WUWÖT 18:21 - PIPÏLIA

²¹ Kïla pich cho ngöghomöch ompö pïchï lapay, cho konyïtöy Tororöt akï cho kighönöy melö chengöy asoya, tönö chane kïlïkwï yetïntino pich 1,000 nko 100 nko 50 nko taman.

WUWÖT 18:21 ပူးပေါင်းရင်းမြစ်များ

TOWUNÖT 22:12

Kïlenchï malaykayantanay, “Meda kïgh montö anta ighchï kïgh anka tïkwïl nyo gha! Ompöwölo konkïtwan ye lö, ikonyïtenyi Tororöt, ompöwölo metaghenyinye werïngu nyini le akonga.”

TOWUNÖT 42:18

Ato mi asisto sömök kïlenchï Yosep chane, “Ompöwölo ochan chi nyo okonyïtöy Tororöt, agh ngölyontonï tosöpchenö.

TOWUNÖT 47:6

nyengu koro Misri, tönö chane wölo karam, nya kïmang okumpö Kosyen. Akwato inkïtönyi pich ompö chane cho ngöghomöch, itö kuyakwï twachan.”

2 SAMWEL 18:1

Kutuyö Daudi pikachi akïtat pich cho ghyongchini söpïchis pö 1,000 nko 100.

2 SAMWEL 23:3

Kangalan Tororöt pö Israel, kölenchanïn ghatya Israel, “Ato payta pöytoghintö pich ompö man, akïkonyïtöy Tororöt,

1 PÖYTOGHÏ 18:12

Ato töp Mïkulöwu Tororöt ntökungwïn akumïtinyi kore anka wölo monkïtönye otini koweghan tawungu? Kïkany ato olenchan Aap imitenyi yi, akutomï memitenyinye kïparanïn kïrkegh kowöghan Tororöt kïngeta otini kyochan mïnïng.

1 PÖYTOGHÏ 18:3

Kïlenyona kïkur Aap Opadia nyo kighyongchini kö pö pöytoghin. Kikonyïtöy Opadia ECHOTYON nyoman,

ESRA 7:25

“Akï nyi Esra, ompöwölo kikoninyi Tororötïngu ngöghomnyö, kïla muti ngal nko kirwokï cho muköy kïpayta pich löwïr ompö lalwa Yuparet okumpö ta cho nkït kirurut pö Tororöt, ato cho menkïtcha inet.

NEEMIA 5:9

Kïlenyona olenchan chane, “Melö karam kïyï kaghakwa, nyo kötö otïpïyokwa ompö techata Tororötïnyo atömömïnech pungköcho.

NEEMIA 7:2

Otönön werïncha Anani nko Anania nyo le wowïn pö lïk kughyongchï Yerusalem, ompöwölo kikonyïtöy Ananiya Tororöt kïtïl pikö walaka.

AYUPU 1:1

Kimi chi nyo kimöngöy kor Us nyo kikïkuro Ayupu. Ki chi nyo tenate akikonyïtöy Tororöt akilowito kegh ghöyityö.

AYUPU 29:16

Kyochan papo ompö mey angarakan chi nyo kimonkïtönye ompö kirwok.

AYUPU 31:13

“Kïkany ato moghchinanye mötworichan man, ato kyolelchan chane,

TUMWÖY 15:1

Ekï ngo nya, ECHOTYON, nyo mïchini kïtöpö kongu? Akï ngo nyo muköy kïmang kutïngtöngu nyo tïlil?

TUMWÖY 15:5

nyo pösöntoy ropïyenichi amelö ghoköy tösunön amöchömönye keropöy ato söwintönchini chi nyo puryö lelut. Chi anka tïkwïl nyo ighöy choni, kïmi ato tïghume kokay. Tum pö Daudi.

WUWÖT 17:9

Kïlenchï Musa Yoswö, “Kïla mïrön cho pö okuntönyo kïpa kïporyeghö pipö Amalek. Oghyongenan asïyech kutïng parak nko lïpö Tororöt nyo mi ewunechan.”

WUWÖT 18:25

Kïkïl pich cho ngöghomöch ompö Israel akutö kïlïkwï kintöghoghi pich 1,000 nko 100 nko 50 nko taman.

