TUMWÖY 69:16 - PIPÏLIA

¹⁶ Imölyöngwante, we ECHOTYON, kïrïp kegh nko chomnyengu nyo pö kokay airosante ompö kisyonötengu nyo wow.

TUMWÖY 69:16 ပူးပေါင်းရင်းမြစ်များ

TUMWÖY 106:45

Kunan muma* nyo kyam nko chane, kusyonchï chane kïrïp kegh nko chomnyenyi nyo wow nyo möwöghokonye.

TUMWÖY 109:21

Wölo poryewante, we Echotyon TORORÖT akwompö töroryeto kaynengu aisörwante ompö chomnyengu nyo pö kokay!

TUMWÖY 18:5

Kiratanïn pörköyi ngwen, kutö pïrïm ngöghöpunyi psach ompö ani.

TUMWÖY 25:16

Pörunö wölï, we ECHOTYON, aisyonchante, ompöwölo kyowongwan onkït.

TUMWÖY 26:11

Wölo orïpan ghan nyo le ani mantanyu, isyonchante aisörwante.

TUMWÖY 36:7

Pö olyot nyo wow chomnyengu nyo pö kokay, we Tororöt! Ghïpchegho ptangengmötin köpepoköku.

TUMWÖY 51:1

Isyonchante, we Tororöt, kïrïp kegh nko chomnyengu nyo pö kokay! Ingongoghta lelutköchan kïrïp kegh nko kisyonchötengu nyo wow!

TUMWÖY 63:3

Karam chomnyengu nyo pö kokay kïtïl söpon, sölinyi kutinyan.

TUMWÖY 69:13

Wölo osoghinyi, we ECHOTYON, iterwante saghatenyu, we Tororöt, otini kechamanyi. Ilïm saghatenyan, we Tororöt, ompö chomnyengu nyo pö kokay, ompö kiyomisötengu nyo pö sörunöt.

ISAYA 63:7

Omwotïtonan köromnyo ECHOTYON, Osölan nyinte ompö tïkwïn cho keghwecha nyinte. Kesoyön nyinte pipö Israel kutö tïkwïn cho chang ompö kisyonötenyi nko chomnyenyi nyo pö kokay.

MIKA 7:19

Tesyonchechanyi kokay, aityökchinyi ngwïny ngokicha aityarta kïröytö nanam to.