5 Nya kïsöp nyinte osis löwïr cho tökulïwu asis, otini kïnye tökulïwchini arawa pïnwöy cho tökïpkonöy.
Otini kilïm pipö Israel löwïr wölo kimutïta pöytoghintonay ngalechoni, kïtöngönchï akïkonyït nyinte nyoman, ompöwölo kipköchï chane lö kitïng nyinte ngöghomnyö nyo kitö Tororöt atökïmut ngal ompö man.
Nya kenan kaynata pöytoghin kokay nko ororyenyi le asis. Nya kusoyönisyö puntonï löwïr ompö nyinte. Nya kekurö nyo soyönote.
Nya kusïl man osiswechi löwïr akïtasa pöghisyö ntökïtenö kumisö löpoyïn pö arawa.
Ochïchiman orenyi kokay, töpo paytaghtanyi le yïm kokay.
Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.
Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.
“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.
Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’
Nya kïsïch Tororöt ororyö ompö kanisa nko ompö Kristo Yeso osis löwïr, kokay nko kokay! Amen.*
Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”
Kïlenyona kïsagh Samwel ECHOTYON, kïkonï ECHOTYON tïlöt nko rop asisoni, kuwagh pich tya ECHOTYON nko Samwel.