchintinechan ompö koro Misri.”

WUWÖT 14:4

Oghan möt pö Parao kwaghïghit, tökïrïpekwa tonyorchan ororyö wölo mi Parao nko pikachi löwïr cho pö lïk, atökunkïtï pipö Misri lö ochan ECHOTYON.” Kwigh chane lenyoni.

WUWÖT 3:20

Kïlenyona opöghisyeghonan owesyö olïwö koro Misri tïkwïn cho ghach cho pö otyogh. Otinö kewonyö choni, kïpïstokwa nyu ape.

WUWÖT 4:21

Kïlenchï ECHOTYON Musa, “Otini kewenyi koro Misri, igh ompö tawu Parao töngönchintinechay löwïr kyoporunyi, wölo oghan nyinte kwaghïghit möt atömöpïstö pich kïpa.

WUWÖT 4:29

Kïwö Musa nko Aron kutuyö poyi Israel lapay.

WUWÖT 4:7

Kïlenchï Tororöt, “Tönö ewungu takengu ngat.” Kutö ewunyi takenyi ngat. Nyini kingwïsï, kïlö aros, kisöp kïkarkegh nko portanyi kïmïkul.

WUWÖT 7:13

Wölo kwaghïghit möt pö Parao amöterchïnye chane lenyini kimwa ECHOTYON. Kisön

WUWÖT 9:16

Kopïstinyi söpö, ompöwölo omökan oporunyi owesyenyan, atökïrumtö kaynenyan ompö ngwïny kïmïkul.

NGÖTÏNYÖ 21:1

Lenye mïkulöwu pöytoghin ara pögh nyo yintoy ompö mori ECHOTYON, muköy kïsat kughegh wölini kömököy.

ISAYA 51:9

Ngeta, we ECHOTYON aisörwecha! Pöghisyeghenö owesyengu tesörwecha, pöghisyeghenö le ato kipöghisyeghenyi otini le awïyay. Mö nyi nye so nyo kitörotör Raap, tyonyanya wow kimi pögh kïlïkwï mïnchïran?

MIKA 7:15

Oporchinan chane ngala töngönchin cho lenye chay kaghan atanya kyapkanekwa koro Misri.

YOANA 4:48

Kïlenchï Yeso chichay, “Ato masïwekwanye kiporut nko töngönchin, kïmoghönekwanye.”

IGHISYEWUT 2:22

“Atere ngalechï pipö Israel! Yeso nyo pö Nasaret kï chi nyo kikïla Tororöt kwenunkwa akutö ighisyö nyo pö owesyö nko töngönchin nko kimukat nko kiporunöt cho kigha Tororöt kwenunkwa ngalechoni kuwerï Yeso le wölo onkïtïtekwa so.

IGHISYEWUT 7:36

Ki nyinte nyoni kimïtuna pich koro Misri, otini kökikwigh kiporut nko töngönchin ompö Misri nko ompö Nanam nyo Pïrir nko ompö sïrkwen ompö könyis tömönut angwan.

RUMI 15:19

nko ompö owesyo kiporut nko töngönchintin nko ompö owesyo Mïkulögh nyo Tïlil. Kïlenyona ompö westoghtanyan kïngeta Yerusalem ntökwit Iluriko. Kyamtan Lökoyechoni Karamach pö Kristo.

RUMI 9:18

Kïlenyona, syonchini Tororöt chi anka tïkwïl nyo kömököy, akwigh anka kïlïkwï tighin le wölo kömöktoy nyinte.

KINONO KIRURUT 4:34

Anta mi tororöt anka tïkwïl nyo kakumukyï kïchengchï kegh pipö punton akonga kïngetunö piko puntoni walaka? Akïtyamakwa ECHOTYON Tororötïngwo ompö kiporut nko töngönchin nko poryot nko ompö owesyenyi nyo wow anta ompö ighisyewut cho echön cho karkegh nko chanya kyasïwekwa nyinte ompö koro Misri.

KINONO KIRURUT 7:19

Anana työmutchanye echön kyasïwekwa nko kiporut nko töngönchin nko owesyenyi nyo wow nyo kimïtunenokwa nyinte koro Misri. Kïlenyona ighchini ECHOTYON Tororötïnkwa lenyoni punton löwïr cho owöghekwa.