36 Kiwï pipö Israel kunayta otini kinget polta,
Wölo melö kipïstenyi chane ompö surkwen ompöwölo wow kisyonötengu. Amelö kinaka chane pchöri polta nyo kintöghoghchini chane ompö or pöghet nko pchöri ma nyo kipköngchini chane or oghö.
Kighïtochï Tororöt pikachi polta nko ma nyo kitö chane löpoyïn ato le oghö.
Kintöghoghchï chane ompö polta pöghet akumït chane oghö ompö löpoyïn pö ma.
Akï nyini kinget poltonay, kïwï pipö Israel, akïtek ngat möngengwa otini körökyï poltonay.
Ato kitöpö poltonay paraku Ema osis odeny anta arawa akonga anta tïl, kï kimöwïcha, wölo nyini kinget poltonay kïwï chane.
Omökan ononwokwa, werköcho, ngal cho kichumchï kukötinecho chanya kirïpöy Musa. Kikarta polta chane löwïr, akimechutcha pögh otini kyoghyot Nanam nyo Pïrir.
