WUWÖT 15:26 - PIPÏLIA

²⁶ Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

WUWÖT 15:26 ပူးပေါင်းရင်းမြစ်များ

1 PÖYTOGHÏ 11:33

Oghan le nyete ompöwölo kataghanïn Solomon akïsagh tororötino pich cho le to, cho lata ompö Asterot tororöt pö pipö Sidon nyo le korka nko Kemos tororöt pö pipö Moap nko Molek tororöt pö pipö Amon. Kapeny Solomon kirurutköchan akwigh ngokï amelö kötökïrïp ngalechan le paponyi Daudi.

1 PÖYTOGHÏ 11:38

Ato iteranyi ngalechan aitöpö kïrïp kegh nko ngalechan, aighaninyi angarakan airïp ompö terchin kirurutköchan le mötworintenyan Daudi, otöponan nko nyi kokay. Ochïchiman paytaghtangu kïkil ompö koro Israel le wölo kyoghchan Daudi.

2 PÖYTOGHÏ 2:21

kïwö kutang köyay pö pögh akïlösyï partinechay kïlentöy, “Mwoghöy ECHOTYON lö, ‘Kosopön pöghechï, melö tökwighöy pich ngat kïmeghyot anta igh kor mörïrö tïkwïn.’ ”

2 PÖYTOGHÏ 20:5

Mïlena ngat wölo mi Esekia, nyo le pöytoghinto piköchan ailenchï, “Kölö ECHOTYON Tororöt pö papongu Daudi, kalïman saghatengu asïwan lokeku. Osopinyi, nyo ato mi asispa sömök iwenyi Kö pö Tororöt.

2 PÖYTOGHÏ 22:2

Kigh Yosia nyo karam ompö tawu ECHOTYON. Kirïp otöpto kwanta pöytoghin Daudi. Melö kipïstö kirurut pö ECHOTYON nyo le ompö akonga.

AYUPU 5:18

Ompöwölo kotönöy nyinte, wölo rötöy moyokö Mungöy ewunyi, wölo sopöy nyinte.

TUMWÖY 103:3

Löstoghwanïn ngokichu löwïr akusopöy sömewutköchan löwïr.

TUMWÖY 147:3

Sopöy pich cho kimeghö mutïnö akïrat moyokökwa.

TUMWÖY 81:9

Mopöghisyechï tororötin walaka amokïlchï tororötino putintön.

WUWÖT 12:29

Kïpar ECHOTYON oghökwen poretay löwïr cho pö pipö Misri, kutorö poretye nyo pö Parao nyo mïlöy ngacharu paytagh ntökwit poretye nyo pö chi nyo mi chela nko poretay lapay cho pö kyak.

WUWÖT 19:5

Ato okonyïtanïkwa lasiny arip mumenyan. Olïkukwa piköcha kegh kïtïl pipö punton löwïr, kïrkegh kö nyinyan ngwïnya kïmïkul,

WUWÖT 19:6

pich cho kikengot kïpöghisyeghwanïn akï pipö punton akonga cho tïlilöch.’ Imwochinenyi pipö Israel ngalechï.”

WUWÖT 20:2

“Ochan ECHOTYON Tororötïnkwa, nyo kyamïtunekwa koro Misri wölo kyochikwa sekey.”

WUWÖT 23:25

Asagh ECHOTYON Tororötïngwo, atökuperur omisyenkwa nko pöghe, onoteghonan sömewut ompö kwenunkwa.

ISAYA 55:3

“Atera nyu pikachu, apkonchanïn. Apkana wölo omitan atonyorunö söpon! Ononan mumenyan nko akwa kokay, akonokwa chomnyogh nyo kyoyomisön Daudi.

ISAYA 57:18

“Kyasïwan wölo kipetïta chane, wölo osopan chane antöghoghchï angarak. Osoghsoghan pich cho riryot nko chane.

YEREMIA 11:7

Ompöwölo kyongölonchan nyoman papotïnekwa kïter kutinyan kïngeta otini kyamïtunan chane koro Misri nko ompö nyete le ye.

