TUMWÖY 66:4 - PIPÏLIA

⁴ Soghinyi pich löwïr ompö ngwïny. Tumunyi chane ompö sölut, sölöy chane kaynengu.”

TUMWÖY 66:4 ပူးပေါင်းရင်းမြစ်များ

TUMWÖY 117:1

Asala ECHOTYON pipö punton löwïr! Okwolö nyinte akwa pich löwïr!

TUMWÖY 22:27

Nonöy puntonï löwïr ECHOTYON akïparta wölo mi nyinte, soghöy nyinte pipö ngwïny löwïr.

TUMWÖY 65:5

Kewöghökunyi aisörwecha ompö töngönchin, we Tororöt, nyo le sörunötencha. Twoytoninyi kegh pich ompö ngwïny kïmïkul ntökwit sörömu nanam.

ISAYA 11:9

Möminye kïgh nyo omöy kïgh ompö kutïngtönyan nyo tïlil, ompöwölo ghömu ngwïny kïmïkul ngöghomnyo ECHOTYON, le pögh cho ghömu nanam.

DANIEL 7:14

“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

NGONGUT 15:4

Ekï ngo nyo mewöghinyinye köny? Akï ngo nyinte nyo töghöy lö taparta owesyengu? Nyi onkït nyo ichï tïlil. Pkonöy puntonï lapay kïsoghinyi, ompöwölo rumteghote ighisyewutköku cho tenote ompö chane löwïr.”