WUWÖT 15:20 - PIPÏLIA

²⁰ Kïcheng Miriam chepto ompö Aron nyo kile werkoyon kwïrkwïris. Akïcheng korï walaka löwïr kwïrkwïriskökwa akïrïp nyinte akïnyolöy.

WUWÖT 15:20 ပူးပေါင်းရင်းမြစ်များ

TOWUNÖT 31:27

Kilö ne techortenanyi kegh ompö sison ailïsanïn amemwowo nyo kitö oyontoninyi ompö ngörekyö nko tumwöyi pïkan nko cho pö pkurerun?

2 SAMWEL 1:20

Makany kelïma Kat anta ortïna Askelon, atömöngörekyö tipö Pilisti, atömökwol kegh koru sompen.

2 SAMWEL 6:14

Kïnyolchï Daudi ECHOTYON ompö owesyenyi kïmïkul akinonoghchï muyenyi sïra katani nyo pö tïsï.

2 SAMWEL 6:16

Nyini kitï Santuku Muma kanasyanta Daudi, kurumï Mikal chepö Saulö tïrisya akïsïwa pöytoghin Daudi kïnyolöy akudöngonyöy ompö ECHOTYON, kïsas nyinte nyoman.

2 SAMWEL 6:5

Kïmi Daudi nko pipö Israel löwïr kïnyolöy akïtumchini ECHOTYON ompö owesyengwa kïmïkul, akitïng pilimpin nko pïkantis nko kwïrkwïris nko kari walaka cho pö tumwöy.

2 PÖYTOGHÏ 22:14

Kïlenyona, kïwö Ilkia nko Aikam nko Akpor nko Syapan nko Asaya wölo mi Ulda, werkoyon nyo le korka, koko Syalum wero Tikpa wero Aras nyo kiripöy wölo kïrorchini sïro pö Kö pö Tororöt (kimöngöy nyinte kareranpa Yerusalem nyo kitö keteköy) akïmwochï nyinte ngalechay keghisyö.

1 OTÖPTINO OSIS 15:16

Kïmwochï Daudi kintöghoghi pipö Lawi kïkïl werkökwa cho tumöy tumwöy akïpöghisyegho pilimpin nko kayampen.

1 OTÖPTINO OSIS 6:3

Kitïng Amram wor odeny, Aron nko Musa nko cheptö akonga nyo kikuro Miriam. Kitïng Aron wor angwan, Nadap nko Apiu nko Eleasar nko Itamar.

NEEMIA 6:14

Asaghan lö, “We Tororötïnyu, rosa Topiya nko Sanpalat ompö ngalechï kegh chane nko Noadiya kokonï le werkoyon nko werkoy walaka cho mököy kwotyeghenanïn.”

TUMWÖY 149:3

Asala kaynatenyi ompö nyalat, otumchinö nyinte ompö kwïrkwïris nko pïkantis.

TUMWÖY 150:4

Asalena kwïrkwïris nko nyalat. Asalena pïkantis nko pkurerï.

TUMWÖY 30:11

Kewaghakanyi lokechan kïlïkwï ngörekyö. Kenateghenyi nyarïl ompö ani ainyïghitaninyi turönöt,

TUMWÖY 68:11

Mwowu Echotyon ngalechi, kupertoy pöytoghï nko lïkoskökwa. Kïmwatïta korï cho chang lökoyechoni akupar ompö keston pöröw

TUMWÖY 68:25

Mi tumï kuntöghoghöy, kïrïpöy lötungwa pïti pïkantis, kïmi tipïn kwenungwa cho kitïng kwïrkwïris,

TUMWÖY 68:26

“Sala Tororöt ompö kwenu pikachi, sala ECHOTYON, pipö ara Yakopo löwïr!”

TUMWÖY 81:2

Otumö arat kwïrkwïris apït pïkantis nko pkurerun.

WUWÖT 2:4

Kughyongö cheptöngwa ato low kite, ompöwölo kimököy kunkïtu lö ne nyo igho ompö nyinte.

OMTOGHIN 3:4

ato kïrirsot nko ato kïrorïsot, ato kïriröy nko ato kïnyolöy,

YEREMIA 31:4

Nyi Israel, chepkïltït nyo pïchigh, otekinyi ngat kïteka! Irötenyi ngat kwïrkwïrisköku ainyal ompö ngörekyö nyo wow.

MIKA 6:4

Kyamïtunenekwa apkanena koro Misri, asörunenokwa otöp pö sekeynön. Kyokonokwa Musa kuntöghoghwokwa nko Aron nko Miriam.

KIYITUT 12:1

Kingalana Miriam nko Aron Musa nyo gha, ompöwölo kip chepö Kusyin.

KIYITUT 12:2

Kïlö, “Köngölonï ECHOTYON so kuwerï Musa onkït? Möngölonunye kuwerï acha tïkwïlï?” Kïlïm ECHOTYON ngalekwa.

KIYITUT 20:1

Kwit pipö Israel löwïr surkwen pö Sin arawa tagh akïmang Kades, kïröpösyï Miriam Kades, akerorchï wölini.

KIYITUT 26:59

Kaynata koko Amram kï Yokeped nyo kikïyichï Misri. Kiyichï Amram wor odeny, Aron nko Musa nko cheptö nyo kïkuro Miriam.

LUKA 2:36

Kimi werkoyontö nyo kïle korka nyo kikïkuro Ana akekuro kwanta, Panuel nyo kipö ara Asyer. Kikikïyosit nyinte, kitöpö nko santenyi könyis mut nko odeny kïngeta otini kile mïrar,

IGHISYEWUT 21:9

Kitïng tipichi angwan cho kitomönye kep cho kimwotïtöy ngölyonto Tororöt.

1 KORINTO 11:5

Ato soghöy korka, anta ato mwowu ngölyonto Tororöt ompö tawu pich, ameyenotenye mötïnyi, kïmökonyïtönye santenyi, kïkarkegh nyinte pat nko korka nyo karwak möt.

1 KORINTO 14:34

mïchini kïsisyö korï ompö tuyotïno kanisen. Melö kïchömchini chane kïngölonöy, kïle wölo mwoytoy kirurut pö pipö Yaudi lö mïchini kïrïng kegh chane,

KIRWOKÏ 11:34

Otini kïmïla Yepta katanyi wölini le Mispa, kïlïtï sany cheptanyi nyo kitïng kwïrkwïris kungwïn kïtaroch nyinte kïnyolonu. Kimötïngnye montö anka kïpoto nyoni.

KIRWOKÏ 21:21

Nyini kasïwekwa tipïn cho pkono Syilo atö kïpironchö atoni kyomöy ichon, apkana parenichoni pö sapipun, aichït chi anka tïkwïl korkengu ompö tipichoni apa nko chane koro Penchamen.

KIRWOKÏ 4:4

Ki werkoyon Depora koko Lapidot aki mutinto ngal ompö Israel osiswechoni.

1 SAMWEL 10:5

Atolapay iwenyi ntet kutïng pö Tororöt nyo mi Kipea, wölo mi möngo Pilisti. Otini kerikanyi kanasyan, inyorunyi söpïch pö werkoy cho rökuno tïkumwok akïtïng pïkantis nko tokigh nko kurerun nko kadungwïtin akïngorsïyi.

1 SAMWEL 18:6

Otini kimi kïpkonöy kaw, ompö wölay kipara Daudi Kolyat, kïpka koru kanastina Israel löwïr kïtarok pöytoghin Saulö. Kitumöy tumwöyi ngörekyö ompö kwïrkwïris nko kari tumwöy.