TUMWÖY 81:3 - PIPÏLIA

³ Akuta konti relïn pö arawa nko ato kighyö arawa, otini kyomöy ichon nyo wow.

TUMWÖY 81:3 ပူးပေါင်းရင်းမြစ်များ

2 PÖYTOGHÏ 4:23

Kïtep pontenyi lö, “Ompö ne temökenyi wete asisete, akwanyï melö asispa Sapato* anta Ichon pö Relïn pö Arawa?” Kuyokyï korkenyi lö, “Mökïghnye!”

1 OTÖPTINO OSIS 15:16

Kïmwochï Daudi kintöghoghi pipö Lawi kïkïl werkökwa cho tumöy tumwöy akïpöghisyegho pilimpin nko kayampen.

1 OTÖPTINO OSIS 15:19

Tumï cho kilïwöy karïn cho silyot kï: Eman nko Asap nko Etan.

1 OTÖPTINO OSIS 15:24

Tïsï cho kikutöy kontï ompö tawu Santuku Muma kï Syepania nko Yosyapat nko Netanel nko Amasay nko Sakaria Penaya nko Elieser. Kilïkwï tïkwïl Oped Edom nko Yeia ripi santukunoni.

1 OTÖPTINO OSIS 16:42

Kiripöy Eman nko Yedutun tïkwïl kontin nko tasim nko kari walaka cho kïpöghisyegho ato kïtumöy tumwöyi kwolöt. Pipö ara Yedutun cho kikïkïl kïrip kukat.

1 OTÖPTINO OSIS 16:6

kïkutöy kontin Penaya nko Yaasiel ompö tawu Santuku Muma.

1 OTÖPTINO OSIS 25:1

Kikïl Daudi nko kintöghoghi pipö Lawi pïchï pö ara Lawi kuntöghoghchï ighisyo saghat: Asap nko Eman nko Yedutun. Chane cho kimwowu ngölyonto Tororöt ompö pïkantis nko tokigh. Chï kï pïchoni kikïkïl kuntöghoghchï saghat nko ighisyengwa nyo kighöy.

2 OTÖPTINO OSIS 13:12

Arose lö, mi Tororöt nko acha, kintöghoghintencha nyinte akïmi tïsichi cho tïng kontin cho kutöy konti rira poryot nko akwa. Werpö Israel moporyeghö ECHOTYON Tororöt pö papotïnekwo ompöwölo momukekwanye.”

2 OTÖPTINO OSIS 13:14

Otini kisïwa pipö Yuda lö, kinam poryot chane löt nko tagh, kïrirchï Tororöt akïkut tïsï kontin.

2 OTÖPTINO OSIS 2:4

Ompöwölo karich otekyan kö nyo kïsölo kaynata ECHOTYON Tororötïnyan, akï wölo kïpelchinegho nyinte amörostin cho ngutoy cho onyïn akïlïkwï nyu ato kitötegho amörostin ompö osis löwïr, nyo pö makatyanta kiporunöt nko amörostin cho kïpelöy tökwoghö nko mönon nko cho pö asispa Sapato* nko Ichon pö Relïn pö Arawa nko ichontino ECHOTYON Tororötïncha le otini kikïmwochï Israel kwigh lenyoni kokay.

2 OTÖPTINO OSIS 5:12

Kïngetyö tumï löwïr cho pö pipö Lawi, choni kï ompö Asap, Eman, Yedutun nko monekwa cho le wor nko werkökwa cho tupchö. Kipura kegh sïro pö katani cho karamach, kighyongo okumpö kongasis nyo pö ato kïpelo amöros kïmi nko tïsï cho le 120 cho kikutöy kontin, kitïng chane karïn cho töpölöl cho kilïwöy kusilyö nko pïkantis nko kurerun.

2 OTÖPTINO OSIS 8:13

Kipel amörostin kïrïp kegh nko Kirurut pö Musa ompö asis anka tïkwïl nyo tïlil, choni kï: Sapatotin* nko Ichontino Relïn pö Arawa nko ichontin sömök cho echön, choni kï: Ichon pö Makatin cho puryö Mumar nko Ichon pö Ilö nko Ichon pö Tunkun.

TUMWÖY 149:3

Asala kaynatenyi ompö nyalat, otumchinö nyinte ompö kwïrkwïris nko pïkantis.

TUMWÖY 33:2

Asala ECHOTYON ompö pkurerun, otumchinö nyinte ompö pïkan.

TUMWÖY 98:6

Akuta kontï nko adadat ateghyö, otumchinö ECHOTYON, Pöytoghintenyo ompö ngörekyö.

LOK 2:6

Kiraprap ECHOTYON konyi nyo pö saghat le söpoto par. Kitagha ECHOTYON Sayon kïkonyït ichontin nko Sapato.* Katagh tïkwïl pöytoghin nko tïsin anka tïkwïl ompö nörekyenyi nyo ngwan.

NAUM 1:15

Akwa pipö Yuda, arose! Ketï chi nyo köwolï kutïngkot, chi nyo ipu lökoy cho karamach. Ngwïnöy kïmwowu lö kikerïnta koro Asirya. Kïlenyona ye akwa pipö Yuda, ongörekyenö ompö ichontinekwo. Otönö Tororöt tïkwïn cho kyawalwalakwa lö kitöni. Ompöwölo melö tökupokyini ngat korenkwa pich cho ghach. Kikenyar pïchoni kuwonyö lömïs.

KIYITUT 15:3

Otötenekwa egh anta kech anta aran le ropöwon nyo kïpelöy anta le amöros nyo kiwalwal chi lö otötoy anta nyo kacham chi ompö mïkulöwunyi nyinte anta nyo pö ichontin cho tïlilöch, le kïgh nyo ngutoy nyo karam ompö ECHOTYON.

KIYITUT 28:11

Oropchinekwa ECHOTYON ropöw cho kïpelöy ompö relïntino oroyekwa: ngartin odeny nko makal akonga nko wara kechir mut nko odeny cho le mökol cho tïng köny akonga akïlïpopöch.

KINONO KIRURUT 16:15

Aikonyït ECHOTYON Tororötïngu otini omenyi Ichon pö Tunkun ompö osis mut nko odeny ompö wölini kakïl ECHOTYON kesagha nyinte, ompöwölo soyöninyi nyinte ompö pagheku kïmïkul nko ighisyewutköku, atemuka ngaraka nyoman.

KOLOSAY 2:16

Kïlenyona makany kurwokwok chi ompö kïgh nyo kyomöy anta ompö nyo kïgheghöy anta ompö Ichon pö Relïn pö Arawa anta ompö ichontin walaka anta ompö asispa Sapato.*