WUWÖT 6:7 - PIPÏLIA

⁷ Oghekwa alïkuna piköchan alïkwan Tororötïnkwa, tonkïtunökwa lö ochan ECHOTYON Tororötïnkwa nyo kyamïtunenekwa sekeynön ompö koro Misri.

WUWÖT 6:7 ပူးပေါင်းရင်းမြစ်များ

TOWUNÖT 26:3

Ilïkunenyi ton ompö korononi, totöpan nko nyi asoyöninyi. Ompöwölo okoninyi tönön piko yiyengu koroswechete löwïr, achïchiman mumenyu nyo kyomwochan papongu Apraam.

TOWUNÖT 28:13

Akimito ECHOTYON kughyongo parakuto lontöwontononi akïlö, “Ochan ECHOTYON, Tororöt pö papongu Apraam, achï Tororöt pö Isak. Okoninyi koronete irïwenyi kïlïku nyengu töninan piko yiyengu.

1 PÖYTOGHÏ 20:28

Kïwö werkoyonta wölo mi pöytoghintö Aap akïlenchï, “Lentöy ECHOTYON, ‘Ompöwölo kölö pipö Sirya ochan Tororöt nyo pö wölo le komos, amelö ochan Tororöt nyo pö wölo le tömkö, okoninyi rïntagh nyo wow asisete, atenkïtunönyi nko piköku lö ochan ECHOTYON.’ ”

1 PÖYTOGHÏ 8:60

Atökumï pipö ngwïny kïmïkul kunkïtï lö, ECHOTYON onkït nyo le Tororöt, möminye anka.

NEEMIA 1:10

“Piköku chane akï mötworiku cho kityakanyi ompö owesyengu nyo wow.

TUMWÖY 100:3

Onkïtï lö, ECHOTYON kï Tororöt, kighecha nyinte akïchicha chechi kïchicha pikachi akechï kechiryechi.

TUMWÖY 81:6

“Kangwïsan pötoghkökwa nïkisïn, achengan morikwa mataparin cho nïkisöch.

WUWÖT 13:14

Ato tepinyi montöngu ompö osis cho pkonöy lö, ‘Poru ne nyï?’ Ilenchï nyinte, ‘Kimïtunenecha ECHOTYON Misri koro sekeynön ompö owesyenyi.

WUWÖT 13:3

Kïlenchï Musa pich, “Anan asisï kyapkanekwa Misri, ompö kö pö sekeynön, ompöwölo kyapkanekwa korononi ompö owesyo ECHOTYON. Möminye makatyanta nyo kyomöy nyo kakitö mumar.

WUWÖT 14:18

Otini karïntan Parao nko nkarinechi nko pikachi pö angoletin anyorwan ororyö, kunkïtï nyu pipö Misri lö ochan ECHOTYON.”

WUWÖT 14:4

Oghan möt pö Parao kwaghïghit, tökïrïpekwa tonyorchan ororyö wölo mi Parao nko pikachi löwïr cho pö lïk, atökunkïtï pipö Misri lö ochan ECHOTYON.” Kwigh chane lenyoni.

WUWÖT 15:16

Köchïnchï chane nyarïl nko mïghö, kösisyö chane le muntïruch otini kisïwa owesyengu, we ECHOTYON, ntökïtenö kuwer piköku chay kisörunenyi sekeynön.

WUWÖT 15:2

Okwolan ECHOTYON nyo le owesyenyan akï sörunötenyan. Nyinte kï Tororötïnyan nyo okwolan, Tororöt pö paponyan, otöroran nyinte tya.

WUWÖT 16:12

“Kalïman ngwïrngwïrönöto pipö Israel, mwochinö chane lö, ‘Omekwa peny nangat, amakwa tökwoghö makatin, atonkïtunökwa lö ochan ECHOTYON Tororötïnkwa.’ ”

WUWÖT 16:6

Kïlenchï Musa nko Aron pipö Israel löwïr, “Onkïtunekwa asïna lö kïchï ECHOTYON nyay kimïtunenokwa koro Misri,

WUWÖT 2:11

Otini kiyetï Musa, kïwö wölo mi pikökwa. Kïsïwa wölo kikichoptoy kong chane. Kïsïwa chi pö Misri kulïwöy chi pö Eprania nyo le nyingwa.

WUWÖT 6:6

Kïlenyona mwochinö pipö Israel lö, ‘Ochan ECHOTYON, akï omïtunenokwa sekeynön nyo omitekwa ompö koro Misri, osörunonekwa mötwornönenkwa. Anyörilan kong chane ompö owesyenyan asörwokwa.

WUWÖT 7:17

Kölö ECHOTYON, “Inkïtunenyi lö ochan ECHOTYON. Rosa, olïwan pögh cho mi lalwa Nile ompö lïkïyï mi ewunyan kïwöghökisyö kïlïku kisön.

ISAYA 41:20

Tökïsïwa pich akunkïtï lö ani ECHOTYON nyo kagh choni. Nkïtu chane asïyech lö Tororöt pö Israel nyo Tïlil nyoni kegh choni kwighisyö.”

ISAYA 49:23

Lïku ompö akwa pöytoghï papotïn, kïlïkwï korï cho pöytoy yotïn. Kïtïngchinokwa chane akïkonyïtokwa, ipöy kegh ngwïny chane akïkïtïngchokwa. Atonkïtunökwanyu lö ochan ECHOTYON, akwanka nyo könöy kingörokut ompö ani kïmelö nyoru arasï.”

