WUWÖT 17:7 - PIPÏLIA

⁷ Kïkurö atoni Masa nko Meripa, ompöwölo kingwïrngwïronchö pipö Israel akïtyam ECHOTYON lö, “Ekïmito ECHOTYON nko acha nya anta ewo.”

WUWÖT 17:7 ပူးပေါင်းရင်းမြစ်များ

TUMWÖY 106:32

Kigh pïchoni Tororöt kïnarek ompö kö pö pögh nyo pö Meripa ntökususö kegh Musa chane.

TUMWÖY 78:18

Akïtyam Tororöt kunkït otini kitep nyinte kutö chane omisyö nyo kïropchini.

TUMWÖY 81:7

Kyokuranïkwa ompö nyarïl osörwokwa. Kyongitönwokwa ompö tïlöt ompö wïngat. Kyatyamenokwa kori pöghoni Meripa.

TUMWÖY 81:8

Atera, we pikachu, orurokwa, ntökolïmekwa ngalechan, we pipö Israel!

TUMWÖY 95:8

“Makany kwoghïghitu mötöwekwo le cho pö papotïnekwo ompö Meripa, le wölo kilïkwï chane asisoni ompö surkwen pö Masa!

WUWÖT 17:2

Kïsyal nko Musa akïlenchï, “Konecha pögh keghegha.” Kïlenchï Musa, “Ompö ne tongwïrngwïronchanïkwa? Akwompö ne totyömekwa ECHOTYON?”

WUWÖT 34:9

lö, “Ato kechamanyi kïgh nyo kaghan, we Echotyon, osoghinyi lö, wïyö nko acha, kïrökegh kö pich cho oghïghe mötöwöy ailöstewecha ghöyityenyo nko ngokicho aichengecha kelïkuna piköku kegh.”

ISAYA 12:6

Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”

MIKA 3:11

Rwoko pöytoghichï kanasyanta asoya, netisïyi tïsï töketö ropïyen. Akingorsyö werkoyikwa tökïnyorï ropïyen akwanyï mwoghöy lö kitwoytoy kegh ECHOTYON kïlentöy “Melö mi so ECHOTYON nko acha? Nyo melö mi ghöyityö nyo nyorwecha.”

KIYITUT 14:22

möminye chi ompö akong ompö pïchï kikïsïwa ororyenyan nko töngönchintin cho kyaghan ompö Misri nko ompö surkwen, wölo kikïtyamanïn chane kïnyïl taman akïtagh kïterwanïn.

KIYITUT 20:13

Kighisyö choni ompö pögho Meripa, wölay kingwïrngwïronchineghö pipö Israel ECHOTYON, akuporchï ECHOTYON chane tïlilyenyi.

KIYITUT 20:24

“Metönye Aron kor nyo kyoyomisön lö otönan pipö Israel, meghöy nyinte ompöwölo kyapenyakwa ngölyontenyan ompö pögho Meripa.

KIYITUT 27:14

ompöwölo kyotighintönchikwa kwodeny ngölyontenyan ompö surkwen pö Sin, atay kingwïrngwïrönchanïn pipö Israel löwïr ompö Meripa, ataghakwa apartena ororyenyan nyo tïlil ompö tawungwa.” Merïpa kï kö pö pögh nyo mi Kades ompö surkwen pö Sin.

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

KINONO KIRURUT 31:17

Onörekyinan chane tya asisoni apïstan awïnyan kegh chane atökewany. Nyoru chane nyörilwok cho pö otyogh, akutupï nyarïl kong, ato mi löt kïlö, ‘Ketwecha tïkuchï ghach löwïr, ompöwölo kakïpïstecha ECHOTYON.’

KINONO KIRURUT 33:8

Akïmwa paraku pipö ara Lawi lö, “We ECHOTYON, iporï machatengu ompö Tumim nko Urim kuwerï mötworiku pipö Lawi cho ghönote. Kityamanyi chane ompö Masa aiporunyi kegh ompö pögho Meripa lö pö chane man.

KINONO KIRURUT 6:16

“Matyam ECHOTYON Tororötïngwo, le atanya kyatyamekwa ompö Masa.

KINONO KIRURUT 9:22

“Aghakwa ngat ECHOTYON kïnarek ompö Tapera nko Masa nko Kiprot Atapa.

YOSWÖ 22:31

Atolapay kïlenchï Pineas wero Eleasar tïsin pipö ara Rupen nko Kad nko kareranpa Manase, “Kakinkïtucha ye nyu lö mi ECHOTYON kwenuncha, ompöwölo moghchikwanye kïgh nyo gha nyinte, anyï ye kosörunekwa ye nyu pipö Israel sito ECHOTYON.”