WUWÖT 3:9 - PIPÏLIA

⁹ Kikwitï rira pipö Israel wölo omitan akasïwan wölo kechopta kong pipö Misri chane.

WUWÖT 3:9 ပူးပေါင်းရင်းမြစ်များ

TOWUNÖT 16:11

Iyiyenyi monïng nyo le weri aikuronyi kaynenyi Ismael, ompöwölo kilïm ECHOTYON lokeko nyarïltangu.

TOWUNÖT 31:12

Kïlenchanïn, ‘Syolö konyiku airosïta, atesïwena lö kwöghe löwïr cho riyöy ngaror kï köronöch akï köpenöch akï mölöktin, ompöwölo kasïwan tïkwïn tïkwïl cho kewunyi Lapan.

2 PÖYTOGHÏ 13:4

Kïsagh Yeoaas ECHOTYON, kïterchï ECHOTYON nyinte ompöwölo kisïwa nyarïlpa pipö Israel wölo kichopta kong pöytoghinto Sirya.

2 PÖYTOGHÏ 20:5

Mïlena ngat wölo mi Esekia, nyo le pöytoghinto piköchan ailenchï, “Kölö ECHOTYON Tororöt pö papongu Daudi, kalïman saghatengu asïwan lokeku. Osopinyi, nyo ato mi asispa sömök iwenyi Kö pö Tororöt.

NEEMIA 9:9

“Kisïwenyi nyarïlpa papotïnecha ompö Misri, aiterchinyi chane lokekwa ompö Nanam nyo Pïrir.

TUMWÖY 12:5

Wölo kïlö ECHOTYON, “Ongetan ompöwölo kakirey chopot akechop kong mey, atönan ato tïghume ato kekönöy chane.”

TUMWÖY 9:14

atamukan amwatïta sölutköku ompö kukoti Sayon, atoturönön ompö atoni ompö sörunötengu.

WUWÖT 1:11

Kïlenyona kutö chane kighyongteghï parakungwa kuchop kong ompö ighisyeghut cho nïkisöch akïtekyï Parao töpoton ompö kanastina Pitom nko Rameses.

WUWÖT 1:22

Kïlenchï Parao pikachi, “Monïng anka tïkwïl nyo le weri nyo kökïyï ompö pipö Eprania owirchï lalwa Nile, wölo opïstokwa tipïn löwïr kïsöpchö.”

WUWÖT 1:8

Kïpusï pöytoghintö anka ompö koro Misri nyo kimenkïtnye Yosep.

WUWÖT 2:23

Nyini kiwer osiswö cho chang kïma pöytoghintonay pö Misri. Kïsïch ngwonïn pipö Israel ompö mötwornönengwa akïlokyö kïmach kingörokut, kïlïm Tororöt lokekwa

WUWÖT 2:25

Kuros Tororöt pipö Israel akïsïwa kömpölelyengwa.

WUWÖT 3:7

Kïlö ECHOTYON, “Kasïwan nyarïl pö piköchan cho mi Misri akalïman lokekwa ompö pich cho chopöy chane kong. Ankïtön ngwonïntöngwa.

OMTOGHIN 4:1

Atolapay asïwan ngat wökut löwïr cho kïpöghisyegho ompö ngwïnyi asis. Kimi pich kïrirsot cho kikïpïr akimöminye chi nyo kisoghsoghöy chane! Akitïng wökikwa owesyö akipuryö chi nyo kisoghsoghöy chane.

OMTOGHIN 5:8

Metöngönchï ato isïwa soch kïpïröy mey, mösötyininye ngalekwa ompö man akïsara mantangwa. Körtoy pipö soch cho echön pikökwa, akïkörtoy ngat pïchoni echön pikö walaka cho echön kïtïl chane.

AMOS 4:1

Atere ngalechi koruchï pö Pasyan cho omitö kutïng pö Samaria cho opïröy mey arey ptankeris atyakata chona mötïng kïgh cho olenchini chitonikwa, opkecha kumïn keghegha.

KINONO KIRURUT 26:7

Kerirchicha ECHOTYON Tororöt pö papotïnecha, kïter nyinte lokecha akïsïwa wölini kiwongunötencha nko kichopatencha nko nyarïltancha.

1 SAMWEL 9:16

“Atotenö ye asïyech, oyokunyi chi nyo ngwïno koro Penchamen, iyil nyinte atökïpayta piköchan pö Israel. Söruno nyinte chane mori pipö Pilisti, ompöwölo kasïwan kichopat nyo tïng piköchan, akikwitï lokekwa wölo omitan.”