TUMWÖY 7:9 - PIPÏLIA

⁹ Nyarnyara ghöyityo mwokïyis, wölo ichïchim chipö man. Nyi nyo inkït kinonutköchan nko möchutköchan. Ichinyi Tororöt pö man.

TUMWÖY 7:9 ပူးပေါင်းရင်းမြစ်များ

TOWUNÖT 20:5

Melö Apraam so nyo kimwa lö cheptöngwa nyinte? Akïmwa korkenyi tïkwïl ngat lö werïngwa nyinte? Kaghan ngölyontonete ompö mïkulögh nyo puryö sïmnyontön, puryö kïgh nyo kalelan.”

1 PÖYTOGHÏ 8:32

iter ECHOTYON ompö wölini le yïm, airwokyï mötworiku. Itö sitöt nyo le lelin nyo mïchini, aipïstö kïwechï kegh nyinö puryö lelut.

1 OTÖPTINO OSIS 28:9

Kïlenchï Daudi Solomon, “Werïnyu, inkïtï Tororöt pö papongu aipöghisyechï nyinte ompö mïkulögh akonga nko kinonut akonga. Nkït nyinte kinonsyewutköcha nko möchutköcha, ato iwechinyi nyinte kïtokinyi. Wölo ato itaghanyi nyinte, kïtöghinyi kokay.

TUMWÖY 10:15

Riyö ewu mwokïyon nko ewu chi nyo gha, chopa kong chane ompö kïyoni kegh chane, ntökïtenö kïpïstö.

TUMWÖY 10:18

Teghchinö man pönon nko chona kichopöy kong, atömökumï ngat ptangengmöt kwigh ghöyityö. Ompö kintöghoghinto tumï. Tum pö Daudi.

TUMWÖY 11:5

Työmöy ECHOTYON pipö man nko mwokïyis, wölo ghöchini nyinte pich cho le mosï.

TUMWÖY 139:1

Kesyakaninyi, we ECHOTYON, akinkïtwaninyi.

TUMWÖY 17:3

Ato kityamanyi mïkulöwunyan, ato kingwïnchaninyi oghö, kisyakaninyi, kïmelö inyorchinaninyi machat nyo gha, momwoghonanye kutinyu putintön.

TUMWÖY 18:21

Karïpan ara ECHOTYON amelö kopïstan Tororötïnyan.

TUMWÖY 26:2

Syakante, we ECHOTYON, aityamanïn. Roswante mïkulöwunyu nko kinonutkachu.

TUMWÖY 35:23

Nyonö, we ECHOTYON, nyonö söröpkante, ngetunö, we Tororötïnyu, roswante ngalechu.

TUMWÖY 37:23

Ato ngörökyini ECHOTYON otöpö chi pö man, kuntöghoghchini pantanyi.

TUMWÖY 40:2

Kingwïsunenanïn pïrïm, ongetunö norayon akutönanïn oghyongö ghat atïkatan wölo anger.

TUMWÖY 43:1

Rwokö, we Tororöt aiporï lö motïngetanye lelut, sörwante ompö pich cho mewöghinyinye nko putï nko cho melö pö man.

TUMWÖY 44:21

kötökenkïtunyi kïyoni, we Tororöt, ompöwölo inkïtönyi kinonutköcha cho wïngote.

TUMWÖY 58:6

Riyö kela ngötunywechï, we Tororöt, aikölöngwï chamankökwa, we ECHOTYON.

TUMWÖY 9:9

Lïku ECHOTYON wölo ghïpo chi nyo kireyöy, nayat nyo chïchïmate ompö osiswo kömpölelyö.

TUMWÖY 96:10

Omwochinö pipö punton lö, “Pöytoghin ECHOTYON. Kigh ngwïny kwaghïghit nyo metimtimonye. Rwokyini nyinte pich ompö man.”

TUMWÖY 96:13

atomïla ECHOTYON atökïpayta ngwïny. Pöytoy pipö ngwïny ompö man nko kitenat.

TUMWÖY 98:9

Otumenö tawu ECHOTYON ompöwölo kengwïn kurwokyï ngwïny. Rwokyini nyinte ngwïny ompö man akïpayta pich ompö kitenat.

YEREMIA 11:20

Wölo nyi we ECHOTYON Kimuktoghin, nyo irwoköy ompö man, isyokenyi mïkulis pö pich nko kinonutkökwa. Osoghinyi tökisyenö ompö chane, ompöwölo kyotönön ngalechan löwïr moriku.

YEREMIA 17:10

Osyokan ante ECHOTYON kinonut pö chi, okïtan mïkulöwunyi ori. Nka nyay oghchinan chi anka tïkwïl, kïrïp kegh nko ortïnechi nko ighisyewutkachi.”

YEREMIA 20:12

Nyi we ECHOTYON Kimuktoghin, nyo ikïtöy ainkïtï lö ngo nyo le chi pö man. Isïwïyenyi lö ne nyo mi mïkulöwu chi nko kïgh nyo nonöy. Nya asïwan nyu tökenyi pungköchan ompöwölo kyamantinyi kegh.

DANIEL 11:45

Akïparta emenichi cho pö paytagh kwenu nanam nko kutïng nyo mi Kö pö Tororöt, wölo meghöy akï möminye nyo ngöroköy nyinte.

IGHISYEWUT 12:23

Kïnyini lawel kïmuny malaykayanta Echotyon. Kuyin nkut, atolapay kïma ompöwölo kimetönye Tororöt konyït.

RUMI 16:25

Nya kesala ye nyu Tororöt. Muköy nyinte kuchïchim kighanatenkwa ompö Lökoy cho Karamach ngölono Yeso Kristo. Lökoy cho omtonan kïrïp kegh nko ngongut nyo pö man nyo kiwïngate ompö könyis cho chang cho kikuwer,

1 TESALONIKE 3:13

atökwigh mïkuliskökwa kïchïchïm, atalïkuna pich cho motïngcha lelut, atotïlilitunö ompö tawu Tororötïnyo akï Paponyo, otini ketï Echotyontenyo Yeso nko pikachi löwïr cho tïlilöch.

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.

YUDA 1:1

Ani Yuda palalyantanï, nyay le mötworinto Yeso Kristo* nyo ochï tupchö nko Yakopo nyo kakir palalyantanete. Kakirwokwa chona kikurok Tororöt, cho otïpïsot ompö chomnyo Tororöt Papo akï cho ripokwa Yeso Kristo.

NGONGUT 2:23

Opöran pich löwïr cho le rïpankachi atökunkïtï kanisen löwïr lö onkïtön kinonut pö pich löwïr nko mïkuliskökwa. Oghokyinan chi anka tïkwïl ompö chane kïrïp kegh nko ighisyewukachi.

1 SAMWEL 16:7

Wölo kïlenchï ECHOTYON Samwel, “Meros wölo lata nyinte anta koghïnto portanyi, ompöwölo kataghan nyinte. Melö rosöy ECHOTYON le ptangengmöt nyo rosöy wölo lata chi, wölo rosöy ECHOTYON mïkulögh.”

1 SAMWEL 2:9

“Ripöy pich cho ghönöy nyinte, wölo wonyechini cho ghach tuwïn. Ompöwölo möminye chi nyo muktoy ompö owesyenyi kegh.