NGÖTÏNYÖ 28:2

Ato wïr korö, kïwöghökonöy kegh pöytoghï kïchangit, wölo chïchïmöy koro akulet tagh, ompö kintöghoghï cho tïng pköchin nko chïreryö.

OMTOGHIN 12:13

Ompö ngalechoni löwïr kelïmanyi, mi kïgh akonga nyo köngötï: Awagha Tororöt, anam kirurutkachi, ompöwölo nyoni nyo le kerötenyi kwighöy ptangengmöt.

ISAYA 16:5

Atolapay nyu kegh chi akonga nyo pö ara Daudi kïlïkwï pöytoghin, atökïpayta pich ompö man nko chomnyogh. Ighöy nyinte kïgh nyo pö man lawel, akïsïwa lö kegha ngölyonto man.)

ISAYA 33:15

Ingötunenyi ato imwaghanyi ngaleku, aigh cho pö man. Mepöghisyeghö owesyengu ipïr pich cho le mey, amekany keropïn. Megh ghömïchö nko pich cho tötöy rïmö anta cho ighöy tïkwïn walaka cho ghach.

ISAYA 59:4

Möminye chi nyo ghoköy kïgh ompö man ato mi ka kirwok anta söwintönchï man. Kopöghisyekwa putintön tolotisyenö ompö ka kirwok. Oghekwa tötut cho wököy pikö walaka.

YEREMIA 5:1

Ongisngise kanasyanta Yerusalem, okïtö atosöwunö akwane! Okïtö ompö wölo kyoltegho tïkwïn. Einyorunyi chi ompö akonga nyo ighöy man, nyo möchömönye putintönï? Kwato rumu, olöstoghchinan Yerusalem ngokichi.

ESEKEL 18:8

Chi nyo melö omöy tïpö mïrwos akïrip kegh megh ghöyityö wölo kwigh man ompö pich löwïr.

ESEKEL 22:12

Chengöy pich ompö nyi asoya tökïmïlta kisön, ghoköy walaka yiyöwo ropïyen cho kemangta lö tökesïkönonö, akyowutyeghanïkwa. Mwoghöy Echotyon TORORÖT.

SAKARIA 7:9

“Lentöy ECHOTYON Kimuktoghin, omutyinö pich ngala man. Oghchinö kegh akwane nyo karam, asyonchï kegh.

SAKARIA 8:16

“Achï tïkwïn cho mïchini agha, angalana man amutyï pich kalya.

KIYITUT 1:4

Ichengenyi kirwokin akonga ompö or anka tïkwïl.

KIYITUT 10:4

Wölo ato kïkut akonga kïtuyechini wölo imitenyi kintöghoghi ortïna Israel.

LUKA 18:2

Kïlö, “Kimi mutinto ngal ompö kanasyan akonga nyo kimewöghönye Tororöt anta konyït pich.

LUKA 18:4

Ompö osis cho te kimöterchïnye kokonay. Wölo ato mi löt kunonchï kegh lö, ‘Kïrkegh kömowöghanye Tororöt amoyonganye pich,

IGHISYEWUT 20:33

Kimopïrchanye ropïyeni pikö walaka anta koltin, anta sïro.

IGHISYEWUT 6:3

Kïlenyona tupchenichu, akïla ompö kwenunkwa pich mut nko odeny cho kinkït lö ghönote, akï nyïghitote Mïkulögh nyo Tïlil nko ngöghomnyö atöketönö chane kughyongchï pöghisyonï.

KINONO KIRURUT 22:18

Nömöy nyu poyichoni pö kanasyan chichoni akïmuny.

1 TIMOTEO 3:3

chi nyo melö ptamasyan anta poryeghin wölo nyo talase akï chi pö kalya, chi nyo melö chömo kegh ropïyen.

YOSWÖ 22:14

nko kirwokot taman. Kingwïna anka tïkwïl ortïna pipö Israel nyo ki wowö kori ortïnekwa.

1 SAMWEL 8:12

Kïlöy walaka kïlïkwï yetïntino pich 1,000 nko yetïntino pich tömönut mut nko walaka cho ngorsïyi nko cho le ilï nko cho tongöy kari poryot nko kari nkarinechi.

1 SAMWEL 8:3

Kimarïpcha werkachi körkeyïntanyi, wölo kipïrchï ropïyen akïcheng asoya amökurwokcha ompö man.