WUWÖT 4:21 - PIPÏLIA

²¹ Kïlenchï ECHOTYON Musa, “Otini kewenyi koro Misri, igh ompö tawu Parao töngönchintinechay löwïr kyoporunyi, wölo oghan nyinte kwaghïghit möt atömöpïstö pich kïpa.

WUWÖT 4:21 ပူးပေါင်းရင်းမြစ်များ

TOWUNÖT 6:3

Atolapay kïlö ECHOTYON, “Melö tochömchinan chi kïsöpöy kokay, ompöwölo ptangengmöt nyinte nyo meghöy. Kïlenyona, melö tökïtïlöy nyinte könyis 120.”

1 PÖYTOGHÏ 22:22

Kïtep ECHOTYON lö, ‘Ompö or ne?’ Kuyokyï lö, ‘Owetan olïsöy werkoy pö Aap löwïr atökïmïr putintön.’ Kïlenchï ECHOTYON, ‘Nya kïlenyoni, kasïwan nyoman lö imukenyi.’ ”

TUMWÖY 105:25

Kwigh pipö Misri kurey pikachi, akwighchï mötworichi ngöghomnyö.

TUMWÖY 78:43

otini kipörchï Tororöt chane machey ompö Misri nko töngönchintin cho kigha tömko Soan.

WUWÖT 10:1

Kïlenchï ECHOTYON Musa, “Wïyö wölo mi Parao, ompöwölo kyaghan mötïnyi kwaghïghit nko mötworichi, toporchan chane kiporutchï,

WUWÖT 10:20

Wölo kwigh ECHOTYON möt pö Parao kwaghïghit amöchömchïnye pipö Israel kïpa. Tuwïn

WUWÖT 10:27

Wölo kwigh ECHOTYON möt pö Parao kwaghïghit, amelö kitökïpïstö chane kïpa.

WUWÖT 11:10

Kwigh Musa nko Aron töngönchintinechï löwïr ompö tawu Parao, wölo kwigh ECHOTYON möt pö Parao kwaghïghit, amöchömchïnye pipö Israel kïwuwö korenyi.

WUWÖT 11:9

Kïlenchï ECHOTYON Musa, “Möterunyinye Parao, atökïtösisyö töngönchintinechan ompö koro Misri.”

WUWÖT 14:17

Oghan mötöwo pipö Misri kwoghïghitu atökïpa kïrïp chane, tonyorchan ororyö Parao nko pikachi löwïr nko nkaritine nko pikachi pö angoletin.

WUWÖT 14:4

Oghan möt pö Parao kwaghïghit, tökïrïpekwa tonyorchan ororyö wölo mi Parao nko pikachi löwïr cho pö lïk, atökunkïtï pipö Misri lö ochan ECHOTYON.” Kwigh chane lenyoni.

WUWÖT 14:8

Kwigh ECHOTYON möt pö Parao kwaghïghit, kïrïp chane pipö Israel cho kipetöy ompö nyakanat.

WUWÖT 3:19

Onkïtön lö möpïstonekwanye pöytoghinto Misri. Kïpoto ato kichikyï ompö owesyö.

WUWÖT 3:20

Kïlenyona opöghisyeghonan owesyö olïwö koro Misri tïkwïn cho ghach cho pö otyogh. Otinö kewonyö choni, kïpïstokwa nyu ape.

WUWÖT 7:13

Wölo kwaghïghit möt pö Parao amöterchïnye chane lenyini kimwa ECHOTYON. Kisön

WUWÖT 7:3

Wölo oghan möt pö Parao kwaghïghit, kïrkegh atasan kiporut nko töngönchintin ompö koro Misri,

WUWÖT 8:11

Kïchengeninyi mnyakaway nko mötworiku nko piköku, kïpoto lalwa Nile onkït.”

WUWÖT 8:15

Wölo otini kisïwa Parao lö kimeghö mnyakaway, kwaghïghit mötïnyi amöterchïnye chane lenyini kimwa ECHOTYON. Rïmpö

WUWÖT 8:32

Wölo kwaghïghit möt pö Parao ngat, amöchömchïnye pïchay kïpa. Megha kyak

WUWÖT 9:12

Wölo kwigh ECHOTYON möt pö Parao kwaghïghit amöterchïnye chane, lenyini kimwochï ECHOTYON Musa. Takarïs

WUWÖT 9:35

amöchömchïnye pipö Israel kïpa, lenyini kimwochï ECHOTYON Musa. Talam

ISAYA 6:10

Atolapay kïlenchanïn, “Igha mïkulis pö pïchï kwongeröchitu, aigh yitikwa kïminyö, akïköryö konyikwa atömökumï chane kurosïta anta lïm kïgh anta sïkwï kïgh, atömötöp ntökurosïtegha konyikwa akïlïma yitikwa akïsïkunö mïkuliskökwa, akïmïlisyö wölo omitan atosopön chane.”

ISAYA 63:17

Kölö ne tepïstechanyi kechumponchenö ompö ortïneku? Kölö ne teghechanyi kesïköcha möt nyo wow ntökewöghökisyeghecha ortïneku? Mïlena ompö kisyonöt nyo pö mötworiku cho kipöghisyeghunyi nko ompö pich cho kökilïkwï cheku kïtenö osis.

YOANA 12:40

“Kimolul Tororöt konyikwa akwigh mïkulöwekwa kwoghïghitu atömasïwegha konyikwa anta sïkunö mïkulöwekwa, akïwöghökisyö wölo omitan, atosopön osop chane.”

RUMI 1:28

Akwompöwölo kilö pich mökïmököy kenone ngala man paraku Tororöt, kïpïstö Tororöt chane kïrïp kinonutkökwa cho wïryote ntökwanyï ighöy tïkwïn cho merokonye.

RUMI 9:18

Kïlenyona, syonchini Tororöt chi anka tïkwïl nyo kömököy, akwigh anka kïlïkwï tighin le wölo kömöktoy nyinte.

2 KORINTO 2:16

Lïku körösyontononi ngutogh pö meghat ompö pich cho kakupotyö, wölo lïku ngutogh nyo ipu söpon ompö pich cho kïsöru. Ekï ngo nyu köny nyo muköy kïghömechini ighisyö nyo lata nyoni?

KINONO KIRURUT 2:36

Kikonecha ECHOTYON Tororötïncha kechenga kanastin löwïr kïngeta Aroer nyo mi sörömu mpöghoghyo Arnon nko kanasyan nyo kimi kwenu mpöghoghyononi ntökwitïta Kiliad. Melö kimi kanasyanta nyo le ompö akonga nyo kipölecha.

YOSWÖ 11:20

Ompöwölo ECHOTYON nyini kigh mötöwekwa kwoghïghitu tökïporyö nko pipö Israel atökepar chane kuwonyö lömïs amönyorïcha kisyonchin, lenyini kimwochï ECHOTYON Musa.

1 PETRO 2:8

Akïmwoghöy Kikirutkö walaka lö, “Anyï kogh nyo kwötöy pich akï ghat nyo pïtyegho pich.” Pïtyot chane ompöwölo kimeghancha ngölyontononi. Lata nyoni wölo kikikïtat Tororöt lö igho ompö chane.