WUWÖT 20:24 - PIPÏLIA

²⁴ Otekwanïn ompö nyïngwïtyan ato kïpelo amöros aikonï amörostinekwa cho kïpelöy nko cho pö pöghisyö cho pö kechiryekwa nko twakwa. Ompö wop anka tïkwïl wölo kaghan kesaghenanïn ongwïnchinokwa nyu operurokwa.

WUWÖT 20:24 ပူးပေါင်းရင်းမြစ်များ

TOWUNÖT 12:2

Oghinyi lïkune pipö kor akonga cho chang tya. Osoyöninyi aghinyi rumtenö lasiny atelïkuna kisoyönöt.

2 SAMWEL 6:12

Kemwochï pöytoghin Daudi lö, “Kesoyön ECHOTYON kö pö Oped Edom nko kïgh anka tïkwïl nyo le nyenyi akwompö Santukunay pö Muma.” Kïwö Daudi kïsïtunö Santukunay kö pö Oped Edom kutöngwï kanasyantenyi ompö ngörekyö.

1 PÖYTOGHÏ 8:29

Kaykay irip Kö pö Tororöt nangat nko pöghet yete kekïlanyi kesagheninyi. Iter sowutköchan cho omwowunyi ompö yeteyi.

1 PÖYTOGHÏ 8:43

iterchï sowutkachi ompö yïm wölini imöngenyi. Aighchï nyinte kïrïp kegh nko sowutkachi, atökunkïtï kaynengu pipö ngwïny kïmïkul akïkonyïtinyi le piköku Israel. Nkïtu nyu chane lö kïsogheninyi Köyete kotekunyi.

1 PÖYTOGHÏ 9:3

Kïlenchï ECHOTYON nyinte, “Kalïman saghatengu nyo kesaghenyi tawunyan. Kotïlilön Köyï kitekanyi atökesaghenanïn kokay. Oripan Köyete kïtenö osis.

2 PÖYTOGHÏ 5:17

Kïlenyona kïlö Naaman, “Ato ketaghanyi ropöwontenyan, kanya kekonïn nyïngwïny cho kösönöy sïkïröy odeny ompöwölo kïngata ye melö toropchinan tororöt anka tïkwïl ropöw cho kïpelöy anta amörostin, kïpoto ECHOTYON.

2 OTÖPTINO OSIS 12:13

Kigh kegh Reopoam nyoman akwawesit paytaghtanyi ompö Yerusalem, kitor Reopoam kïpayta ato kitïng könyis cho le 41. Kïpayta könyis 17 ompö Yerusalem, kanasyan nyo kikïl ECHOTYON ompö ortïna pipö Israel kïmïkul kutö kaynenyi atoni, kikuro kame Nama, nyo ngwïno Amon.

2 OTÖPTINO OSIS 6:6

Wölo kakïlan ye nyu Yerusalem kïlïkwï wölo kïsoghenanïn, akïl Daudi kïpayta pikachu.’

2 OTÖPTINO OSIS 7:16

Ompöwölo ye kyakïlan atïlil köyï atökïtöpö atoni kaynenyan kokay, rosöy nyu konyichan akï töpo mïkulöwunyan atoni osis löwïr.

ESRA 6:12

Nya kïrïnta Tororöt nyï kacham kaynenyi kïtöpö Yerusalem pöytoghin anka tïkwïl anta pich cho lentöy kïwöghököy ngölyontonï anta cho lentöy kinyoröy Köyï pö Tororöt ompö Yerusalem. Ani Daryas nyo kamwagh. Agh lenyoni ompö chïreryö.”

NEEMIA 1:9

wölo ato oyokyanïkwa kegh arip kirurutköchan agh, oghömïtwokwa kïrkegh kyapekwa wölo low kïtya, omïtokwa ape wölo kyakïlan kesaghenanïn.’

TUMWÖY 101:2

Otöponan ompö or nyo puryö lelut, ingwïnenyi oyï wöl omitan? Omöngan konyu ompö kitenat.

TUMWÖY 122:2

Kïmitecha ye, keghyongo kukotiku, we Yerusalem!

TUMWÖY 128:5

Nya kusoyönïn ECHOTYON nyo möngöy Sayon!* Isïwa perur pö Yerusalem ompö osisweku löwïr!

TUMWÖY 134:3

Nya kusoyönïn ECHOTYON nyo möngöy Sayon* nyo kigh yïm nko ngwïny.

TUMWÖY 74:7

Kipel chane Kongu nyo tïlil akusïmnyon ataye kïsogheninyi.

