TUMWÖY 8:2 - PIPÏLIA

² Kitorönyi owesyö kïngetunö kutïwa monïng nko cho pö mnyarkiltin nyo chïchïmate akwompö punköku atökïkar chane kïsisyö.

TUMWÖY 8:2 ပူးပေါင်းရင်းမြစ်များ

TUMWÖY 148:13

Nya kïsal chane kayna ECHOTYON, ompöwölo kaynatenyi onkït nyo töror, tïlöy töroryenyi ngwïny nko yïm.

TUMWÖY 4:4

Omïghyenö atagh ngokï, anan ompö pöröyunekwo asisyö lasay.

TUMWÖY 44:16

ompö nyerererat nko sasat nyo konyorchan punkachu nko cho tökisïyi.

TUMWÖY 46:10

Lentöy nyinte, “Osisyenö ankïtï lö, ochan Tororöt! Osïkonan ororyö punton löwïr, osïkonan ororyö ngwïny kïmïkul!”

TUMWÖY 57:6

Ketö pungköchan ngöghöp tawunyan, omitan owongu ompö nyarïl. Köpölwanïn pïrïm chane ompö orenyan, wölo köchïnchï chane pïrïmpononi.

WUWÖT 11:7

Wölo möminye kïgh nyo omöy pipö Israel anta kyakikwa, tonkïtunö lö pesyot ECHOTYON pipö Misri nko pipö Israel.

WUWÖT 15:16

Köchïnchï chane nyarïl nko mïghö, kösisyö chane le muntïruch otini kisïwa owesyengu, we ECHOTYON, ntökïtenö kuwer piköku chay kisörunenyi sekeynön.

ISAYA 40:31

Wölo nyoru pich cho könönöy ECHOTYON owesyö. Piltegho chane köpepoy le sichtin, ryöghöy chane amelö oghochot. Petöy chane amelö oghochot.

ISAYA 6:3

Kimi kïkuröy kegh kïlentöy! “Tïlil, tïlil, tïlil! Tïlil ECHOTYON Kimuktoghin! Nyïghiti ororyenyi ngwïny.”

AMOS 5:9

Nyornyoröy nyinte pich cho owesöch nko wölo aghïgh atïghö kwa kegh.

APAKUK 2:20

Wölo mi ECHOTYON Konyi nyo tïlil, nya kïsï ngwïnya kïmïkul lasay ompö tawunyi.

MATAYO 11:25

Kïmwa nyu Yeso atoni lö, “Paponyu, Echotyonto yïm nko ngwïny! Oyokunyi sörö ompöwölo kewïngenyi pich cho ngöghomöch ngalechi aingongchï nyu tengon.

MATAYO 21:16

Kïlenchï pich Yeso, “Melïmenyinye so ngalechï mwoghöy chane.” Kïlenchï Yeso, “Owöy, olïman! Kichö tomönye so osomönökwa ngalechï kirate ompö Kikirut lö, ‘Keghanyi tengon nko mnyarkiltin kïkonï salat nyo tenate?’ ”

LUKA 10:21

Ompö atoni kïturön Yeso ompö Mïkulögh nyo Tïlil akïlö, osölinyi, “Echotyonto yïm nko ngwïny, ompöwölo keporchinyi sölwöy tïkwïn cho kewïngenyi pich cho lechini kegh kïchï ngöghomöch anta kïchï chïreröch. Wölo kengongchinyi cho mïnïngitöy kegh le tengon. Nyoman Papo, lenyoni wölini kitatïtenyi ompö pöropchengu.”

1 KORINTO 1:27

Kisas nyu Tororöt kikïl tïkwïn cho yitöy ngwïnya lö sölwontön atökutö arasï pich cho ngöghomöch, akïkïl tïpö ngwïny cho nyörkölöl atökutö arasï pich cho owesöch.

1 SAMWEL 2:9

“Ripöy pich cho ghönöy nyinte, wölo wonyechini cho ghach tuwïn. Ompöwölo möminye chi nyo muktoy ompö owesyenyi kegh.