WUWÖT 19:5 - PIPÏLIA

⁵ Ato okonyïtanïkwa lasiny arip mumenyan. Olïkukwa piköcha kegh kïtïl pipö punton löwïr, kïrkegh kö nyinyan ngwïnya kïmïkul,

WUWÖT 19:5 ပူးပေါင်းရင်းမြစ်များ

TOWUNÖT 17:9

Atolapay kïlenchï Tororöt Apraam, “Parakungu tïkwïl ripö mumenyan, nyinte kegh nko moneku cho rïpunyi nko pïnwöyikwa lapay.

1 PÖYTOGHÏ 8:53

Nyi nyo kikïla chane pipö ngwïny kïmïkul kïlïkwï mïlanköku lenyini kimwochinyi chane ompö kuti mötworintengu Musa, otini kimïtunenyi papotïnecha koro Misri, we Echotyon TORORÖT.”

1 OTÖPTINO OSIS 17:22

Keghanyi Israel kïlïkwï piköku kokay ailïkunyi ECHOTYON Tororötïngwa.

AYUPU 41:11

Ngo nyo kinya kïkonanïn kïgh toghokyan nyinte? Nyinyan kïgh anka tïkwïl nyo mi ngwïny kïmïkul.

AYUPU 41:3

Soghinyi nyinte kïnyïl cho chang? Anta ngölonunyi ngal cho tölose?

TUMWÖY 135:4

Kikïlchï kegh ECHOTYON Yakopo, kilïkwï pipö Israel mïlatenyi.

TUMWÖY 24:1

Pö ECHOTYON ngwïnya nko kïgh anka tïkwïl nyo mi orinyi, nyenyi ngwïnya nko löwïr cho möngöy ori.

TUMWÖY 25:10

Chomnyo kokay kï ortïna ECHOTYON cho twoytoy kegh pich cho rïpöy mumenyi nko kirurutkachi.

WUWÖT 15:26

Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

WUWÖT 23:22

Ato aterakwa lasiny cho mwoghöy, aghakwa cho omwoghan, olïkunan punyon ompö pungkökwa areyan chona reyokwa.

WUWÖT 24:7

Atolapay kïcheng kitapu muma akusomönchï pich. Kuyokwï pich lö, “Kighecha kïgh anka tïkwïl nyo kamwa ECHOTYON akekonyït.”

WUWÖT 34:9

lö, “Ato kechamanyi kïgh nyo kaghan, we Echotyon, osoghinyi lö, wïyö nko acha, kïrökegh kö pich cho oghïghe mötöwöy ailöstewecha ghöyityenyo nko ngokicho aichengecha kelïkuna piköku kegh.”

WUWÖT 6:7

Oghekwa alïkuna piköchan alïkwan Tororötïnkwa, tonkïtunökwa lö ochan ECHOTYON Tororötïnkwa nyo kyamïtunenekwa sekeynön ompö koro Misri.

WUWÖT 8:22

Wölo opïstenan koro Kosyen asisoni wölo möngöy piköchan, atömetïta sosogh wölini. Atenkïtunö lö ochan ECHOTYON nyo omitan nko pikachu.

WUWÖT 9:29

Kïlenchï Musa nyinte, “Otini katan kanasyantanï oghïtan ewunyan kutang wölo mi ECHOTYON. Wonyot nyu kighumötonï nko takarïschï, atenkïtunö lö pö ECHOTYON ngwïnya.

TUM PÖ TUMWÖY 8:12

Nyinyan pareto sapipunechan, nyinyante kegh parenyan nyo pö sapipun, wölo nyi, we Solomon, töpenönyi nko ropïyeniku cho le elpu akonga, kudong atoni ripi akwa chikwa cho le pokolay odeny.

ISAYA 1:19

Omekwa tïkwïn cho karamach cho pkono korononi ato arïpakwa kïnye ngalechan.

ISAYA 41:8

“Wölo akwa pipö Israel, cho ochï mötworichan, ochikwa pich cho kyakïlakwa, ochikwa pipö ara Apraam, mötworintenyan.

ISAYA 43:1

Kangalan ECHOTYON, nyinte nyo kighinyi we Israel lö, “Mewöghisyö, osörunyi. Kokurinyi ompö kaynengu, ichinyi nyinyan.

ISAYA 56:4

Lenchini ECHOTYON chi nyo lata nyoni, “Ato ikonyïtaninyi otini mesïmnyonönyinye asispa Sapato, aighanyi tïkwïn cho ochöman ompö kighanat, aikaman mumenyan,

YEREMIA 10:16

Wölo melö karkegh tïkuchoni nko Tororöt pö Yakopo, ompöwölo nyinte nyo kigh tïkwïn löwïr, akïkïl pipö Israel kïlïkwï chechi. Kïkuro kaynenyi ECHOTYON Kimuktoghin.

YEREMIA 13:11

Kïle wölo nömöy chi mu ananka nyo kïkörmönöy, kyomökan kïnömanïn lenyoni pipö Israel nko Yuda. Kyaghan lenyoni tökïlïkwï chane piköchan cho ipkanïn salat nko ororyö, wölo melö kïterwanïn.” Mwoghöy ECHOTYON.

YEREMIA 7:23

Wölo kyomwochan chane lö, ‘Atera kutinyan talïkwan Tororötïnkwa, alïkukwa piköchan, arïp ngalechï löwïr omwowokwa atonyorunö pöghisyö nyo karam.’