TUMWÖY 76:2

Mito möngenyi Yerusalem, möngöy kutïng pö Sayon.*

TUMWÖY 78:68

wölo kikïl monïngo Yuda nko kutïng pö Sayon* nyo kicham lö ne!

WUWÖT 10:25

Wölo kïlö Musa, “Mïchini ketïngetecha amörostin cho kïpelöy nko amörostin walaka atöketönö ECHOTYON Tororötïnyo.

WUWÖT 18:12

Kwipï Yetro amöros nyo kïpelöy nko kitötogh wölo mi Tororöt, kungwïn Aron nko poyi Israel kwam makatyan nko kapikoyo Musa ompö tawu Tororöt.

WUWÖT 20:25

Ato otekwanïkwa ato kïpelo amöros nyo pö koghïn, mateka koghïn cho kakipat, ompöwölo osïmnyonekwa ato opöghisyeghekwa karikwa.

WUWÖT 24:4

Kukir Musa kïgh anka tïkwïl nyo kimwa ECHOTYON. Kïnget Musa tökwoghö asis nyo kirïpöy akïtek ato kïpelo amöros ompö kutïng ngwïny akïtek pchörin taman nko odeny cho pö koghïn kïkarkegh nko ortïna Israel.

WUWÖT 24:5

Akïyonta karachïna kïpa kïpel amöros akutötö eghin kïlïkwï ropöwo pöghisyö ompö ECHOTYON.

WUWÖT 27:1

“Itekenyi ato kïpelo amöros ompö tilok, ikany kïngata miten odeny koghïntanyi nko töpesïntanyi akïngata mita akonga kutok.

ISAYA 64:5

Itokenyi pich cho ngöreksot otini ighöy tïkwïn cho pö man, chane cho nonöy wölo imöktonyi chane kïtïpisot. Kinarekanyi ompö acha, wölo kikiletacha tagh kegh ngokï, kïrkegh kinarekanyi lö ne, wölo kikïtasacha tagh kegh tïkwïn cho ghach. Kïngeta otini le awïyay.

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

MATAYO 18:20

Ompöwölo ato tuyö pich odeny anta sömök ompö otö akonga ompö kaynatenyan omitan kwenungwa.”

MATAYO 28:20

anet chane kïrïp ngal tïkwïl cho kochikwokwa, ankïtï lö omitan nko akwa osis löwïr ntökuwonyö ngwïnya.”

KINONO KIRURUT 12:11

Atolapay opokwa nyu kïgh anka tïkwïl nyo komwowokwa ye wölo kakïl ECHOTYON Tororötïnkwa kesagha nyinte. Choni kï: amörostin cho kïpelöy nko amörostin walaka nko kareranpa taman nko ropöw nko amörostin cho kyowolwolchikwa ECHOTYON.

KINONO KIRURUT 12:21

Ato low ompö akwa wölo kakïl ECHOTYON Tororötïnkwa kesagha nyinte, ayeng nyu ompö kyakikwo cho kikonokwa ECHOTYON amakwa ompö kestonikwo le wölo komöktoy.

KINONO KIRURUT 12:5

Opetekwa wölo porwokwa ECHOTYON Tororötïngwo ompö ortïnekwa ompöwölo lïku atoni möngenyi, wölo opkonekwa osogho nyinte.

KINONO KIRURUT 14:23

Atolapay apa wölo kakïl ECHOTYON Tororötïnkwa kesagha nyinte ama wölini kareranpa taman cho pö paghekwa nko dipay* nko mwaghpa arol nko twatan pö kyakikwa. Oghekwa lenyoni atonkïtunö okonyïtö ECHOTYON Tororötïngwo kïtenö osis.

KINONO KIRURUT 16:11

Ngörökyinö nyu ECHOTYON Tororötïngu, nyi nko moneku nko mötworiku löwïr nko pipö Lawi nko ton nko panan nko mïsïk cho mi kanastineku. Igh lenyoni ompö wolini kakïl ECHOTYON kesagha nyinte.

KINONO KIRURUT 26:2

kïmïchini kwipö köröp chi anka tïkwïl ompö akwa poretayi tïkwïn cho ilo koronini kutang wölo kakïl ECHOTYON Tororötïnkwa kesagha.

KINONO KIRURUT 7:13

Kichamakwa akusoyönokwa akïtas yiyenkwa akusoyön parenikwa atonyorunö pagh nko dipay* nko mwowöyi arol, akïtas kyakikwa, ompö kor nyo kiyomisyï papotïnecho lö okonokwa.

1 TIMOTEO 2:8

Omökan ompö wop anka tïkwïl, kisagh mïrön cho kikïkonï kegh ompö Echotyon kïsyolöy ewunekwa akï cho puryö nörekyö anta kimölöto kegh.