WUWÖT 16:3 - PIPÏLIA

³ akïlenchï, “Kitö ngwangwa kïpörchecha ECHOTYON koro Misri. Otini kikïtöpisocha atolekïtö töreni pany akyam makatin ntökepïghyö, ompöwölo kemïtwechanyi kepkana surkwen atetïghenö pïchï löwïr kömöy.”

WUWÖT 16:3 ပူးပေါင်းရင်းမြစ်များ

2 SAMWEL 18:33

Kïnyorï Daudi nyarïl nyo wow. Kïwö kutang kö wölo le parak akïlok, otini kiwetöy kïlö, “Heywey, werïnyu Apsolom, werïnyu Apsolom! Kötö ngwangwa ameghan nyo le ani kïtïl nyi! Werïnyu Apsolom.”

AYUPU 3:1

Sörömunyi kutor Ayupu kïngalan, kïchïp asisini kikïyï.

AYUPU 3:10

Nya kïchïpö oghononi kicham kesïkanïn, ntökwanyï kasïwan kömpölelyö nko nyarïl.

AYUPU 3:20

“Ompö ne töketöni löpoyïn pich cho mi nyarïl? Akwompö ne töketö söpon pich cho tïng ngwonïn?

TUMWÖY 107:5

Kyam chane kömöy nko maral, akïmeghö.

TUMWÖY 78:19

Kingalana chane Tororöt nyo gha kïtep lö, “Muköy so Tororöt kïpaghecha ompö surkwen?

TUMWÖY 78:25

Kwam nyu pich omisyo malayken, kutö Tororöt chane omisyö kïmïchï.

WUWÖT 14:11

Kïlenchï chane Musa, “Kimömicha so pïrïmpotï koro Misri nka nyï kemïtwechanyi kewonyechinö surkwen? Keghwechanyi ne temïtwecha kepkanena koro Misri?

WUWÖT 17:3

Kyam pich maral ompö atoni. Kïngwïrngwïronchï Musa akïlö, “Ompö ne temïtunenechanyi Misri ateparecha nko monecha nko kyakicha ompö maral?”

WUWÖT 2:23

Nyini kiwer osiswö cho chang kïma pöytoghintonay pö Misri. Kïsïch ngwonïn pipö Israel ompö mötwornönengwa akïlokyö kïmach kingörokut, kïlïm Tororöt lokekwa

WUWÖT 5:21

Akïlenchï chane, “Nya kïsïwa ECHOTYON akurwokwekwa, ompöwölo kaghechakwa keghachituna ompö tawu Parao nko mötworichi aghakwa nyinte kïnyorï kïgh nyo pörenecha.”

YEREMIA 2:6

Mötepönye kegh chane ompö lö, ‘Mi onö ECHOTYON nyo kisörunenecha koro Misri, akuntöghoghwecha ompö surkwen, ompö koro pekat nko ngötutöy nko tuwïn nyo wow, kor wölo mewerönye pich amöminye chi nyo möngöy?’

YEREMIA 44:17

nyo kighecha ngalecho lenyini kakïcham. Kïpelchinecha amöros akepighchï kumïn tororötïnyo nyo kighöy Pöytoghinto Yïm nyo le korka le wölo kighöy papotïnecha nko pöytoghï nko kintöghoghï ompö kanastina Yuda nko Yerusalem. Ki wow atoni akikïtïngetecha tïkwïn amökïnyoruchanye nyarïl nyonikïny.

LOK 4:9

Kingwangwa megha chok ompö poryot kïtïl megha kömöy, ompöwölo kichönkwïlyö nyo kogh akutupï kong meghat ompö rörchin pö omisyö.

KIYITUT 11:15

Ato ighwaninyi le nyï, iparanïn pat, ompöwölo mochömanye osïwïyi ngal cho lata chï.”

KIYITUT 11:20

Wölo omekwa arawa löwïr ntökïtenö opïghyenökwa lö, kïng akulilakwa. Ompöwölo kataghakwa ECHOTYON nyo mi nko akwa atïlchikwa nyinte alekwa, “Ompö ne tökepkanenacha Misri?’ ”

KIYITUT 14:2

Kïngwïrngwïronchï pich löwïr Musa nko Aron akïlenchï chane, “Kitö ngwangwa kemeghyechinöcha koro Misri anta surkwen!

KIYITUT 14:3

Ompö ne tökumïtwecha ECHOTYON koronï, lö so tökewonyenöcha ompö chok? Kïnömöy korucha nko monïnge. Möngwangwanye ye kemïlisyö Misri?”

KIYITUT 16:13

Ilentenyi so kïgh nyo mïnïng nyini kimïtunechanyi kor nyo yintegho chö nko kumat, atetïghecha ompö surkwen? Akwanyï imökenyi ye lïkune kirwokintencha?

KIYITUT 16:41

Wölo kïngwïrngwïronchï pich Musa nko Aron ompö asis nyo kirïptoy kïlentöy, “Kaparakwa pipö ECHOTYON.”

KIYITUT 21:5

Kïngwïrngwïronchï pich ECHOTYON nko Musa akïlö, “Ompö ne tamïtunenechakwa Misri kepkana kemeghyechinö surkwen wölo möminye omisyö anta pögh. Kikulilecha ompö omisyonï, lenye kwïle!”

IGHISYEWUT 26:29

Kuyokyï Paulö lö, “Ato kö tangogh pöroyïn anta kö kogh, wölo osoghan Tororöt lö, telïkunyi le ani nko pïchete teröy ngalechan kïpoto chï le sïrïmtin!”

1 KORINTO 4:8

Kyopïghyekwa ye nyu! Kyalïkukwa sïkön! Kyalïkukwa pöytoghï amelö kïmitecha nko akwa! Owöy, wölo ntökopöytonekwa nyoman kuten, atökemukacha tïkwïl kepaytena nko akwa!

2 KORINTO 11:1

Wechï komökan lö tomïkukönökwa nko ani kite kïrkegh kochan sölwö. Kaykay omïkukönwante kite!

KINONO KIRURUT 28:67

Nyini kayech amachakwa lö opï katuwit. Nyini katuwit olekwa opï kayech.

KINONO KIRURUT 8:3

Kighakwa opö kegh ngwïny akïpïswekwa kömöy. Atolapay kïpaghenokwa mana cho melö kyonkïtökwa anta papotïnekwa. Atonkïtunö lö melö söpo ptangengmöt makatyan onkït, wölo söpo ngölyon anka tïkwïl nyo ngwïno kuti ECHOTYON.

YOSWÖ 7:7

Kïlö Yoswö, “Heywey! Echotyon TORORÖT, ompö ne temïtunanyi pïchï kwowï Yordan, tetönecha mori pipö Amori, tökuwanyecha? Kitö kaykay kemangacha Yordan antakwagh!