WUWÖT 32:4 - PIPÏLIA

⁴ Kïcheng taghoyichay akïpel akwigh körkeyïn pö mogh. Kïlö pïchay, “Nyï kï tororötïncha, we Israel, nyo kimïtunenecha koro Misri!”

WUWÖT 32:4 ပူးပေါင်းရင်းမြစ်များ

1 PÖYTOGHÏ 12:28

Kïkany kïngalan nko kirurichi kumuchö, kwigh nyinte körkeyïntino mogh odeny ompö koltin akuporchï pipö Israel akïlenchï, “Kyapekwa Yerusalem asagh ompö osis cho chang. Achï, we pipö Israel tororötinekwa cho kimïtunenokwa koro Misri!”

1 PÖYTOGHÏ 12:32

Kuyomis pich löwïr Yeropoam kïrip asis nyo wow nyo pö saghat ompö asispa taman nko mut, nyo pö arawa mut nko sömök, kïle wölo kilata otöptino pipö Yuda. Kutötö Yeropoam amörostin asisoni wow kikïtuyegho kanasyanta Petel nyo kïsoghöy moghechay pö koltin kwigh nyinte, akutö tïsï Petel cho kipöghisïyi ompö atay kïsogho kitek nyinte.

2 PÖYTOGHÏ 10:20

Kïlenyona kïmwochï Yeu pich löwïr lö, “Otïlilö kegh pich cho osoghöy Paal!” Kemwatïta lenyaye.

2 PÖYTOGHÏ 10:29

Wölo melö kipïstö Yeu ngoki Yeropoam wero Nepat nyo kigh pipö Israel kïsagh mogh nyo kikigha koltin ompö Petel nko Dan.

2 OTÖPTINO OSIS 11:15

Kïkïlchï kegh tïsichi cho pöghisyechini wölo kïsogho körkeyïntin nko cho kisoghöy oy nko cho kisoghöy körkeyïntin cho kikigh ompö körkeyïntino mogh.

2 OTÖPTINO OSIS 13:8

Olentekwa ye nyu omuköy orïntone pöyunöto ECHOTYON nyo mi mori werpö Daudi ompöwölo ochikwa söpïch nyo wow atïngetö mogh cho pö koltin cho kighwokwa Yeropoam kïlïkwï tororötinekwa.

NEEMIA 9:18

Kïrkegh otini kighchï chane körkeyïn pö mogh akïlö, Tororötïngwa nyï nyo kimïtunenokwa koro Misri, akïchïpinyi chane tyo.

WUWÖT 20:2

“Ochan ECHOTYON Tororötïnkwa, nyo kyamïtunekwa koro Misri wölo kyochikwa sekey.”

WUWÖT 20:23

Moghchï kegh tororötin walaka cho pö silpa anta koltin atastanïn.

WUWÖT 20:4

“Meghchï kegh körkeyïn pö kïgh anka tïkwïl nyo kipötöy nyo mi yïm anta ngwïny anta nyo mi pögh cho mi ngwïny ori.

WUWÖT 28:11

Kïla chi nyo nkït kukiröy koghïn aikany kukir kaynötut pö werpö Yakopo. Aitö koghichoni kughyongö koltin cho kikïtök.

WUWÖT 28:9

Icheng koghïn odeny cho nyörilöch aikirchï kaynötut pö werpö Yakopo,

WUWÖT 32:1

Otini kisöwï pich lö kimpur Musa kutïng nyo kogh, kïnyoryö pïchay akïpa wölo mi Aron akïlenchï, “Ighwecha tororöt nyo ntöghoghwecha, ompöwölo mökinkïtöchanye kïgh nyo kegha ompö Musa, chichay kimïtunenecha koro Misri.”

WUWÖT 32:24

Olenchan chane, ‘Nya kïngwïsï chi anka tïkwïl kari koltin cho tïng.’ Kïlenyona kïkonanïn chane karikwa, owirchan ma kungwïn moghï.”

