WUWÖT 23:8 - PIPÏLIA

⁸ Macham asoya, ompöwölo ighöy cho sïwïyi kïköryö akïwïny man.

WUWÖT 23:8 ပူးပေါင်းရင်းမြစ်များ

TUMWÖY 15:5

nyo pösöntoy ropïyenichi amelö ghoköy tösunön amöchömönye keropöy ato söwintönchini chi nyo puryö lelut. Chi anka tïkwïl nyo ighöy choni, kïmi ato tïghume kokay. Tum pö Daudi.

TUMWÖY 26:10

pich chane cho ighöy ngokï kïnomnyö akïchömöy pich cho yenonu egh.

NGÖTÏNYÖ 15:27

Ipchini chi katanyi nyarïl nyo nyoru sïkönöt ompö ara lïs, wölo söpöy chi nyo ghöchini kiyenöto egh.

NGÖTÏNYÖ 17:23

Chömöy mwokïyon kingwïsuno asoya mïlenyi, atökuryal ortïna man.

NGÖTÏNYÖ 17:8

Molulöy asoya möt chichini tötoy, lenchini kegh onyorchini tïkwïn löwïr.

NGÖTÏNYÖ 19:4

Ipu mökosyö kongot cho relach cho chang, wölo pökodoy meywon kongenyi.

OMTOGHIN 7:7

Ighöy pïrötö chi nyo ngöghom kïlïkwï sölwö nyo mötïny, akuwurinyi ropata ato ichenganyi.

ISAYA 1:13

Kopukwa kwïle tïsöwekwo. Kikïghöchachïn ngutogh pö tïkuchoni opelekwa. Melö tomukan omïkukönchini Ichontinekwa cho pö Relïn pö Arawa nko Sapatotinekwa* nko tuyotïnekwa cho oryomokwa ompö sowut. Kewur ngokikwa choni lömïs.

ISAYA 1:23

Kalïkwï pöytoghiku pich cho kichumpön akïlïkwï kongoti chorï. Toköy chane tïpö pich akïcham kerop chane. Melö syonchini pönon ompö ka kirwok anta chömchï mïsïktin kwipchï chane lokekwa.

ISAYA 33:15

Ingötunenyi ato imwaghanyi ngaleku, aigh cho pö man. Mepöghisyeghö owesyengu ipïr pich cho le mey, amekany keropïn. Megh ghömïchö nko pich cho tötöy rïmö anta cho ighöy tïkwïn walaka cho ghach.

ISAYA 5:22

Heywey! Ochech pich cho köromöch kïgha dipay* cho le nyökon, mïrön cho owesöch cho kulkulyot kumïn cho ngwonöch,

ISAYA 5:23

cho tyoköy rïmï ompö roput, akïmasa man pich cho pö man!

ESEKEL 22:12

Chengöy pich ompö nyi asoya tökïmïlta kisön, ghoköy walaka yiyöwo ropïyen cho kemangta lö tökesïkönonö, akyowutyeghanïkwa. Mwoghöy Echotyon TORORÖT.

OSEA 4:18

Otini kigha kumïn akïtömesyö, kwighata cheporesnan akïchama kegh arasï kïtïl konyït.

AMOS 5:12

Onkïtön lö tya lelutkökwa nko wölo tenö ngokikwa, akwa cho onyörilöy kong pipö man, achengoy chane asoya, atïtïpöy ngala ptankeryan ompö kokwö.

MIKA 7:3

Nkït chane kwigh nyï le ghöyityö nyoman tepöy asoya pöytoghin nko kirwokin. Mwoghöy chi nyo wow pïrchin nyo gha ompö mïkulöwunyi.

KINONO KIRURUT 10:17

Ompöwölo ECHOTYON Tororötïnkwa, kï Tororöt pö tororötin akï Echotyonto echot. Tororöt nyinte nyo awes nyo kiwöghöy akekonyïtöy nyo melö chomöy pich walaka kïtïl walaka anta cham asoya.

KINONO KIRURUT 16:19

Makany kïmas chane ngala man amakany kïrïwochï wop akonga anta cheng asoya, ompöwölo konyi pich cho ngöghomöch, akuryal ngala man.

1 SAMWEL 12:3

Mwagha ye nyu chi ompö ECHOTYON nko ompö pöytoghin nyo kakïl nyinte. Ngo nyo kyachengan edanyi anta sïkïryenyi? Anta ngo nyo kyalïsan anta opïrön? Anta ngo nyo kikonanïn asoya atökïkarta konyichan? Mwowunö ye atoyokun.”

1 SAMWEL 8:3

Kimarïpcha werkachi körkeyïntanyi, wölo kipïrchï ropïyen akïcheng asoya amökurwokcha ompö man.