WUWÖT 22:29 - PIPÏLIA

²⁹ “Moropï okonï kitötogh pö paghekwa nko chongïn pö dipay* nko cho pö mwaghpa arol. “Okonanïkwa poretayikwo cho le wor.

WUWÖT 22:29 ပူးပေါင်းရင်းမြစ်များ

2 PÖYTOGHÏ 4:42

Kungwïna chi Paal Syelisya nyo kipchï Elisya makatin tömönut odeny cho kikigha pïsya matay cho le poretayi könyinoni nko yiti pagha nkanun cho kitökekösöy. Kïmwochï Elisya mötworintenyi kïpagha pïchay makatinechay.

2 OTÖPTINO OSIS 31:5

Nyini kikïlïm ngölyontononi kighömï korononi, kïpasta pipö Israel ompö chongïn tïkwïn cho lata: poretayi akwa cho tïng kösïgh nko dipay* nko mwagh nko kumat nko tïkwïn walak löwïr cho pkono paren, akwipï ompö chongïn kareranpa taman cho pö tïkwïn löwïr.

WUWÖT 13:12

otïlilchinekwa ECHOTYON poretay löwïr. Twatan löwïr cho pö twaku cho le kiru kïpö ECHOTYON.

WUWÖT 13:2

“Otïlilwanïn poretay löwïr cho pö pipö Israel nko cho pö kyak.”

WUWÖT 23:15

Omekwa Ichon pö Makatin cho puryö Mumar ompö osis mut nko odeny, lenyini komwowokwa. Oghekwa lenyoni ompö asis nyo kïlate nyo pö arawa Apip, ompöwölo kyapkanekwa arawanoni koro Misri. Möminye chi nyo ngwïnöy tawunyan nko mori kwïle.

WUWÖT 23:16

“Agh Ichon pö Ilö ompö poretay cho pö paghekwo cho kyakatkatakwa. “Agh Ichon pö Tunkun ompö sörömu köny, ato osupekwa paghekwo.

WUWÖT 23:19

“Opukwa poretayi paghekwa Kö pö ECHOTYON Tororötïnkwa. “Meghogh wawa aran anta nyo pö kech nyo tökïrerïyi.

WUWÖT 34:19

“Chichan tïkwïn löwïr cho le poretay cho melö sökot nko poretayi tïch nko cho pö kechir.

WUWÖT 34:20

Isörunonyi poretya sïkïryö wawa kech, wölo ato melö ichömenyi sörune iryan kat. Isörï poretayiku löwïr cho le wor. “Amelö ngwïnöy chi tawunyan nko mori kwïle.

ESEKEL 20:40

“Kïkany akwa we pipö Israel löwïr, opöghisyewanïkwa ompö kutïngtönyan nyo tïlil. Mwoghöy Echotyon TORORÖT. “Ochömokwa nyu ompö atoni apukwa amörostinekwa nko ropöwekwa cho le kïlan nko ropöwe walaka cho tïlilöch.

LAWIN 22:27

“Töpo mogh anta wawa kech anta nyo pö aran nko kame osis mut nko odeny. Wölo kïngeta asisto mut nko sömök kutang tagh, kechömöy kïlïku ropöwon nyo pö ECHOTYON.

MIKA 7:1

Ochech nyo kangwïn lö sïpapa amonyorï akwa cho kingotyï ket anta sapipun cho ororotö. Kikuror köny chepökörot kikepït makany cho kotö omöy akwe cho pïrchini muyenyan.

KIYITUT 18:13

Chikwa löwïr, chi tïkwïl nyo tïlil ompö akwa kwomöy.

MATAYO 6:33

Wölo ayara kïny Pöyunöto Tororöt nko mantanyi tökïtöswokwa nyinte tïkuchoni löwïr.

RUMI 8:23

Amelö tïkuchoni kikigh opïn cho chirsot, wölo kïmitecha chete le acha tïkwïl kichïr ompö orinyo, cho kïtïng Mïkulögh nyini le ropöwonto Tororöt nyo pö tagh, otini kïköngecha nyinte kwighecha kelïkuna monechi, akenyorï kityakatenyi.

KINONO KIRURUT 15:19

“Itïlilchï ECHOTYON Tororötïngu twatanpa tïch nko cho pö kechir cho melö sökote, mepöghisyeghö tïch cho le twatan ompö ighisyö anka tïkwïl amemut puto kechiryechoni le twatan.

YAKOPO 1:18

Kiyiyecha nyinte ompö machatenyi ompö ngölyontenyi nyo pö man atökelïkuna cho pö tagh ompö tïkwïn lapay cho kigh nyinte.