WUWÖT 32:3

Kïngwïs pich löwïr taghoyi koltin akwipchï Aron.

WUWÖT 32:35

Kïtorchï ECHOTYON pïchay sömew, ompöwölo kichikyï chane Aron kwigh mogh.

WUWÖT 32:5

Atolapay kïtek Aron ato kïpelo amöros ompö tawu moghay akïmwatïta lö, “Asïyech kï ichon nyo pö ECHOTYON.”

WUWÖT 32:7

Kïlenchï ECHOTYON Musa, “Röytenö to, ompöwölo kikwigh ngokï piköku chay kimïtunenyi koro Misri.

WUWÖT 32:8

Köwöghökisyö chane lawel kïpa kamas ompö aranay komwochan chane, keghchï kegh mogh nyo kakïpel akïsagh akutö amöros akïlö, ‘Nyï kï tororötïncha, we Israel, nyo kimïtunenecha koro Misri!’ ”

ISAYA 30:22

Ichengenyi körkeyïntin cho kikïmala silpa nko koltin, aiwirtenyi tïkuchoni le tïkwïn cho le sïmnyon, aitegh lö, “Angetena tawunyan!”

ISAYA 46:6

Yotöy pich mïlotwekwa cho ipo koltin akïlasta Pimöy chane ropïyen ompö kilen akwala kitongin nyo ighchini chane tororöt atolapay kïkïtïngchï chane akïsagh.

ESEKEL 23:8

Möpïstonye kokay chepkartananenyi nyo kighöy kïngeta Misri ompöwölo kinya kïwestö nko mïrön kïmïnïng kïpïrchï mïrön nyinte nyoman, kunyar chepkïltïtanenyi.

OSEA 10:5

Mïghyot pipö Samaria ompö körkeyïn pö mogh Pet Apen. Riryot pikachi ompö moghoni, akiriryot tïkwïl tïsï cho kopöghisyeghchini ompöwölo kiweghö moghoni ororyö.

OSEA 13:2

Akïnget ye kwigh ngokï tya chane, akwighchï kegh körkeyïntin, körkeyïntin cho kikitanga silpa ompö tïnganata tïngan. Atolapay kïlenchï pich, “Oropchinö chane ropöw!” Wechï kachïchïn pich körkeyïntin cho lata kir!

IGHISYEWUT 17:29

“Nko kakïchicha monïngo Tororöt lenyoni o, kïmömïchinechanye kenone lö karkegh Tororöt ompö otöptanyi nko kïgh anka tïkwïl nyo kikigh ompö körkeyïn nyo kigho koltin, anta ropïyen, anta kogh nyo kikipat ompö chïreryo tïnganata chi.

IGHISYEWUT 7:41

Kwigha atoni körkeyïn nyo kilata mogh, akwomchï amöros, akïngörekyï ompö konyït ighisyeto morikwa.

1 KORINTO 10:7

anta kïsagh körkeyïntin le wölo kisaghta walaka ompö chane. Le wölo mwoytoy Kikirut lö, “Kimpur pïchoni ngwïny akwomisyö akïgheghsyö atolapay kïnget akïnyal.”

KINONO KIRURUT 9:16

Asïwan lö kyoghchikwa ngokï ECHOTYON Tororötïnkwa. Kyaghakwa körkeyïn pö mogh nyo kikitany, owöghökisyö lawel ompö arananya kimwowokwa ECHOTYON arïpa.

KIRWOKÏ 8:24

Atolapay kïlenchï Kidyon pïchay, “Otïngetan kïgh akonga nyo osomokwa lö, okonanïn taghoy pö yitïn cho kyopörukwa.” (Ompöwölo ki otöp nyo kipö pipö Ismael kulach taghoy pö koltin.)

KIRWOKÏ 8:27

Kwigha Kidyon körkeyïn karichoni pö koltin akutö kanasyantenyi nyo kimi Opra. Kïlïkwï pipö Israel kalomak akïsagh körkeyïntin, kïlïkwï nyoni ngöghöp ompö Kidyon nko piko konyi.