24 akunan mumenyi nyo kyam nko Apraam nko Isak nko Yakopo.
Kilenchï ECHOTYON Apram, “Inkïtï nyo pö nyoman lö lïku moneku to ompö koro pich walaka, pöghisyechini chane ompö nyarïl piko korononi akïlïku sekey ompö wöloni könyis 400.
Iyiyenyi monïng nyo le weri aikuronyi kaynenyi Ismael, ompöwölo kilïm ECHOTYON lokeko nyarïltangu.
“Okïninionan mumenyan nko nyi nko moneku cho rïpunyi nko pïnwöyikwa, tökïlïkwï muma nyo pö kokay, nyo poru lö olïkunan Tororötïngu alïkwan Tororöt pö moneku cho rïpunyi kokay.
Akwanyï lïku nyinte pipö punton akonga nyo wow nyo awes akeperuröy pipö punton cho pö ngwïny kïmïkul ompö nyinte.
kïlenchï, “Lentöy ECHOTYON, kaman muma ompö kaynenyan ante kegh lö, ompöwölo keghanyi lenyoni amelö keghetenaninyi werïngu nyini le akonga,
Kungwïnchï ECHOTYON Isak akïlenchï, “Mewö ngat iröytö Misri, wölo töpenönyi korononi opörunyi.
Kungwïnchï ECHOTYON oghononi akïlenchï, “Ochan Tororöt pö papongu Apraam. Mewöghisyö ompöwölo omitan nko nyi, operurinyi, tösunyi piko yiyengu kïchangit ompö paraku mötworintenyan Apraam.”
Ilïkunenyi ton ompö korononi, totöpan nko nyi asoyöninyi. Ompöwölo okoninyi tönön piko yiyengu koroswechete löwïr, achïchiman mumenyu nyo kyomwochan papongu Apraam.
Atolapay kïlenchï chichay, “Melö tökekureninyi ye Yakopo, wölo Israel, ompöwölo keporyenyi nko Tororöt nko pich airïntonenyi.”
Atolapay kïlenchï Tororöt, “Ochan Tororöt Kimuktoghin, isïch monïng cho chang. Pkono nyi pich cho le pipö kor akonga akïpkono nyi chongïn pö pipö koros akïpkono portöngu pöytoghï.
Okoninyi kor nyo kyoyomisyan Apraam nko Isak, töninan moneku tïkwïl cho tökïpïnï.”
Kunan Tororöt Noa nko tyonkïn lapay cho kimi meli nko nyinte. Kïlenyona, kwigh Tororöt yomöt kïkut pöghechay.
wölo kusyonchï ECHOTYON chane. Melö kipïsyï pipö Sirya kïpar chane, kingarak chane ompöwölo kyam muma* nko Apraam nko Isak nko Yakopo. Melö mököy nyinte kïpïstö pikachi kewany anta wutyeghö chane.
Melowitï nko ani ato itwanïn nyarïl! Ikap yitïngu ompö ani, aimölyöngwï lawel otini kokursyan.
Atökïlïm kiwongunöto pich cho rötote, akutyak chane cho kökikerwokyï meghat.
Ompöwölo kinan ngölyontenyi nyo tïlil nyo kimwochï mötworintenyi Apraam.
Kunan muma* nyo kyam nko chane, kusyonchï chane kïrïp kegh nko chomnyenyi nyo wow nyo möwöghokonye.
Kimölyöngwaninyi atakinye kyarirunyi, kichïchïmanyi ompö owesyengu.
Melö sösöy nyinte mey anta tagh kusyonchï ompö kiwongunötengwa, melö pörtoy wölona ompö chane, wölo ngöroköy ato rirchï nyinte.
Kirirchinyi chane akesörï. Kighaninyi amelö kinyorï arasï.
Tera loko pich rötote aisörï ompö owesyengu pich cho kikerwokyï kïmeghö.
Kyalïman loko monïngo Israel cho mi koro Misri le sekey, ananan mumenyan.
akï otini kikïlokyicha ECHOTYON, kïlïm lokecha akuyokï malaykayan nyo kimïtunenecha koro Misri, kïmicha ye nyu Kades kanasyan nyo mi rotyengu.
Kasïwan nyoman nyarïlpa piköchan cho mi Misri. Kyalïman riratengwa, nka nyï korökwan atosörï chane. Nyone nyu ayontinyi wïyö Misri.’
Akwompö osis lapay cho kitö ECHOTYON Israel kirwokin, kungarak nyinte kirwokintononi atö kïsörunö chane pungkökwa ompö osis lapay cho kisöpöy kirwokintononi, ompöwölo kisyonchï ECHOTYON chane otini kiriryö ompö pich cho kichop kong akïpïr chane.
“Atotenö ye asïyech, oyokunyi chi nyo ngwïno koro Penchamen, iyil nyinte atökïpayta piköchan pö Israel. Söruno nyinte chane mori pipö Pilisti, ompöwölo kasïwan kichopat nyo tïng piköchan, akikwitï lokekwa wölo omitan.”
