TUMWÖY 72:11 - PIPÏLIA

¹¹ Nya kïkonyït pöytoghï löwïr nyinte akïpöghisyechï puntonï löwïr nyinte.

TUMWÖY 72:11 ပူးပေါင်းရင်းမြစ်များ

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

TUMWÖY 86:9

Pkonöy pipö punton löwïr cho kighanyi akïsaghinyi, we Echotyon, töroröy chane kaynatengu.

NGONGUT 21:26

Kipchini kanasyantanoni tïkwïn cho pïchighöch nko mökosyo pipö ngwïny.

NGONGUT 21:24

Pestegho pipö ngwïny löpoyïntanyi akwipchini pöytoghi ngwïny mökosyengwa kanasyantanoni.

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

ISAYA 54:5

Karkegh Ighintengu nko santengu, kïkuro nyinte ECHOTYON Kimuktoghin. Sörunyi Tororöt pö Israel nyo Tïlil pöytoghinto ngwïny kïmïkul nyinte.

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

ISAYA 49:7

Lentöy ECHOTYON, söruninto Israel, Nyinte nyo Tïlil, ompö nyo kïsösöy tya akïghöchini pipö punton, akï nyinte nyo le mötworinto pöytoghï, “Sïwïyinyi pöytoghï akïngetyinyi, sïwïyinyi kintöghoghï tïkwïl akï konyïtinyi.” Ighisyot lenyoni ompöwölo kakïl ECHOTYON mötworintenyi. Kemonöy Tororöt pö Israel nyo Tïlil kiyomisutkachi.

ISAYA 11:9

Möminye kïgh nyo omöy kïgh ompö kutïngtönyan nyo tïlil, ompöwölo ghömu ngwïny kïmïkul ngöghomnyo ECHOTYON, le pögh cho ghömu nanam.

KIYITUT 24:7

Nyoru rop kïtenö osis, akïnyoru kösïghechi pögh cho chang. Wow pöytoghintenyi kïtïl Akak, akesölöy paytaghtanyi.

MIKA 7:17

Chuto kegh ngwïny le moroyut, puluno wölo kögheto kegh ompö potana nko mïghö. Yokyini kegh ECHOTYON Tororötïnyo ompö kiwaghat.