WUWÖT 15:17 - PIPÏLIA

¹⁷ Imïtunyi chane aikany kïmang kutïngtöngu, we ECHOTYON, wölo kekïlanyi kïlïkwï möngengu, kongu nyo tïlil nyo kitekenyi moriku.

WUWÖT 15:17 ပူးပေါင်းရင်းမြစ်များ

2 SAMWEL 7:10

Oyörchinan piköchan Israel kor atökïmang chane korengwa atömökïmi pich cho le pkatis cho susöy chane le tagh

1 PÖYTOGHÏ 8:13

Kotekunyi ye nyu kö nyo pö töngönchin nyo imöngenyi kokay.”

TUMWÖY 114:2

kïlïkwï Yuda pipö ECHOTYON cho tïlilöch, kïlïkwï Israel möngenyi wölo pöytegho.

TUMWÖY 2:6

“Kotönön pöytoghintenyu kïtöpö Sayon,* kutïngtönyan nyo tïlil.”

TUMWÖY 44:2

Kiyontenyi pipö punton, wölo itönönyi korengwa papotïnecha Kichoptenyi kong pipö punton walaka aighanyi piköku kulet akïsïch tïkwïn.

TUMWÖY 68:16

Kölö ne nya kutïngkotichï tomchinökwa nyonyintön, kutïng nyo kikïl Tororöt lö otöpo? Töpo ECHOTYON wöloni kokay!

TUMWÖY 76:2

Mito möngenyi Yerusalem, möngöy kutïng pö Sayon.*

TUMWÖY 80:15

ketï kikatkatenyi ewungu, ketï kesïl kighanyi kïpit.

TUMWÖY 80:8

Kipunenyi Misri ket pö sapipïyon, kiyonenyi pipö punton aikatkatanyi ketoni korengwa.

WUWÖT 15:13

Kintöghoghchinyi piköku cho kisörunyi lenyini kiyomisönyi, kiripönyi chane ompö owesyengu ntökwit korengu nyo tïlil.

WUWÖT 23:20

“Oyokunan malaykayan kïwö tawunkwa kïripotokwa ompö rutogh akumïtakwa ntat wölo kyaghwakwa.

WUWÖT 25:8

Nya kïtekwanïn chane wölo tïlil, ato töpan kwenungwa.

WUWÖT 32:34

Wïyö ye nyu, ntöghoghchinö pich kïpa walay komwowunyi, wetöy malaykayantenyan tawungu. Wölo otöninan chane sitöt ato lekït ompö ngokikwa.”

YEREMIA 2:21

Wölo nyu kyakatkatinyi le sapipu nyo kyokïlchan kegh, sapipïyon nyo pö kösïghyon nyo karam. Kwompö ne nyu tewaghakenanyi inyara, ailïkwï sapipïyonto wuw?

YEREMIA 31:23

Lentöy ECHOTYON Kimuktoghin, Tororöt pö Israel, “Otini koyokwan pipö Israel kïpka korengwa, mwoghöy chane ngat ompö koro Yuda nko kanastinechi lö, ‘Nya kusoyönin ECHOTYON we kutïng pö Yerusalem nyo tïlil, Ichinyi kimpïr pö tïlilyö!’

YEREMIA 32:41

Ongörökyinan oghchï chane tïkwïn cho karamach achïchimchan chane kïmang koronï ompö mantanyan.

ESEKEL 37:26

Oman nyu muma* nko chane, lïku nyo pö kokay nko chane. Osoyönan, atas chane kïchangit, atolapay opintityan Konyan kwenungwa kïtöpö kokay.

ESEKEL 37:28

Kunkïtï nyu puntonï lö ani ECHOTYON nyo otïlilöy Israel otini mi Konyan nko chane kokay nko kokay.”

KINONO KIRURUT 33:19

Kitach chane pich cho le pïnot ompö komoswekwa, akutötö amörostin ompö man. Nyoruno chane sïkönötengwa nanam, akïnyoru sïkönöt ompö söröm nanam.”

YOSWÖ 22:19

Wölo ato tomönye ketïlil korenkwa atökeroptegha amörostin aghyö atang koro ECHOTYON wölo mi Ema nyo mi ECHOTYON* achengchï kegh kor kilïkwï nyingwo ompö kwenuncha wölo mapeny ECHOTYON anta aghecha kepenya ECHOTYON otï katekakwa ato kïpelo amöros nyo sis nyo melö nyï pö ECHOTYON Tororötïnyo.