5 Kilum chane puseryonta, kilït chane pögh le koghïn.
Kimuryenyi nanam ompö tawungwa, kwoghyö chane nanamay kïtïyame, aiwirchinyi pich cho kirïpöy chane nanam ori le kagh nyo kakïwirchï puseryon nyo wow.
Kulum pöghechay pö nanam pungkökwa, akuwany lömïs.
Kïmïlisyö pöghechay akulum nkaritine nko pipö angoletin nko lïke kïmïkul nyo pö Parao nyo kirïp chane ntökwit nanam ori. Möminye ompö akong nyo kingötï.
Kikutïtenyi pipö Misri kulum nanam, kïtïp pögh chane lenyini.
Köchïnchï chane nyarïl nko mïghö, kösisyö chane le muntïruch otini kisïwa owesyengu, we ECHOTYON, ntökïtenö kuwer piköku chay kisörunenyi sekeynön.
Kyomitan kïtomö kegh nanamtin, akitomönye kïmi kori pöghon cho yintegho pögh cho möngörï,
Kewonyechinyi ye nko meli nanam kwen, kuwonyö tïkwïl tïkuku cho kyoltoy nko mötworiku löwïr, kowonyechikwa pögh lömïs.’
kilentöy, “Kyokurinyi we ECHOTYON ompö nyörilwoköchan, ingitönwaninyi. Kyorirchinyi otini kyomitan ngwen, iterwaninyi saghatenyu.
Tesyonchechanyi kokay, aityökchinyi ngwïny ngokicha aityarta kïröytö nanam to.
“Ato töp chi ntökïlelchï akonga ompö monechï mïnkech kïpïstö kighanatengwa nyo tïng ompö ani kötö mïchini kerötyï katïnyi koghpa pagh nyo mamïnïng akewirchï nanam ori.
Atolapay kïcheng malaykayan nyo awes kogh nyo wow akïwirchï nanam, akïlö, “Nka nyete wölo kirultoy kanasyantanï wow pö Papilon, amelö tökesïwïyi nyinte ngat.
