WUWÖT 6:1 - PIPÏLIA

¹ Atolapay kïlenchï ECHOTYON Musa, “Isïwïyenyi kïgh nyo oghchinan Parao, atökïyon piköchan ompö owesyö kïwuwö korenyi.”

WUWÖT 6:1 ပူးပေါင်းရင်းမြစ်များ

2 PÖYTOGHÏ 7:19

akiyokyï wowïn lö, “Möminye kïgh nyo lata nyoni nyo igho, kïrkegh kölentöy ECHOTYON oropönuno pögh yïm panete!” Kuyokyï Elisya lö, “Isïwïyenyi wölo melö iyomenyi omisyononi.”

2 PÖYTOGHÏ 7:2

Kïlenchï wowïnay kitigho kegh pöytoghintö chichay pö Tororöt, “Möminye kïgh nyo lata nyoni nyo igho, kïrkegh kölentöy ECHOTYON oropönuno pögh yïm panete!” Kuyokyï Elisya lö, “Isïwïyenyi, wölo melö iyomenyi omisyononi.”

2 OTÖPTINO OSIS 20:17

“ ‘Akwa pipö Yuda nko Yerusalem melö mi machata oporyenökwa ompö poryonï, oghyongenö pat adekelyengwo lasay, atasïwena wölo rïntewokwa ECHOTYON kïlïkwï.’ Mowöghisyö amomïghyö, anapa kegh oporyö nko chane asïyech ompöwölo mi ECHOTYON nko akwa.”

TUMWÖY 12:5

Wölo kïlö ECHOTYON, “Ongetan ompöwölo kakirey chopot akechop kong mey, atönan ato tïghume ato kekönöy chane.”

TUMWÖY 12:6

Kighönöy ngala ECHOTYON, lata chane silpa cho kakïsita mapa kopan aketïlil ompö mayoni kïrelit.

TUMWÖY 136:12

ompö ewunyi nyo awes, töpo chomnyenyi kokay.

TUMWÖY 89:13

Tïngeto ewungu owesyö, wechï wow tya owesyengu.

WUWÖT 11:1

Kïlenchï ECHOTYON Musa, “Köngötï kïgh akong nyo otyorchinan Parao nko koro Misri, nyo atomuchö kïpïstokwa nyu ape. Tulekwa apeghena korenyi otini köpïstokwa.

WUWÖT 12:31

Kïkur Parao Musa nko Aron oghö akïlenchï, “Ngeta aiweghö wölo mi piköchan, akwa nko pipö Israel. Ape opöghisyechinö ECHOTYON lenyini kamwaghakwa.

WUWÖT 12:33

Kisoryö pipö Misri kïyon pïchay lawel ompö korengwa, ompöwölo kilö, “Kïmeghocha ato mapacha pïchï.”

WUWÖT 12:39

Kwigh makatin cho puryö mumar ompö pïsyechay kikïtïp cho kipunö koro Misri, ompöwölo kikïyonunö chane Misri möpöghöncha akimeghchïcha kegh omisyö nyo pö rutogh.

WUWÖT 13:14

Ato tepinyi montöngu ompö osis cho pkonöy lö, ‘Poru ne nyï?’ Ilenchï nyinte, ‘Kimïtunenecha ECHOTYON Misri koro sekeynön ompö owesyenyi.

WUWÖT 13:16

Lïku nyoni kinanat ompö akwa le kïgh nyo kakïrötyï ewunekwa anta tokochwekwa. Nonwekwa lö, kimïtunenokwa ECHOTYON koro Misri ompö owesyenyi nyo wow.’ ”

WUWÖT 13:3

Kïlenchï Musa pich, “Anan asisï kyapkanekwa Misri, ompö kö pö sekeynön, ompöwölo kyapkanekwa korononi ompö owesyo ECHOTYON. Möminye makatyanta nyo kyomöy nyo kakitö mumar.

WUWÖT 13:9

Lïku nyoni kinonut ompö akwa le kïgh nyo kakïrötyï ewunekwa anta tokochwekwa. Nonwekwa oripö kirurut pö ECHOTYON ompöwölo kimïtunenokwa nyinte koro Misri ompö owesyenyi nyo wow.

WUWÖT 14:13

Kïlenchï Musa pïchay, “Mowöghisyö, achïchïma atasïwena sörunöto ECHOTYON nyo ighwokwa asete, ompöwölo pipö Misri cho osïwïyekwa asete, kïmelö tosïwïyekwa ngat.

WUWÖT 15:6

“Awes ewungu nyo pö tagh, we ECHOTYON, purpuro ngwïny pungkachi.

WUWÖT 7:4

möterunyinye nyinte. Onyörilan kong pipö Misri amïtwan piköchan kïwuwunö koro Misri.

WUWÖT 7:5

Atökunkïtï nyu pipö Misri lö ochan ECHOTYON, otini kanyarilan kong pipö Misri amïtwan pipö Israel kïwuwunö korengwa.”

ISAYA 63:12

nyanya kintöghoghchï ompö ewunyi nyo awes akwigh tïkwïn cho echön kuwerï Musa?

KIYITUT 11:23

Kïlenchï ECHOTYON Musa, “Melö mïnïng owesyenyan. Isïwïyenyi ye nyu lö, igho kïgh nyo kamwaghan nya anta ewo.”

KIYITUT 23:23

Nyoman möminye ponintön paraku Yakopo. Amöminye chesoköynön nyo muköy Israel. Ngölono pich ye nyu Yakopo nko Israel. Kïlentöy, ‘Arosa kïgh nyo kegh Tororöt.’

IGHISYEWUT 13:17

Kilöwön Tororöt pö pïchï pö Israel kukötinecho, akwigh chane kïlïku söpïch nyo wow atakinya kimi chane le to koro Misri. Kumïtuna Tororöt chane Misri ompö owesyenyi nyo wow,

KINONO KIRURUT 32:39

“ ‘Onkïtune ye nyu lö, ani onkït nyo ochï Tororöt, möminye tororöt anka kïpoto ani. Opöran atönan osopan, okotönan asop amelö mi chi nyo töghöy kïgh nyo oghan.

KINONO KIRURUT 4:34

Anta mi tororöt anka tïkwïl nyo kakumukyï kïchengchï kegh pipö punton akonga kïngetunö piko puntoni walaka? Akïtyamakwa ECHOTYON Tororötïngwo ompö kiporut nko töngönchin nko poryot nko ompö owesyenyi nyo wow anta ompö ighisyewut cho echön cho karkegh nko chanya kyasïwekwa nyinte ompö koro Misri.