WUWÖT 2:23 - PIPÏLIA

²³ Nyini kiwer osiswö cho chang kïma pöytoghintonay pö Misri. Kïsïch ngwonïn pipö Israel ompö mötwornönengwa akïlokyö kïmach kingörokut, kïlïm Tororöt lokekwa

WUWÖT 2:23 ပူးပေါင်းရင်းမြစ်များ

TOWUNÖT 16:11

Iyiyenyi monïng nyo le weri aikuronyi kaynenyi Ismael, ompöwölo kilïm ECHOTYON lokeko nyarïltangu.

TOWUNÖT 4:10

Kïlenchï ECHOTYON, “Ne nyini keghanyi nya? Rirchinanïn kisönko werïnkwa cho mi nyïngwïny.

NEEMIA 9:9

“Kisïwenyi nyarïlpa papotïnecha ompö Misri, aiterchinyi chane lokekwa ompö Nanam nyo Pïrir.

AYUPU 35:9

“Riryot pich ato kïghapghap tya yöroy kong chane kingörokut, ompöwölo kecho kong pich cho owesöch.

TUMWÖY 102:1

Iterwante saghatenyu, we ECHOTYON, nya kwitï riratenyan wölo imitenyi.

TUMWÖY 102:2

Melowitï nko ani ato itwanïn nyarïl! Ikap yitïngu ompö ani, aimölyöngwï lawel otini kokursyan.

TUMWÖY 12:5

Wölo kïlö ECHOTYON, “Ongetan ompöwölo kakirey chopot akechop kong mey, atönan ato tïghume ato kekönöy chane.”

TUMWÖY 18:6

Okurön ECHOTYON ompö nyarïltanyan, orirchan Tororötïnyan kungarakanïn. Kïlïm nyinte kutinyan ompö Konyi, kit lokechan yitichi.

WUWÖT 1:14

Akwigh otöptöngwa kïngwanit ompö ighisyö nyo awes nyo pö teksyö nko ighisyö anka tïkwïl nyo kimi paren. Melö kisyonchï chi chane.

WUWÖT 4:19

Kïlenchï ECHOTYON Musa ompö Midyan, “Mïlena koro Misri, ompöwölo kimeghö pïchay lapay kimököy kïpörinyi.”

WUWÖT 6:5

Kyalïman loko monïngo Israel cho mi koro Misri le sekey, ananan mumenyan.

WUWÖT 6:9

Kïngölonchï Musa pipö Israel, wölo kimöterchïcha Musa, ompöwölo kitïng ngwonïn ompö mïkuliskökwa nyo pö sekeynönengwa.

WUWÖT 7:7

Kitïng Musa könyis 80, kïtïng Aron könyis 83 otini kingölonöy nko Parao.

ISAYA 19:20

cho poru söwintön lö mito ECHOTYON Kimuktoghin koro Misri. Ato rirchï ECHOTYON ompö korononi cho kakichop kong, kïyonchï nyu chi chane nyo ghetöy.

ISAYA 5:7

Israel nyo le para ECHOTYON Kimuktoghin, akï pipö Yuda cho le keti sapipun cho kikatkat nyinte Kikönöy lö ighöy chane nyo karam, wölo kïmïltegha kisön pungkökwa, akwigh kungeyö kïyöröy keghchï man.

KIYITUT 20:16

akï otini kikïlokyicha ECHOTYON, kïlïm lokecha akuyokï malaykayan nyo kimïtunenecha koro Misri, kïmicha ye nyu Kades kanasyan nyo mi rotyengu.

IGHISYEWUT 7:30

“Kïkany kuwer könyiswö cho le tömönut angwan kuchumchï malaykayan Musa ompö lyopöt nyo kinögho sïkwïr ompö sïrkwen nyo lekïto kutïng pö Sinay.

KINONO KIRURUT 24:15

Oghokyï asisoni chi nyo keghwokwa ighisyö kïgh nyo kochomnyechikwa lö pö asis akonga. Ompöwölo meywon nyinte akömi kïtigho kegh ropïyenichi, atömötöp ntökïrirchï ECHOTYON kïlïkwï nyu ngokï ompö akwa.

YAKOPO 5:4

Tomönye oghokyinökwa pich ropïyenikwa cho ngorwokwa paren ropïyenikwa chanya kyataghekwa ompö lïs. Atere köny lokekwa! Kikwit rirata pïchoni kikas paghekwa yiti Echotyon Tororöt kimuytoghin.

KIRWOKÏ 4:3

Kitïng Sisera nkaritin cho pö karïn cho le 900, akökikunyaril pipö Israel ompö könyis tömönut odeny. Kïlenyona kïrirchï pipö Israel ECHOTYON.

1 SAMWEL 12:8

Otini kiwö Yakopo Misri akïpïr pipö Misri chane, kïlokyï papotïnekwa ECHOTYON, kuyoktö ECHOTYON Musa nko Aron kumïtuna chane Misri akutö kïmang koronï.

1 SAMWEL 9:16

“Atotenö ye asïyech, oyokunyi chi nyo ngwïno koro Penchamen, iyil nyinte atökïpayta piköchan pö Israel. Söruno nyinte chane mori pipö Pilisti, ompöwölo kasïwan kichopat nyo tïng piköchan, akikwitï lokekwa wölo omitan.”