ESEKEL 16:8

“ ‘Otini kyaweratinyi ngat, asïwan lö kömïchï kepinyi. Oyenan chïrutyengu kotinyan, ayomisön opinyi. Aman muma* nyo pö kensyö nko nyi, ilïkunyi nyinyan. Mwoghöy Echotyon TORORÖT.

LAWIN 20:24

Wölo komwowokwa lö, ‘Omïtekwa kor nyo okonokwa kïlïkwï nyinkwa, kor nyo chang chö akï wow kumata,’ ompöwölo ochan ECHOTYON Tororötïnkwa nyo kyaghakwa asisituna nko pich walaka.

AMOS 3:2

“Ochikwa pich opïn ompö punton löwïr ompö ngwïny cho onkïtön. Kïlenyona omungokwa ompö ngokikwa löwïr.”

AMOS 6:1

Heywey akwa cho kyakalyan ompö Sayon* nko pich lentöy kikïlalyan ompö kutïng pö Samaria. Akwa pipö Israel cho echön cho sorokwa pich.

MALAKI 3:17

Mwoghöy nyu ECHOTYON Kimuktoghin lö, “Lïku chane piköchan. Lïku pich cho kokïlchan kegh ompö asisoni kamwaghan lö owetöy oghöy kïgh. Osyonchinan chane le wölo syonchini papo werïnyi nyo pöghisyechini nyinte.

1 KORINTO 10:26

ompöwölo lentöy Kikirut, “Pö Echotyon ngwïnyï nko kïgh anka tïkwïl nyo mi orinyi.”

1 KORINTO 10:28

Wölo ato lenchokwa chi, “Kakïropchï omisyonete körkeyïntin,” mam nyu omisyononi akwompö chichoni kikwowokwa lenyoni nko choghïn nyo karam.

KINONO KIRURUT 10:14

Pö ECHOTYON yïmwöy nko ngwïny nko tïkwïn löwïr cho mi ori.

KINONO KIRURUT 11:27

Lïku kisoyönöt ompö akwa ato arïpakwa kirurut pö ECHOTYON Tororötïngwo cho omwowokwa asete.

KINONO KIRURUT 14:2

Ochikwa pich cho tïlilöch ompö ECHOTYON Tororötïngwo cho kikïngotokwa nyinte akakïlakwa ECHOTYON alïkuna pikachi kegh ompö kwenu puntoni walaka löwïr ompö ngwïny.

KINONO KIRURUT 14:21

“Mam tyony nyo kama onkït. Omukekwa otönö ton nyo mi kestonikwa atökïnyorï kïgh nyo omöy anta olchï pipö punton walaka, ompöwölo ochikwa pich cho tïlilöch ompö ECHOTYON Tororötïnkwa. “Maghogha wawa cheko kame.

KINONO KIRURUT 26:18

Kachamakwa ECHOTYON asisete alïkuna pikachi kegh, kïle atakinye kiyomisokwa nyinte, akwanyï ye omisokwa nyinte oripö kirurutkachi löwïr.

KINONO KIRURUT 26:19

Atökutoteghenokwa nyinte kïtïl puntoni walaka löwïr cho kigh nyinte ompö salat nko ororyö akïsïch konyït. Atalïkuna pich cho tïlilöch ompö ECHOTYON Tororötïngwo kïrïp kegh nko kiyomisötenyi.”

KINONO KIRURUT 28:1

“Ato aterakwa ngala ECHOTYON Tororötïngwo arip kiyomisutkachi löwïr cho omwowokwa asisete, kutotewunokwa nyinte ompö pipö ngwïny kïmïkul.

KINONO KIRURUT 28:9

“Ato oripökwa kirurut pö ECHOTYON Tororötïnkwa, kwighwekwa nyinte alïkuna pikachi cho ngotot ompö nyinte lenyini kiyomis.

KINONO KIRURUT 4:20

Wölo kisörunenokwa ECHOTYON mapa karïn ompö koro Misri atalïkuna pikachi kegh otï le ye.

KINONO KIRURUT 5:2

Kyam ECHOTYON Tororötïncha muma* nko acha ompö kutïng pö Sinay.

KINONO KIRURUT 7:6

Agha lenyoni ompöwölo ochikwa pich cho tïlilöch ompö ECHOTYON Tororötïngwo. Kakïngotokwa nyinte alïkuna pikachi kegh, ompö kwenu puntoni walaka löwïr ompö ngwïny.

KINONO KIRURUT 9:29

Akwanyï piköku chane kegh, cho kimïtunenyi Misri ompö owesyengu nyo wow.’

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

EPRANIA 11:8

Kigh kighanata Apraam kïterchï Tororöt otini kikur kïwö kor nyo kiyomisyï Tororöt lö, töni nyinte. Kïwuwö nyinte korenyi akimenkïtnye wölini kiwetöy kutöngöy.

EPRANIA 8:9

Sisitu mumanoni nko nyay kyaman nko kukötïnekwa, osiswechanya kyamïtunan chane koro Misri. Ompöwölo melö kirïp chane mumenyan ompö kighanat, kïmelö kitökïyang nyu chane.

YOSWÖ 24:24

Kïlenchï pïchay Yoswö, “Kïpöghisyechinecha ECHOTYON Tororötïnyo aketerchï ngalechi.”

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 SAMWEL 15:22

Kïlö Samwel, “Kïgh ne nyo mököy ECHOTYON, konyït nya anta kitötogh nko amörostin? Ngwangwa kekonyït nyinte kïtïl ketö amöros pö kech nyo akwagh.