WUWÖT 32:30 - PIPÏLIA

³⁰ Kïlenchï Musa pich ato le asïyech, “Kaghakwa ngokï cho echön, owetan ye wölo mi ECHOTYON, töptoy oghan kinyoryogh ompö ngokikwa.”

WUWÖT 32:30 ပူးပေါင်းရင်းမြစ်များ

2 SAMWEL 12:9

Ompö ne tesasanyi ngölyonto ECHOTYON, otï keghchinyi nyinte kïgh nyo gha. Keparanyi Uriya nyay pö pipö Ititi aichenga korketö aighanyi kïpar pipö Amon nyinte.

2 SAMWEL 16:12

Töptoy sïwïyi ECHOTYON kichoputköchan asete akïkonanïn köromnyö ompö chïpötonï pö asete.”

2 PÖYTOGHÏ 17:21

Kïkany otini kiwany ECHOTYON kupesyö Israel nko Yuda, kïkïl Israel Yeropoam wero Nepat kïlïkwï pöytoghintengwa. Kwigh Yeropoam pipö Israel kïtagh ECHOTYON akwigh ngokï cho ghach tya.

TUMWÖY 99:6

Ki Musa nko Aron ompö kwenu tïsichi, ki Samwel ompö kwenu pich cho kisoghöy kaynenyi. Kirirchï chane ECHOTYON, kïlïm saghatengwa.

WUWÖT 32:29

Kïlö Musa, “Kotïlilökwa kegh asete ompö ighisyo ECHOTYON, ompöwölo melö karïp chi ompö akwa werïnyi anta werïngwa, atökïkonokwa ECHOTYON perur asete.”

AMOS 5:15

Atagha kïgh nyo gha acham nyo karam achïchïma man ompö kokwotïn, töptoy ana syonchini ECHOTYON, Tororöt Kimuktoghin, ngötunön pö pipö ara Yosep.

YONA 3:9

Nkït ngo ne, muköy ana Tororöt kïwöghöko akïpïstö nörekyenyi nyo körom atömökiwonyö!’ ”

KIYITUT 16:47

Kwigh nyu Aron lenyini kimwochï Musa, akurïp lawel wölo mi pich, wölo kikikutor sömewonay kwam pich, kïropta tïkuchay ngutoy cho onyïn ompö paraku pïchay akutor kutïlil pich.

KIYITUT 25:13

nyinte nko monechi cho töpkonöy, lïku chane Tïsï kokay, ompöwölo kitagh pung pö Tororöt akwigh kelöstoghchï pipö Israel lelutkökwa.’ ”

LUKA 15:18

Ongetan owetöy wölo mi paponyu alenchï, papo, kyoghchan ngokï Tororöt, awunyi tïkwïl,

LUKA 7:47

Nyo omwowunyi lö, poru chamatenyi nyoni wow lö, kikelöstoghchï nyinte ngokichi chini chang. Ompöwölo poru chi nyo kikïlöstoghchï cho ngörï chomnyogh nyo mïnïng pat.”

RUMI 9:3

akwompö piköcha cho kïpo kut akonga! Ntökemuko lö ngöroköy chane, kötolentan opï kö ani kegh nyo kochï chïpot akepesyon nko Kristo.

KALATIA 3:13

Wölo kityakenecha Kristo chïpo kirurut otini kikasan nyinte chïpononi ompö acha. Ompöwölo mwoghöy Kikirut lö, “Chïpote chi anka tïkwïl nyo kiwuso ket.”

2 TIMOTEO 2:25

Mïchini tïkwïl kïlïkwï chi nyo porchini man ompö tölosyö pich töghöy ngalechi, ompöwölo töptoy töni ana Tororöt chane pöroyïn kïlasta ngokikwa akunkïtï man.

YAKOPO 5:16

Kïlenyona nyu, ongonchinö kegh ngokikwo akwane, asoghchï kegh atökesopok. Tïngeto saghata chi pö man owesyö nyo ighöy tïkwïn cho chang.

1 SAMWEL 12:17

Olentan osiswo pekat chete nya? Wölo osoghan ECHOTYON kïkonï tïlöt nko rop, atonkïtunökwa lö echön ngokï cho kyoghchikwa ECHOTYON, otini kyatepakwa nyinte lö kïmököy pöytoghin.”

1 SAMWEL 12:19

Kïlenchï pïchay löwïr Samwel, “Sagha ECHOTYON Tororötïngu akwompö acha, atömökïmeghöcha, ompöwölo kakïtasacha ngokicha ketep pöytoghin.”

1 SAMWEL 12:20

Kïlenchï Samwel pïchay, “Mowöghisyö, kïrkegh kaghakwa ghöyityö nyo tenö nyï, mopïstö ECHOTYON, wölo opöghisyechinö nyinte ompö mïkuliskökwa löwïr.

1 SAMWEL 12:23

Nya kïlowit ompö ani. Momukanye kokay ntoghchï ngokï ECHOTYON opïstan osoghwokwa. Wölo onetokwa or nyo karam nyo mïchini arïpakwa.

1 SAMWEL 2:17

Kighechön ngoki werpö Eli ompö ECHOTYON, ompöwölo kisas chane amöros pö ECHOTYON.