WUWÖT 19:6 - PIPÏLIA

⁶ pich cho kikengot kïpöghisyeghwanïn akï pipö punton akonga cho tïlilöch.’ Imwochinenyi pipö Israel ngalechï.”

WUWÖT 19:6 ပူးပေါင်းရင်းမြစ်များ

1 PÖYTOGHÏ 3:8

Omitan ye kwenu pich cho kikïlanyi kïlïkwï piköku kegh, pich cho chang nyoman, amelö mi chi nyo muköy ntökuyit chane.

1 PÖYTOGHÏ 8:53

Nyi nyo kikïla chane pipö ngwïny kïmïkul kïlïkwï mïlanköku lenyini kimwochinyi chane ompö kuti mötworintengu Musa, otini kimïtunenyi papotïnecha koro Misri, we Echotyon TORORÖT.”

1 OTÖPTINO OSIS 17:22

Keghanyi Israel kïlïkwï piköku kokay ailïkunyi ECHOTYON Tororötïngwa.

TUMWÖY 114:2

kïlïkwï Yuda pipö ECHOTYON cho tïlilöch, kïlïkwï Israel möngenyi wölo pöytegho.

WUWÖT 15:26

Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

WUWÖT 22:31

“Olïkukwa piköchan kegh. Kïlenyona mam peny nyo pö kïgh nyo kam tyompö wuw, owirchï kukïdin.

WUWÖT 28:36

“Itang aparparatpa koltin cho pïchighöch aikir parakunyi lö, ‘Nyo Tïlil ompö ECHOTYON.’

ISAYA 43:4

Oghan pipö punton löwïr kïsöru söponwekwa ompöwölo ochikwa pïchighöch tya ompö ani nko ompöwölo ochömokwa, akonokwa konyït.

ISAYA 61:6

Kïkurenokwa nyu, “Tïsi ECHOTYON,” akekurokwa lö, “Mötwori Tororötïncha.” Omekwa sïkönöto pipö koros akwolökwa kegh sïkönötengwa.

ISAYA 62:12

Kïkurenokwa, “Pipö Tororöt cho tïlilöch,” akekuronokwa, “Pich cho kösörï ECHOTYON.” Kïkuro Yerusalem, “Kanasyan nyo kacham Tororöt,” akekuro, “Kanasyan nyo melö kipïstö Tororöt.”

ISAYA 66:21

Oghan walaka ompö chane kïlïku tïsï kïlïkwï walaka pipö Lawi.

YEREMIA 13:11

Kïle wölo nömöy chi mu ananka nyo kïkörmönöy, kyomökan kïnömanïn lenyoni pipö Israel nko Yuda. Kyaghan lenyoni tökïlïkwï chane piköchan cho ipkanïn salat nko ororyö, wölo melö kïterwanïn.” Mwoghöy ECHOTYON.

YEREMIA 2:3

Kichinyi atoni, we Israel nyo tïlil ompö tawunyan, kilatenyi paghechan cho tagh cho pö ilö. Kilel anka tïkwïl nyo kiswanginyi akïnyorï nyarïl nyo wow.” Mwoghöy ECHOTYON.

YEREMIA 7:23

Wölo kyomwochan chane lö, ‘Atera kutinyan talïkwan Tororötïnkwa, alïkukwa piköchan, arïp ngalechï löwïr omwowokwa atonyorunö pöghisyö nyo karam.’

LAWIN 19:2

“Mwochinö pipö Israel lö otïlilitunö, ompöwölo ochan tïlil ECHOTYON Tororötïnkwa.

LAWIN 20:24

Wölo komwowokwa lö, ‘Omïtekwa kor nyo okonokwa kïlïkwï nyinkwa, kor nyo chang chö akï wow kumata,’ ompöwölo ochan ECHOTYON Tororötïnkwa nyo kyaghakwa asisituna nko pich walaka.