YEREMIA 17:24

“Wölo ato ateranïkwa nyo ochï ECHOTYON, akïr kegh makasan kïgh anka tïkwïl kïlïtï kukoti kanasyantanï asispa Sapato, akonyït asisoni kïlïkwï asis nyo tïlil, akïr kegh magh ighisyö anka tïkwïl asisoni,

YEREMIA 30:17

“Ongörokinyi sïkö ngat kisön cho karamach ongwïnan osopöy moyoköku. Ompöwölo kïmïninyi punköku kïlentöy, ‘Sayon* nyo puryö nyo yongöy.’ ” Mwoghöy ECHOTYON.

YEREMIA 33:6

“Wölo kïrkeghnye so choni löwïr, itïtoy ato ongwïnan osopöy pipö kanasyantanete. Ongörokan chane tökulet nyo karam akïtïpï ompö kalya.

YEREMIA 7:23

Wölo kyomwochan chane lö, ‘Atera kutinyan talïkwan Tororötïnkwa, alïkukwa piköchan, arïp ngalechï löwïr omwowokwa atonyorunö pöghisyö nyo karam.’

YEREMIA 8:22

Ayo, möminye so sakïtyanta koro Kiliad? Möminye so chepsakïtyan wölini wey? Kwompö ne nyu tomönye kïsöpchö piköchan?

ESEKEL 18:5

“Ato chi pö man chi, akwighöy man.

OSEA 11:3

Ani nyu nyo kyanet Epraim kïwestö, ateteyan ompö morichu, wölo melö kipköchï lö ani nyo kyanam chane.

OSEA 6:1

Lentöy nyu pich, kepa kemïlisyechinö ECHOTYON nyinte nyo kuparecha, tökusopech kikukotönecha nyinte, wölo rötwecha moghoyoköcho.

LAWIN 26:13

Ochan ECHOTYON Tororötïnkwa nyo kyamïtwakwa apkanena koro Misri lö tömö alïkuna sekey arïntan owesyö nyo kipöytonekwa aghekwa otyokisyenö.”

LAWIN 26:3

“Ato arïpakwa kirurutköchan akamanakwa ngalechan,

KIYITUT 12:13

Kïlokyï Musa ECHOTYON lö, “Osoghinyi, we Tororöt lö, sopö nyinte.”

KINONO KIRURUT 12:25

Ato molïwökwanye kï koghchikwa ECHOTYON ki pö man, tenöy nyu osiswekwa nko cho pö monekwa.

KINONO KIRURUT 12:28

Orip ngalechï löwïr omwowokwa ato aghakwa lenyoni kï koghchikwa ECHOTYON kipö man akï karam tenöy nyu osiswekwa nko cho pö monekwa kokay.

KINONO KIRURUT 13:18

ato oripökwa kirurutchï pö ECHOTYON Tororötïnkwa löwïr, kï koghchikwa nyinte kipö man.

KINONO KIRURUT 28:27

Pörenokwa ECHOTYON tasusay cho kipara pipö Misri. Töni nyinte porwöyikwa moyoy nko nkwich akutökwa kegh, amörökönye sakït.

KINONO KIRURUT 28:58

“Ato moripökwanye lasiny ngala kirurutchï löwïr kakikir kitapunï, atamuka okonyïtö kayneto ECHOTYON Tororötïngwo,

KINONO KIRURUT 28:60

Ipu wölo omitekwa sömewutchanya kyasïwekwa ompö koro Misri atökïnamakwa kïnomnyö.

KINONO KIRURUT 32:39

“ ‘Onkïtune ye nyu lö, ani onkït nyo ochï Tororöt, möminye tororöt anka kïpoto ani. Opöran atönan osopan, okotönan asop amelö mi chi nyo töghöy kïgh nyo oghan.

KINONO KIRURUT 5:1

Kïkur Musa pipö Israel löwïr akïlenchï, “Akwa pipö Israel, atera lasiny kirurutchï löwïr omwowokwa asete. Aneta kegh lasiny arïp.

KINONO KIRURUT 7:15

Akïchengenokwa ECHOTYON kichïr anka tïkwïl. Melö konokwa sömewutchay ghach onkïtökwa pö koro Misri, wölo töni choni löwïr pungkökwa cho reyokwa.