WUWÖT 18:8 - PIPÏLIA

⁸ Kïmwochï Musa kapikoyenyi ngal löwïr cho kighchï ECHOTYON Parao nko pipö Misri akwompö pipö Israel akïmwochï kömpölelut löwïr cho kinyorï ompö rutogh nko wölo kisörï chane ECHOTYON.

WUWÖT 18:8 ပူးပေါင်းရင်းမြစ်များ

TOWUNÖT 44:34

Ompöwölo owetan lö ne wölo mi paponyan ato melö mi werï nko ani? Ompöwölo owöghan kïgh nyo gha nyo igho ompö paponyan.”

NEEMIA 9:32

“Kïlenyona we Tororötïnyo nyo ichï wow, ichinyi awes, we Tororöt nyo kiwöghöy! Iripenyi mumengu nko chomnyengu nyo pö kokay. Melenchï kegh mïnkech kömpölelutchï kipkonchecha nko pöytoghicha nko kintöghoghicha nko tïsicha nko werkoyicha nko papotïnecha nko piköcha löwïr, kïngeta osiswo pöytoghi Asirya nko ye.

TUMWÖY 106:10

Kisörunö nyinte chane mori kireyikwa, akutyaka chane pungkökwa.

TUMWÖY 106:8

Wölo kïsörï chane kïrïp kegh nko kiyomisötenyi, atökuporï owesyenyi nyo wow.

TUMWÖY 107:2

Nya kïmwa lenyoni pich cho kisörï ECHOTYON, chane cho kisörunö nyinte nyarïl

TUMWÖY 66:16

Apkana atera, löwïr, akwa cho okonyïtöy Tororöt atomwowok tïkwïn cho kighwanïn.

TUMWÖY 81:7

Kyokuranïkwa ompö nyarïl osörwokwa. Kyongitönwokwa ompö tïlöt ompö wïngat. Kyatyamenokwa kori pöghoni Meripa.

WUWÖT 15:16

Köchïnchï chane nyarïl nko mïghö, kösisyö chane le muntïruch otini kisïwa owesyengu, we ECHOTYON, ntökïtenö kuwer piköku chay kisörunenyi sekeynön.

WUWÖT 15:6

“Awes ewungu nyo pö tagh, we ECHOTYON, purpuro ngwïny pungkachi.

WUWÖT 16:3

akïlenchï, “Kitö ngwangwa kïpörchecha ECHOTYON koro Misri. Otini kikïtöpisocha atolekïtö töreni pany akyam makatin ntökepïghyö, ompöwölo kemïtwechanyi kepkana surkwen atetïghenö pïchï löwïr kömöy.”

WUWÖT 18:1

Kilïm Yetro kapikoyo Musa, nyo kile tïsin ompö Midyan, ngal cho kighchï Tororöt Musa nko pipö Israel nko otini kimïtï chane kïngetunö Misri.

WUWÖT 2:25

Kuros Tororöt pipö Israel akïsïwa kömpölelyengwa.

WUWÖT 23:23

Ntöghoghwokwa malaykayantenyan ompö koro pipö Amori nko Ititi nko Peris nko Kanan nko Ipiti nko Yepusi, ayonan chane löwïr.

WUWÖT 4:23

amwowunyi lö, “Nya kïwö werïnyan kïpöghisyeghwanïn,” ato itaghenyi nyinte kïwö, opöran poretyengu nyo le weri.’ ”

WUWÖT 7:4

möterunyinye nyinte. Onyörilan kong pipö Misri amïtwan piköchan kïwuwunö koro Misri.

WUWÖT 7:5

Atökunkïtï nyu pipö Misri lö ochan ECHOTYON, otini kanyarilan kong pipö Misri amïtwan pipö Israel kïwuwunö korengwa.”

KIYITUT 20:14

Kïyonta Musa pich ompö Kades kïpa wölo mi pöytoghinto Edom, akïlenchï, “Chï kï werkökwa pipö Israel. Inkïtönyi kömpölelut cho kikïnyorucha,