LAWIN 20:26

Alïkuna cho tïlilöch ompö ani, ompöwölo ani ECHOTYON, ochan tïlil. Ani nyo kyangotokwa asisituna nko pich walaka atalïkuna chichan.

LAWIN 21:23

wölo mörikönye anankanay tïlil anta pusta ato kïpelo amöros, tömesïmnyon atay tïlil, ompöwölo ochan ECHOTYON nyo otïlilan chane.”

AMOS 3:2

“Ochikwa pich opïn ompö punton löwïr ompö ngwïny cho onkïtön. Kïlenyona omungokwa ompö ngokikwa löwïr.”

AKAY 2:5

kïrïp kegh nko wölo kyoyomiswokwa atanya kyamïtunekwa koro Misri. Kïlenyona, mi mïkulöwunyan nko akwa, nyo mowöghisyö nyonikïny.

KIYITUT 16:3

Kipka löwïr tawu Musa nko Aron akïlenchï chane, “Kapekwa tya! Pö pïchï löwïr ECHOTYON, akï mi ECHOTYON nko acha löwïr. Ompö ne nyu tosïtökwa kegh parak ompö pïchï pö ECHOTYON löwïr?”

RUMI 12:1

Kïlenyona, tupchenichu, ompöwölo wow nyoman kisyonöto Tororöt, osomokwa ompö mïkulöwunyu kïmïkul lö, otötenö porwöyikwo kïlïkwï tïsöwon nyo satate ompö Tororöt, tïsöwon nyo tïlil akï nyo ngörokini nyinte. Arenkwa nyoni nyo tenate nyo pö saghat.

1 KORINTO 3:17

Ato nyar nyu chi anka tïkwïl Kö pö Tororöt, kunyoröy Tororöt nyinte akï akwa köyoni.

KINONO KIRURUT 14:21

“Mam tyony nyo kama onkït. Omukekwa otönö ton nyo mi kestonikwa atökïnyorï kïgh nyo omöy anta olchï pipö punton walaka, ompöwölo ochikwa pich cho tïlilöch ompö ECHOTYON Tororötïnkwa. “Maghogha wawa cheko kame.

KINONO KIRURUT 26:19

Atökutoteghenokwa nyinte kïtïl puntoni walaka löwïr cho kigh nyinte ompö salat nko ororyö akïsïch konyït. Atalïkuna pich cho tïlilöch ompö ECHOTYON Tororötïngwo kïrïp kegh nko kiyomisötenyi.”

KINONO KIRURUT 28:9

“Ato oripökwa kirurut pö ECHOTYON Tororötïnkwa, kwighwekwa nyinte alïkuna pikachi cho ngotot ompö nyinte lenyini kiyomis.

KINONO KIRURUT 7:6

Agha lenyoni ompöwölo ochikwa pich cho tïlilöch ompö ECHOTYON Tororötïngwo. Kakïngotokwa nyinte alïkuna pikachi kegh, ompö kwenu puntoni walaka löwïr ompö ngwïny.

1 TESALONIKE 5:27

Omwowokwa ngat ompö kaynata Echotyon lö osomönchinö chaman löwïr palalyantanï.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

NGONGUT 1:6

akwighecha kelïkuna tïsï cho pöghisyechini Paponyi Tororöt. Nya nyu kïpöyit ororyö Yeso Kristo nko owesyö, kokay nko kokay! Amen.

NGONGUT 20:6

Soyönote kïtya chi nyo nyoru kitutunötononi pö tagh kikïkonï kegh chichoni ompö pöghisyo Tororöt mökwidonye kïgh pich cho le choni meghat nyo pö odeny. Lïku chane tïsi Tororöt nko cho pö Kristo akïpöytoy nko nyinte könyis elpu akonga.

NGONGUT 5:10

Keghanyi chane kilïkwï pipö pöyunöt nko tïsï cho pöghisyechini Tororötïncha, akïpayta ngwïny.”