WUWÖT 12:22 - PIPÏLIA

²² Acheng rötutyo ket cho kïkuro isop* anönokö kisön cho mi otupö anyïra chïrchïru kukat nko pölöwo kukat. Amöminye chi nyo lïtöy sany ntökwit tökwoghö.

WUWÖT 12:22 ပူးပေါင်းရင်းမြစ်များ

TUMWÖY 51:7

Mwata ngokichan atotïlilitwan, wunante atorelitwan löpöt!

WUWÖT 12:7

Atolapay kïcheng kisönkö akïnyïra pölöwo kukat nko chïrchïru kuka köyoni komisyeghö chane,

ISAYA 26:20

Ape pikachu atanga korikwo, apa akar kukotwekwo. Awïnga kegh kite, ntökïtenö kuwonyö sïngiryo Tororöt.

KIYITUT 19:18

Atolapay kïcheng chi nyo melö sïmnyon isop akulut pögh akwisö Ema nko tïkwïn tawin cho mi ori nko pich cho mi ori nko chi nyo kinam mïntïrïch anta kowö anta pïrïm.

MATAYO 26:30

Atolapay kïtum chane tum akïpa kutang kutïng pö Arol.

EPRANIA 11:28

Kigh kighanata nyinte kwam Pasaka* akïmwochï pich kuchukö kisön kukot, tömengwïn Malaykayanta Meghat kïtïgh poretayi pipö Israel.

EPRANIA 12:24

Kapkanakwa wölo mi Yeso nyo kingwïn kwigh muma* nyo rel akï kïmïlta kisönkachi cho ngölonöy tïkwïn cho karamach kïtïl chanya pö Apel.

EPRANIA 9:1

Kitïng muma* nyo pö tagh tötutkachi cho kiporu wölo lata sowut nko ato tïlil wölo kisogho ompö ngwïnyinï.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

EPRANIA 9:19

Kinya Musa kïmwochï pich löwïr kiyomisutchoni le wölo kikikïrta ompö kirurut atolapay kïcheng kisön pö mogh nko pögh nko puto kech cho pïröch akïpöghisyeghö kamisyan nyo pö ket nyo kïkuro isop* akwisö kitapu Kirurut* nko pikö kïmïkul,

YOSWÖ 2:19

Ato wö chi sany ompö kongu, kwomöy nyinte kisönkachi, melö omecha kïgh, wölo ato kïpar chi anka tïkwïl nyo mito nko nyi kö ori, kwomecha kisönkachi.

1 PETRO 1:2

Kikïkïlakwa kïrïp kegh nko machata Papo Tororöt aketïlilokwa ompö Mïkulöwunyi atoterchinö Yeso Kristo atökuwunokwa kisönkachi. Osoghan lö nya kïtasa tya pöropchö nko kalya ompö akwa.