9 Mopöghisyechï tororötin walaka amokïlchï tororötino putintön.
Kïlö Mikaya, “Tera ngölyonto ECHOTYON ngat! Kyasïwan ECHOTYON kïtöpo ngacharunyi ompö yïm nko malaykenichi löwïr cho kighyongöy kuwit nyinte.
Ntökikïpïstecha kesagha Tororötïnyo akesagh tororötin walaka,
“Atera pikachu ato ongölonan. Omwoghan lelutköku Israel, ochan Tororöt, Tororötïngu!
Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”
Atera ngölyon nyo omwoghan. Atera, akany kïlïtok yitïn ngalechï omwowokwa.
Kyangoran kïgh nyo igho, atolapay angwïnan angarakekwa. Möminye tororöt anka nyo kikwigh lenyoni, achikwa söwichan.
Atera ngölyonto ECHOTYON, pïchï pö Israel, ompöwölo tïng ECHOTYON kigheghchin ompö pïchï möngöy koronï. Ompöwölo mökïminye man anta kisyonöt anta sïkunöto Tororöt ompö koronï.
Melö tökï pich cho ghönote pipö Yuda ompö tawu Tororöt. Kegh chane tïkwïn cho ghach nyoman ompö kanasyanta Yerusalem nko koro Israel kïmïkul. Kesïmnyon Kö pö Tororöt* nyo pö saghat nyo chömo kegh nyinte, atolapay kwipchï kegh kor cho soghöy tororötino pipö punton.
ECHOTYON onkït nyo kintöghoghchï pikachi melö kimi tororöt anka nyo le ton.
Marïp tororötine walaka cho pö pipö punton cho möngöy kuwitwitokwa.