17 Iponenyi lïkïyï ewungu nyo ighonyi kiporut.”
Kïwaghaka Elisya kuros Keasi akïlenchï, “Chenga lïkïnyan aiwö lawel, metöp lö oghyongöy otokwesöy chi nyo ketuyeghö ompö or anta töp chi lö otokwesinyi meyokyï ngölyon. Wïyö nyi pat ntet kö aikanagh lïkïnyan paraku montö.”
Syolö lïkïngu aighïtochï ewungu nanam aingotyö pöghe, atökuwer pipö Israel wölo tïyame.
Kïlenchï Musa Yoswö, “Kïla mïrön cho pö okuntönyo kïpa kïporyeghö pipö Amalek. Oghyongenan asïyech kutïng parak nko lïpö Tororöt nyo mi ewunechan.”
Kïtep ECHOTYON nyinte lö, “Ne nyoni mi ewungu?” Kïlö, “Lïkïp.”
Kïnap kegh Musa akïsïtö korkenyi nko werkachi sïkïryö, akïmïla koro Misri. Kitïng Musa ompö ewunyi lïpö Tororöt.
“Chenga lïkïyay ompö tawu ECHOTYON aituyö pïchï löwïr, nyi nko Aron aingölonchï ghatyaninö ompö tawungwa ato kipkana pögh ghatyanini cho gheghöy pïchï nko kyakikwa.”
Kisas nyu Tororöt kikïl tïkwïn cho yitöy ngwïnya lö sölwontön atökutö arasï pich cho ngöghomöch, akïkïl tïpö ngwïny cho nyörkölöl atökutö arasï pich cho owesöch.
