WUWÖT 3:15 - PIPÏLIA

¹⁵ Aimwochï ngat pipö Israel lö, ‘ECHOTYON, Tororöt pö papotïnekwa Apraam nko Isak nko Yakopo nyo keyokwanïn wölo omitekwa.’ Nyï kï kaynatenyan kokay nyo kurenanïn pïnwöy.

WUWÖT 3:15 ပူးပေါင်းရင်းမြစ်များ

TOWUNÖT 24:12

Kïsagh lö, “ECHOTYON, Tororöt pö echotyontenyan Apraam, osoghinyi lö iperurante asisete aighchï nyo karam echotyontenyan Apraam.

1 OTÖPTINO OSIS 16:16

Muma* nyo kyam nko Apraam nko ayomis nyo kitö Isak.

1 OTÖPTINO OSIS 29:18

ECHOTYON Tororöt pö papotïnecha Apraam nko Isak nko Yakopo, itö ngalechete mïkulis pö piköku kokay aikany kïpöru chane wölo imitenyi.

2 OTÖPTINO OSIS 28:9

Kimito werkoyonto ECHOTYON nyo kimöngöy Samaria nyo kikuro Oded, kiwö nyinte kïtarok lïk nyo kirotu kungwïnöy Samaria akïlenchï, “Kinörekyï ECHOTYON Tororöt papotïnekwa pipö Yuda nkanyoni ketö chane morikwa wölo kongïrökwa chane ompö kililat ntökwit ngölyontononi wölnö le yïm.

TUMWÖY 102:12

Wölo ichinyi pöytoghin kokay, we ECHOTYON irumtonyi pïnwöy löwïr.

TUMWÖY 102:13

Syonchinö kanasyanta Sayon,* kakwitïta ato kömïchï kelul, asista nyete nyo mïchini.

TUMWÖY 135:13

Töpo kaynatengu kokay, we ECHOTYON, nonöy pïnwöy löwïr salatengu.

TUMWÖY 30:4

Otumchinö ECHOTYON tumwöyi sölut, akwa lapay cho kalïkwï pikachi! Oyokyinö sörö kaynenyi nyo tïlil.

TUMWÖY 30:5

Töpo nörekyenyi nyo tangogh, wölo pö kokay köromnyenyi. Muköy lok kïtörengu ato le oghö, wölo itu kuti ngörekyö ato le tökwoghö.

TUMWÖY 68:5

Tororöt nyo möngöy konyi nyo tïlil. Kï papoto pönon akï ripinto mïsïktin.

TUMWÖY 72:17

Nya kenan kaynata pöytoghin kokay nko ororyenyi le asis. Nya kusoyönisyö puntonï löwïr ompö nyinte. Nya kekurö nyo soyönote.

TUMWÖY 72:19

Asala kokay kaynatenyi nyo töror. Nya kunkïtï ngwïnya kïmïkul ororyenyi. Amen! Amen!*

WUWÖT 15:2

Okwolan ECHOTYON nyo le owesyenyan akï sörunötenyan. Nyinte kï Tororötïnyan nyo okwolan, Tororöt pö paponyan, otöroran nyinte tya.

WUWÖT 15:3

“Chi pö poryot, ECHOTYON nyo awes, kaynenyi kï ECHOTYON.

WUWÖT 3:13

Wölo kïlenchï Musa Tororöt, “Ato owan wölo mi pipö Israel alenchan chane, ‘Keyokwanïn Tororöt pö papotïnekwa wölo omitekwa,’ akïtepanïn lö, ‘Ngo kaynenyi?’ Omwochan ne chane?”

WUWÖT 3:6

Akïlö, “Ochan Tororöt pö papongu, Apraam nko Isak nko Yakopo.” Kïkarta Musa tokochunyi, ompöwölo kiwagh kura Tororöt.

WUWÖT 4:1

Kuyokyï Musa lö, “Wölo meghönanïcha anta terwanïn, ompöwölo mwoghöy lö, ‘Mengwïnchinyinye ECHOTYON.’ ”

WUWÖT 4:5

Kïlenchï ECHOTYON, “Ighenyi le nyete atökughan chane lö ECHOTYON, Tororöt pö papotïnekwa Apraam nko Isak nko Yakopo nyo kengwïnchinyi.”