ISAYA 49:26

Oghan pich cho wöchokwa kïpar kegh chane, tömesyegho chane pörchö le pich cho kagha dipay.* Nkïtu nyu ptangengmötin lö ochan ECHOTYON, nyo sörwokwa akutyokokwa akunkïtï lö, ochan Tororöt pö Israel nyo awes.”

ISAYA 51:15

“Ochan ECHOTYON Tororötïngu, oköreran nanam atolapay aghan mirtinechi kughum. ECHOTYON Kimuktoghin kaynenyan.

ISAYA 60:16

Pöghinyi pipö koros, pöghoninyi pöytoghï omisyo nyo karam. Inkïtunenyi nyu lö ochan ECHOTYON Sörunintengu, akï Ghetintengu, Tororöt pö Yakopo nyo awes.

ISAYA 63:8

Atolapay kïlö ECHOTYON, “Piköchan chane, melö lïsanïn.” Kïlenyona kisörunö chane

YEREMIA 31:33

Muma nyo rel nyo owetan omöy nko pipö Israel kï lata nyï: Otöninan kirurutköchan oringwa, akörchan mïkuliskökwa. Olïkunan Tororötïngwa, kïlïkwï chane piköchan. Mwoghöy ECHOTYON.

ESEKEL 20:19

Ani ECHOTYON nyo ochï Tororötïnkwa, arïpa kirurutköchan nko kiyomisutköchan.

OSEA 1:10

Wölo chongitu nyu pipö Israel le ngayam ompö sörömu nanam, cho mökimukönye kepim anta kiyit. Wölay kilenchï Tororöt chane, “Mochikwanye piköchan,” wölo itïtoy ato lenchini, “Ochikwa monïngo Tororöt nyo satate!”

LAWIN 11:44

Ochan ECHOTYON Tororötïnkwa otïlilö kegh ompöwölo ochan tïlil. Amosïmnyon kegh ompö kïgh anka tïkwïl nyo westegho ngwïny.

LAWIN 11:45

Ompöwölo ochan ECHOTYON nyo kyamïtwakwa apkanena koro Misri atalïkwan Tororötïnkwa. Kïlenyona otïlilitunö ompöwölo ochan tïlil.”

SAKARIA 13:9

Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

KIYITUT 15:41

Ochan ECHOTYON Tororötïnkwa nyo kyamïtunenekwa koro Misri, atö alïkwan Tororötïnkwa. Ochan ECHOTYON Tororötïnkwa.”

MATAYO 22:32

Kimwa lö, ‘Ochan Tororöt pö Apraam achan Tororöt pö Isak achan Tororöt pö Yakopo!’ Poru nyoni lö nyinte kï Tororöt pö cho sötote, melö nyo pö cho kimeghö.”

RUMI 8:31

Kwoto lata choni ngalechï, kemwoghecha ne ngat nyu nya? Ato mi Tororöt okuntöncha, kï ngo nyo rïntonecha?

KINONO KIRURUT 14:2

Ochikwa pich cho tïlilöch ompö ECHOTYON Tororötïngwo cho kikïngotokwa nyinte akakïlakwa ECHOTYON alïkuna pikachi kegh ompö kwenu puntoni walaka löwïr ompö ngwïny.

KINONO KIRURUT 26:18

Kachamakwa ECHOTYON asisete alïkuna pikachi kegh, kïle atakinye kiyomisokwa nyinte, akwanyï ye omisokwa nyinte oripö kirurutkachi löwïr.

KINONO KIRURUT 29:12

atamuka otuyenö nko ECHOTYON Tororötïngwo ompö muma nyo omwokwa nyinte asisete,

KINONO KIRURUT 29:13

atökwighakwa nyinte ye alïkuna pikachi akïlïkwï nyinte Tororötïnkwa kïle wölanye kimwochï papotïnekwa Apraam nko Isak nko Yakopo.

KINONO KIRURUT 29:5

Kintöghoghwokwa ECHOTYON ompö surkwen könyis tömönut angwan amelö kiwïryö sïrokökwa anta kweghkökwa.

KINONO KIRURUT 4:20

Wölo kisörunenokwa ECHOTYON mapa karïn ompö koro Misri atalïkuna pikachi kegh otï le ye.

KINONO KIRURUT 7:6

Agha lenyoni ompöwölo ochikwa pich cho tïlilöch ompö ECHOTYON Tororötïngwo. Kakïngotokwa nyinte alïkuna pikachi kegh, ompö kwenu puntoni walaka löwïr ompö ngwïny.

EPRANIA 11:16

Wölo kimi chane kïyöröy kore anka nyo karam nyo pö mi yïm. Nka nyoni mölolïyönönye Tororöt kïkurö chane nyinte Tororötïngwa, ompöwölo kikwighchï chane kanasyan.

1 PETRO 2:10

Kimi ato kimochikwanye pich, wölo kalïkukwa ye pipö Tororöt, akimi ato kimonkïtökwanye lö ne kisyonöto Tororöt, wölo katakakwa ye kisyonötenyi.

NGONGUT 21:3

Atolapay alïman kut nyo wow nyo kingölonuno ngacharu pö paytagh kïlentöy, “Töngönchin ye nyu kwïle! Kömöngisyö Tororöt nko pich! Kömöngisyö nyinte nko chane atökïlïkwï chane pikachi, kïlïkwï nyinte Tororöt, Tororötïngwa.

NGONGUT 21:7

Anka tïkwïl nyo rïntoy otöninan tïkuchete löwïr, alïkunan Tororötïnyi, kïlïkwï nyinte montönyan.