2 atökïpayta piköku ompö man akurwokyï mey kuten.
Kangalan Tororöt pö Israel, kölenchanïn ghatya Israel, “Ato payta pöytoghintö pich ompö man, akïkonyïtöy Tororöt,
Nya kïkwolö Kaynata Tororötïngu! Keporï nyinte wölo chömteninyi, nka nyini keghinyi lïkuna pöytoghinto Israel. Kïlenyona irwokyï piköku ompö man.”
Otini kilïm pipö Israel löwïr wölo kimutïta pöytoghintonay ngalechoni, kïtöngönchï akïkonyït nyinte nyoman, ompöwölo kipköchï chane lö kitïng nyinte ngöghomnyö nyo kitö Tororöt atökïmut ngal ompö man.
Tönö werïnyan Solomon mïkulögh nyo karam atökwigh kïgh anka tïkwïl nyo imwochinenyi akïrïp wölo kïtektoy.”
Melö söröpu pöytoghï, anta cham sïkön kïtïl mey, ompöwölo kigh nyinte chane löwïr.
Wölo kïlö ECHOTYON, “Ongetan ompöwölo kakirey chopot akechop kong mey, atönan ato tïghume ato kekönöy chane.”
Ato rwokyï pöytoghintö meywon ompö man, kïchïchïmöy ngacharunyi nyo pö paytagh kokay.
Arosa lö itu asistanka pöytoghintö nyo pöytoy ompö konyït nko kintöghoghï cho pöytoy ompö man.
Kïnyorunö korononi kalya nko payasat kokay, ompöwölo ighöy chi anka tïkwïl kïgh nyo pö man.
Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.
Ompö osiswechoni okïlan chi nyo le chumwak nyo ngwïno ara pöytoghin Daudi kïpayta kor. Ighöy nyinte man nko tïkwïn cho karamach ompö kore kïmïkul.
“Oyörotenan nyo kepot, ayokï nyo kamasta, asop nyo kömïrö arosöy nyo le chankulan orosan nyu nyo akwagh akï tïyam oyokuyenan chane man.
Atolapay asïwan yïm kïyata, atanganyan asïwa angole nyo rel. Kikïkuro chichinö kiwegho angolenoni, “Nyo ghanate akï pö man.” Rwokyini nyinte pich ompö man akïsetöy kïporyegho pungkachi.