WUWÖT 6:2

Kïlenchï Tororöt Musa, “Ochan ECHOTYON.

NGÖTÏNYÖ 18:10

Tiwöwon nyo aghïgh kaynata ECHOTYON, rïpchini chi pö man akïnyoru ato ghïpo.

ISAYA 26:8

Kïrïpecha kirurutköku, akekönecha nyi, nyi onkït nyo pïrchini mïkulisköcha.

ISAYA 42:8

“Ochan ECHOTYON, kaynenyan nyoni, motöninanye chitö anka ororyenyu. Amelö kitöni salatenyan körkeyïntin cho kipötöy.

ISAYA 63:12

nyanya kintöghoghchï ompö ewunyi nyo awes akwigh tïkwïn cho echön kuwerï Musa?

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

YEREMIA 33:2

Kilenchanïn ECHOTYON nyo kigh ngwïny akï kaynenyi kï ECHOTYON,

DANIEL 2:23

Osölinyi, ayokunyi sörö, we Tororöt pö papotïnechan, ompöwölo kekonaninyi ngöghomnyö nko owesyö, keporwaninyi kïgh nyo kikïsomöcha aiporwechanyi ngala papotïnecha.”

OSEA 12:5

ECHOTYON, Tororöt Kimuktoghin, ECHOTYON kaynenyi.

OSEA 12:6

Kïlenyona imïlonenyi ompö owesyo Tororötïnkwa. Akaman chomnyogh nko man, akön Tororötïngwo kïtenö osis.

MIKA 4:5

Soghöy puntonï löwïr akïterchï tororötinekwa, wölo kïsoghecha ECHOTYON Tororötïncha kokay nko kokay.

MALAKI 3:6

“Ochan ECHOTYON amelö owöghökonan. Nka nyoni nyu, we akwa pipö ara Yakopo, tomönye owonyenökwa lömïs.

MATAYO 22:32

Kimwa lö, ‘Ochan Tororöt pö Apraam achan Tororöt pö Isak achan Tororöt pö Yakopo!’ Poru nyoni lö nyinte kï Tororöt pö cho sötote, melö nyo pö cho kimeghö.”

IGHISYEWUT 3:13

Tororöt pö Apraam nko Isak nko Yakopo Tororöt pö papotïnecho nyo kegh, Mötworintenyi Yeso kwororit. Yeso nyo Kyotötekwa ataghakwa nyinte ompö tawu Pilato, otinö kimököy Pilato kutyoku nyinte.

IGHISYEWUT 7:32

‘Ochan Tororöt pö papotïneku, Tororöt pö Apraam nko nyo pö Isak nko nyo pö Yakopo.’ Kïpotan Musa ompö kiwaghat amemïnye kuros nyinte.

KINONO KIRURUT 1:11

Nya kitasakwa ECHOTYON Tororöt pö papotïnekwa achangituna kïnyïl elpun cho chang kïtïl kiyitötenkwa otï le ye, kïrïp kegh nko kiyomisötenyi.

KINONO KIRURUT 1:35

‘Möminye chi nyo le ompö akonga ompö kwenu pïnete gha nyo sïwïyi koronay karam kyomchan muma lö, otöni papotïnekwa,

KINONO KIRURUT 4:1

“Atolapay kïlenchï Musa pipö Israel, atera kirurut löwïr cho onetokwa arïp tösöpchenö atape amanga kor nyo konokwa ECHOTYON Tororöt pö kukötinekwa.

EPRANIA 11:16

Wölo kimi chane kïyöröy kore anka nyo karam nyo pö mi yïm. Nka nyoni mölolïyönönye Tororöt kïkurö chane nyinte Tororötïngwa, ompöwölo kikwighchï chane kanasyan.

EPRANIA 13:8

Karkegh Yeso Kristo* omötu nko ye nko kokay.