WUWÖT 3:10 - PIPÏLIA

¹⁰ Nyonö, oyokïn wölo mi Parao atemïtuna piköchan, monïngo Israel, kïwuwunö Misri.”

WUWÖT 3:10 ပူးပေါင်းရင်းမြစ်များ

TOWUNÖT 15:13

Kilenchï ECHOTYON Apram, “Inkïtï nyo pö nyoman lö lïku moneku to ompö koro pich walaka, pöghisyechini chane ompö nyarïl piko korononi akïlïku sekey ompö wöloni könyis 400.

TOWUNÖT 15:14

Wölo orwokyinan pïchoni ighöy chane sekey, akwotini ngetuno chane korononi pö tontön, kïpkonöy nko sïkönöt nyo wow.

TUMWÖY 105:26

Kïyonta nyu mötworintenyi Musa nko Aron nyo kikikïl.

TUMWÖY 77:20

Kintöghoghchinyi piköku le kechir kuwerï Musa nko Aron. Tum pö Asap.

WUWÖT 12:40

Kimang pipö Israel Misri könyis 430.

WUWÖT 12:41

Ompö asis nyo pö sörömu könyiswechay le 430, kïpegha söpïch pö ECHOTYON löwïr koro Misri.

WUWÖT 33:12

Kïlenchï Musa ECHOTYON, “Kemwowaninyi lö, ‘Mïta pïchï,’ wölo melö onkïtön lö, ngo nyo wetöy nko ani. Kemwaghanyi lö, ‘Onkïtön kaynengu, akenyorunyi tokoch nyo karam ompö tawunyan.’

WUWÖT 33:13

Kïlenyona, ato konyorwan chömchin ompö tawungu osoghinyi lö, porwante ortïneku, tonkïtunyi atonyorwan chömchin ompö tawungu kïnomnyö. Ainan tïkwïl lö, cheku pïchï.”

WUWÖT 6:26

Nyï kï Aron nko Musa chay kilenchï ECHOTYON, “Amïtuna pipö Israel löwïr kïwuwö koro Misri.”

OSEA 12:13

kumïtuna ECHOTYON Israel werkoyon ompö Misri akïripö chane werkoyon.

MIKA 6:4

Kyamïtunenekwa apkanena koro Misri, asörunenokwa otöp pö sekeynön. Kyokonokwa Musa kuntöghoghwokwa nko Aron nko Miriam.

IGHISYEWUT 7:34

Kasïwan nyoman nyarïlpa piköchan cho mi Misri. Kyalïman riratengwa, nka nyï korökwan atosörï chane. Nyone nyu ayontinyi wïyö Misri.’

IGHISYEWUT 7:36

Ki nyinte nyoni kimïtuna pich koro Misri, otini kökikwigh kiporut nko töngönchin ompö Misri nko ompö Nanam nyo Pïrir nko ompö sïrkwen ompö könyis tömönut angwan.

IGHISYEWUT 7:6

Kimwochï Tororöt nyinte lö, ‘Möngöy moneku koreto pikö walaka akïlïku chane mötwor, kighchini nyo gha ompö könyis pokolay angwan.’

IGHISYEWUT 7:7

Wölo kïmwa Tororöt lö, ‘Orwokyinan pïchoni pö punton ighchini chane ighsyö, akwato mi löt, kïngetuno korononi kïpka kïsaghenanïn wöletewöl.’

KIRWOKÏ 6:14

Wölo kïmwochï ECHOTYON lö, “Wïyö ompö owesyonete itïngetenyi atesörunenö pipö Israel mori pipö Midyan, ani nyo oyokteninyi.”

1 SAMWEL 12:6

Kïlenchï Samwel pïchay, “ECHOTYON nyo le söwinte, nyo kikïl Musa nko Aron, akumïtuna papotïnekwa koro Misri.

1 SAMWEL 12:8

Otini kiwö Yakopo Misri akïpïr pipö Misri chane, kïlokyï papotïnekwa ECHOTYON, kuyoktö ECHOTYON Musa nko Aron kumïtuna chane Misri akutö kïmang koronï.