WUWÖT 32:32 - PIPÏLIA

³² Wölo ye nyu, löstoghchinö ngokikwa anta mölenyona, ingongoghtanïn ompö kitapungu nyay kikirchinyi piköku.”

WUWÖT 32:32 ပူးပေါင်းရင်းမြစ်များ

2 SAMWEL 18:33

Kïnyorï Daudi nyarïl nyo wow. Kïwö kutang kö wölo le parak akïlok, otini kiwetöy kïlö, “Heywey, werïnyu Apsolom, werïnyu Apsolom! Kötö ngwangwa ameghan nyo le ani kïtïl nyi! Werïnyu Apsolom.”

TUMWÖY 139:16

Kisïwaninyi kïtomö kenomnyanïn. Kikiranyi kitapungu osiswechan löwïr kïtomö kïpusï nyo le ompö akonga ompö choni!

TUMWÖY 56:8

Kiyitönyi nyörilwoköchan, kinyïghitanyi lokechan kadang. Melö kirote so kitapungu?

TUMWÖY 69:28

Ingongoghta kaynötutkökwa ompö kitapu pich cho söpsot amekany kekir chane nko pipö man.

WUWÖT 32:10

Kïlenyona pïstanïn, ompöwölo kanarekan tya ompö chane amöchan owonge chane, wölo oghinyi lïkuna papo pö pipö kor akonga nyo wow.”

ISAYA 4:3

Kiyitöy nyu chi anka tïkwïl nyo kingötï ompö Sayon* akudong Yerusalem lö tïlil.

ESEKEL 13:9

Omungan nyu werkoy chï mwoghöy putintön akïngoröy ngala putintön. Melö tomitenökwa atotuyot piköchan kururöy kegh amökïminye kaynötutkökwa nko cho pö pipö Israel, amomïlisyonekwanye koronï. Ato onkïtukwa lö ochan Echotyon TORORÖT.

DANIEL 12:1

“Ngwïnöy nyu Mikael malaykayan nyo wow nyo ripöy piköku. Itu atoni nyarïl nyo kitomönye kïmi otini kitor puntonï nko ye, wölo kisöru piköku osiswechoni, chi kïnye nyo kirumunö kaynenyi kitapu Tororöt.

AMOS 7:2

Kyam nyu talamechay susechay ompö kore kïmïkul, akwotini kimuchö, olan, “Löstoghchinö piköku, we Echotyon TORORÖT! Sopchot lö ne piköku nya? Ompöwölo nyörkölöl chane nyoman.”

MALAKI 3:16

Atolapay kïngölonchinö pich cho kiwöghöy ECHOTYON. Kïter nyinte akïlïm ngalanengwa atolapay, ompö tawunyi, kekirchï kitapu kinanat kaynötut pö pïchoni kiwoghöy ECHOTYON akïkonyïtöy kaynenyi.

MALAKI 3:17

Mwoghöy nyu ECHOTYON Kimuktoghin lö, “Lïku chane piköchan. Lïku pich cho kokïlchan kegh ompö asisoni kamwaghan lö owetöy oghöy kïgh. Osyonchinan chane le wölo syonchini papo werïnyi nyo pöghisyechini nyinte.

KIYITUT 11:15

Ato ighwaninyi le nyï, iparanïn pat, ompöwölo mochömanye osïwïyi ngal cho lata chï.”

KIYITUT 11:25

Kïrökunö ECHOTYON polta akïngölonchï nyinte akïcheng kareranpa mïkulögh nyo kitïng nyinte akutö poyichay le 70. Nyini kilït chane mïkulöwunay, kutor kïngorsyö, wölo melö nyo kogh.

KIYITUT 14:19

Osoghinyi ye ECHOTYON lö mötoghchinö pïchï lelutkökwa, kïrïp kegh nko chomyengu nyo möminye söröm le ato kilöstoghchinyi chane kïngeta kïpkana Misri.”

LUKA 10:20

Wölo mongörekyö, pat lö köterwech oy, wölo ongörökyenö ompöwölo kikekir kaynötutkökwa ompö yïm.”

LUKA 23:34

Kïlö Yeso, “Löstoghchinö chane, Paponyu, ompöwölo menkïtcha kini ighöy.” Kuporchï kegh sïrokachi, kïpöghisyeghö kura.

RUMI 9:3

akwompö piköcha cho kïpo kut akonga! Ntökemuko lö ngöroköy chane, kötolentan opï kö ani kegh nyo kochï chïpot akepesyon nko Kristo.

KINONO KIRURUT 25:19

Kïlenyona nyu, otini kökonokwa ECHOTYON Tororötïnkwa koronini achenga akwighakwa amanga ompö kalya nko punkökwo löwïr, apar nyu pipö Amalek kuwonyö lömïs ompö ngwïny, amowutyeghö!

KINONO KIRURUT 29:20

Mölöstoghchininye ECHOTYON chi nyo lata nyoni, wölo yetu nörekyenyi tya ompö chichoni, atolapay kïtöpö parakunyi chïpötö anka tïkwïl nyo kakikir kitapunï ntökïtenö kuwany ECHOTYON nyinte lö karpïs.

KINONO KIRURUT 9:14

Pïswanïn awany chane, atökupot kaynatengwa ompö ngwïny, ataghinyi lïkuna pipö punton akonga nyo wow kïsir chane.’

PILIPI 4:3

Osominyi tïkwïl, kongenyu nyo ichï ghanate, lö ngaraka koruchoni, ompöwölo kinoghyö chane nko ani ompö amtaghata Lökoy cho Karamach nko Klemen nko pich lapay cho kikinoghyecha tïkwïl, pich cho kirote kaynötutkökwa kitapu söpon.

NGONGUT 17:8

Ki söpote osiswe walaka tyonyoni kesïwenyi, wölo melö tökïsöpote ye. Karich ye kïngetunö nyinte ngwen atökenyar. Töngönyöy pich cho möngöy ngwïny cho tomöcha kekirchï kaynötutkökwa kitapu söpon kïngeta otini le towunöto ngwïny töngönyöy chane ato sïwa tyonyoni ki söpöy osiswe walaka akïma, akwanyï ye söpöy ngat!

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.

NGONGUT 22:19

Kïlenyoni tïkwïl, ato chïchuk chi ngölyonto werkoynön nyo mi kitapunï, kïsöro Tororöt nyinte karerantanyi nyo pö ket pö söpon nko karerantanyi nyo pö Kanasyantanay tïlil kakïmwowunö kitapunete.

NGONGUT 3:5

Kilokyini pich sïro cho relach asïyech cho rïntoy amelö ongongoghtenan kaynötutkökwa ompö kitapu pich cho sötote. Omwotïtonan ompö tawu Paponyan nko ompö malaykenichi lö piköchan chane.